عام انتخاب کے پیش نظر یوٹیوب نے غلط معلومات کا حوالہ دے کر اپنے پلیٹ فارم پر ۲؍ ویڈیوز کی مو نیٹائزیشن رد کی جو ای وی ایم اور وی وی پیٹ پر مشتمل تھے، جبکہ یو ٹیوب کا کہنا ہے کہ یہ ویڈیو اس کی واضح رہنما خطوط کی خلاف ورزی ہے۔

انڈین ایکسپریس نے سنیچرکو یہ اطلاع دی کہ لوک سبھا انتخابات سے پہلے، یوٹیوب نے الیکٹرانک ووٹنگ مشینوں اور ووٹر سے تصدیق شدہ پیپر آڈٹ ٹریل کی لیاقت کے بارے میں ویڈیو بنانے پر کم از کم دو تخلیق کاروں کے ویڈیوز کے مونیٹائزیشن پر پابندی لگا دی ہے۔
 گوگل کی ملکیت والے پلیٹ فارم نے تخلیق کار  میگھ ناد اور صحافی سوہت مشرا کو بتایا کہ یہ فیصلہ اس کے رہنما خطوط پر مبنی ہے جس میں واضح طور پر کہا گیا ہے کہ غلط معلومات پر مشتمل ویڈیوز اشتہار کی آمدنی کے اہل نہیں ہیں۔
 مشرا کے چینل کے ۳؍ لاکھ ۶۸؍ ہزار جبکہ میگھ ناد کے چینل کے ۴۲؍ ہزارسے زیادہ سبسکرائبر ہیں۔
 یہ پیش رفت پلیٹ فارم کے اس اعلان کے مہینہ بھر بعد ہوئی ہےکہ وہ ہندوستان میں انتخابات میں ای وی ایم کے استعمال کے بارے میں مبینہ غلط معلومات کو روکنے کے اقدامات کر رہا ہے۔ یوٹیوب نے کہا تھا کہ وہ ایسی ویڈیوز میں اضافی سیاق و سباق شامل کرے گا۔
 مشرا نے انڈین ایکسپریس کو بتایا کہ الیکٹرانک ووٹنگ مشینوں پر ان کے چار ویڈیوز کو ’محدود منیٹائزیشن‘ کے تحت رکھا گیا تھا۔ اس کی نظر ثانی کی درخواست کرنے کے بعد، ان ویڈیوز میں سے ایک کی مو نیٹائزیشن کو بحال کر دیا گیا۔
 اسی طرح، پلیٹ فارم نے چار ویڈیوز میں اشتہارات سے حاصل ہونے والی آمدنی کو روک دیا جو میگھ ناد نے حال ہی میں لائیو اسٹریم کیا تھا۔
 ویڈیوز، جو کہ دو سے تین گھنٹے طویل ہیں، میں انہیں الیکٹرانک ووٹنگ مشینوں پر سامعین کے سوالات کے جوابات دیتے ہوئے، ووٹر تصدیق شدہ پیپر آڈٹ ٹریل کی ۱۰۰؍فیصد گنتی کے بارے میں سپریم کورٹ کی سماعت کے بارے میں اپ ڈیٹس کا اشتراک کرتے ہوئے اور دیگر چیزوں کے علاوہ انتخابی بانڈز پر بحث کرتے ہوئے دکھایا گیا ہے۔
 میگھ ناد نے انڈین ایکسپریس کو بتایا کہ ’’میں نے نظرثانی کے لئے درخواست دی ہے اور مجھے ابھی تک جواب نہیں ملاہے۔ مجھے اس بارے میں کوئی وضاحت نہیں دی گئی ہے کہ ایسا کیوں ہوا ہے۔‘‘
 تاہم، یوٹیوب کے ترجمان نے اخبار کو بتایا کہ ویڈیوز پر اشتہارات کو اشتہاری رہنما خطوط کی خلاف ورزی کی وجہ سے بلاک کیا گیا ہے۔
 ترجمان نے کہا کہ، ’’کوئی بھی دعویٰ جو واضح طور پر غلط ہے اور انتخابی یا جمہوری عمل میں شرکت یا اعتماد کو نمایاں طور پر نقصان پہنچا سکتا ہے، ہماری پالیسیوں کی خلاف ورزی ہے۔ رہنما خطوط تخلیق کار، ان کے پس منظر، سیاسی نقطہ نظر، اپوزیشن یا وابستگی سے قطع نظر مستقل طور پر نافذ کئے جاتے ہیں۔‘‘