ہندوستان اور پاکستان کے درمیان اتوار کو آر پریماداسا اسٹیڈیم میں شام ۷؍ بجے سے بڑا مقابلہ ہونا ہے۔ اس میچ کے جوش و خروش کو محسوس کرنے کے لیے نہ صرف ہندوستان اور پاکستان بلکہ دنیا بھر کے کرکٹ مداح تیار ہیں۔

ہندوستان اور پاکستان کے درمیان اتوار کو آر  پریماداسا اسٹیڈیم میں شام ۷؍ بجے سے بڑا مقابلہ ہونا ہے۔ اس میچ کے جوش و خروش کو محسوس کرنے کے لیے نہ صرف ہندوستان  اور پاکستان بلکہ دنیا بھر کے کرکٹ مداح  تیار ہیں۔ کرکٹ فینز کے لیے بارش مسئلہ بن سکتی ہے کیونکہ میچ کے دوران بارش کھیل میں خلل ڈال سکتی ہے۔
آئیے جانتے ہیں کہ میچ کے دوران اگر بارش ہو جائے تو کس ٹیم کو فائدہ یا نقصان ہوگا اور آئی سی سی کے قواعد کیا کہتے ہیں۔اتوار کو کولمبو میں دن کے دوران بارش کے امکانات تقریباً ۶۵؍ فیصد ہیں۔ شام میں بارش کا خطرہ کم ہے، لیکن میچ کے ابتدائی گھنٹوں میں بارش کا خدشہ ہے۔ ہوا معمولی سے درمیانی ہوگی اور نمی زیادہ رہے گی۔
آئی سی سی کے قواعد کے مطابق ٹی۲۰؍ میچ میں نتیجہ نکلنے کے لیے کم از کم پانچ اوورز کھیلنا ضروری ہے۔ اگر بارش یا گیلی آؤٹ فیلڈ کی وجہ سے یہ کم از کم کھیل بھی ممکن نہ ہو، تو میچ غیر معتبر قرار دیا جائے گا۔ گروپ اسٹيج کے میچز کے لیے کوئی ریزرو دن نہیں ہوتا۔

یہ بھی پڑھئے:مارکرم کی طوفانی نصف سنچری، جنوبی افریقہ نے نیوزی لینڈ کو ۷؍ وکٹوں سے ہرا دیا

آئی سی سی کے قواعد کے مطابق بارش کی وجہ سے  ۵۔۵؍اوورز کا میچ نہ ہونے کی صورت میں ہندوستان  اور پاکستان دونوں کو۱۔۱؍ پوائنٹ دیا جائے گا۔ اگر پانچ اوورز کھیل لیے گئے تو ڈک ورتھ-لوئس کے حساب سے نتیجہ نکلے گا۔ میچ کے دوران بارش ہونے سے اوورز کی تعداد کم کی جا سکتی ہے۔

یہ بھی پڑھئے:سعودی پرو لیگ: رونالڈو کی ٹیم میں واپسی، کریئر کا ۹۶۲؍ واں گول داغ دیا

اگر ہندوستان -پاکستان میچ بارش کی وجہ سے نہ ہو تو دونوں ٹیموں کے کھلاڑیوں کے علاوہ کروڑوں  مداح  بھی مایوس ہوں گے، لیکن سب سے زیادہ نقصان براڈکاسٹرز کو ہوگا۔ ہندوستان -پاکستان میچ ٹی وی اور ڈجیٹل پلیٹ فارم پر ریکارڈ ناظرین حاصل کرتا ہے۔ میچ نہ ہونے سے اشتہارات سے حاصل ہونے والی آمدنی متاثر ہوگی۔ آئی سی سی نے اسی نقصان سے بچنے کے لیے مداخلت کی۔ٹکٹ ریفنڈ کی صورت میں سری لنکا کرکٹ بورڈ کو بھی بڑا نقصان ہو سکتا ہے۔