ورانسی کے اسپتال میں ایمبولنس کا گھنٹوں انتظار کرنے کے بعد اہل خانہ اسٹریچر پر لاش گھر لے گئے
EPAPER
Updated: August 03, 2020, 7:17 AM IST | Agency | Lucknow
ورانسی کے اسپتال میں ایمبولنس کا گھنٹوں انتظار کرنے کے بعد اہل خانہ اسٹریچر پر لاش گھر لے گئے
وارانسی میں ایک خاتون کی موت کے بعد جب سرکاری اسپتال سے ایمبولنس نہیں ملی تو اہل خانہ اس کی لاش اسٹریچر کے ذریعے پیدل ہی لے جانے پر مجبور ہوگئے۔ بتایا جاتا ہے کہ یہ ماجرا راستے پر بھر لوگ حیرت سے دیکھتے ر ہے، اس دوران پولیس اہلکار بھی وہاں سے گزرے لیکن الزام ہے کہ کسی نے ان کی مدد نہیں کی۔ اس معاملے میں اسپتال انتظامیہ کا کہنا ہے کہ وہ ایمبولینس کا بندوبست کر ر ہے تھے لیکن اہل خانہ پہلے ہی لاش لے کر چلے گئے تھے۔
موصولہ تفصیل کے مطابق وارانسی کے چھوٹی پیری علاقے کی ر ہنے والی خاتون کو زکام اور بخار کی شکایت پر جمعہ کی شب اسپتال داخل کرایا گیا تھا۔ اس دوران اچانک ان کی صحت خراب ہونا شروع ہوگئی جب تک کہ کنبہ کے افراد کچھ سمجھتے اس سے قبل ہی وہ چل بسیں۔ کنبہ کے افراد کا کہنا ہے کہ وہ لاش لے جانے کیلئے گھنٹوں ایمبولنس کا انتظار کرتے رہے لیکن کوئی نہیں آیا۔ اسی وجہ سے وہ اسٹریچر پر نعش لے کر پیدل ہی گھر کی طرف روانہ ہوگئے۔ اس معاملے کا ا یک ویڈیو بھی سوشل میڈیا پر وائرل ہورہا ہے جس میں اسٹریچر پر خاتون کی لاش کو لے جاتے ہوئے لواحقین نظر آرہے ہیں اور ان کے ساتھ ایک دیگر خاتون گریہ وزاری کرتی ہوئی نظر آرہی ہیں۔اس معاملے میں ڈویژنل اسپتال کے ایس آئی سی پرسون کمار نے بتایا کہ خاتون کی موت کے بعد لواحقین سے ایمبولنس کا انتظام کرنے کو کہا گیا تھا۔ ایمبولنس آنے میں ۱۵؍ سے ۲۰؍ منٹ لگتے ہیں۔ اس دوران متوفیہ کے لواحقین اسٹریچر کے ساتھ ہی لاش لے کر چلے گئے۔ جب ہمیں اسپتال میں اسٹریچر نہ ہونےکے بارے میں معلوم ہوا تو ہم نے کوتوالی تھانہ میں ا س کی اطلاع دی ۔