۳۲۷؍ رن کے ہدف کے تعاقب میں جنوبی افریقہ کی ٹیم ہندوستانی گیند بازوں کے سامنے ٹک نہ سکی اور ۲۷ء۱؍اوور میں۸۳؍ رن پر سمٹ گئی۔ ٹیم انڈیا نے مسلسل ۸؍ویں کامیابی حاصل کی

ہندوستان نے اتوار کو آئی سی سی ورلڈ کپ کے ۳۷؍ویں میچ میں وراٹ کوہلی کی (۱۰۱؍ناٹ آوٹ) سنچری اننگز کے بعد رویندر جڈیجا کی ۵؍ وکٹوں کی بدولت جنوبی افریقہ کے خلاف۲۴۳؍ رن کی زبردست جیت حاصل کرتے ہوئے ٹورنامنٹ میں اپنا جیت کا سلسلہ جاری رکھا۔۳۲۷؍ رن کے ہدف کے تعاقب میں جنوبی افریقہ کی ٹیم ہندوستانی گیند بازوں کے سامنے ٹک نہ سکی اور ۲۷ء۱؍اوور میں۸۳؍ رن پر سمٹ گئی۔
           جنوبی افریقہ کی شروعات خراب رہی اور دوسرے اوور کی چوتھی گیند پر اس کے اوپنر کوئنٹن ڈی کاک ۵؍ رن بنا کر سراج کے ہاتھوں بولڈ ہو گئے۔ اس کے بعد نویں اوور کی تیسری گیند پر جڈیجا نے کپتان ٹیمبا باوما کو ۱۱؍رن پر آؤٹ کر کے پویلین بھیج دیا۔ سمیع نے ایڈن مارکرم کو۱۰؍ اوورس میں ۹؍ رن پر آؤٹ کیا۔ ہینرک کلاسن ایک رن کو جڈیجا نے ایل بی ڈبلیو آؤٹ کیا۔ سمیع نے۱۴؍ ویں اوور میں راسی وان ڈار ڈوسین کو۱۳؍ رن پر ایل بی ڈبلیو آؤٹ کیا۔ اس کے بعد۱۷؍ویں اوور میں جڈیجا نے ڈیوڈ ملر کو۱۱؍ رن پر بولڈ کر کے پویلین بھیج دیا۔ مارکو جینسن ۱۴؍ رن بنا کر ۱۹؍ ویں اوور میں کلدیپ کا شکار بنے۔ کیشو مہاراج ۷؍ رن بنا کر جڈیجا کی گیند پر بولڈ ہوئے۔ کگیسو ربادا چھ رن بنا کر جڈیجا کے پانچویں شکار بنے۔ اس کے بعد کلدیپ نے۲۸؍ویں اوور کی پہلی گیند پر لونگی اینگیڈی کو صفر پر بولڈ کرکے جنوبی افریقہ کی اننگز کا خاتمہ کردیا۔
 ہندوستان کی جانب سے رویندر جڈیجا نے ۵؍ وکٹ حاصل کئے۔ محمد سمیع اور کلدیپ نے ۲۔۲؍ وکٹ حاصل کئے جبکہ سراج نے ایک بلے باز کو آؤٹ کیا۔  اس سے قبل پہلے بیٹنگ کرتے ہوئے ہندوستان نے وراٹ کوہلی کے ناٹ آؤٹ۱۰۱؍ رن، شریاس ایّر کے۷۷؍ رن اور کپتان روہت شرما کے۴۰؍ رن کی بدولت جنوبی افریقہ کو۳۲۷؍ رن کا ہدف دیا۔ایڈن گارڈنس اسٹیڈیم میں ٹاس جیت کر پہلے بلے بازی کرنے آئے روہت شرما اور شبھمن گل کی ہندوستان کی اوپننگ جوڑی نے ٹیم کو اچھی شروعات دی۔ ہندوستان کو پہلا جھٹکا روہت شرما کی شکل میں لگا انہوں نے۲۴؍ گیندوں پر۴۰؍ رن بنائے۔ ربادا نے انہیں وکٹ کیپر بووما کے ہاتھوں کیچ آؤٹ کرایا۔ اس کے بعد بیٹنگ کے لیے آئے وراٹ کوہلی نے شبھمن گل کے ساتھ اننگز کو سنبھالا۔
۱۱؍ویں اوور کی تیسری گیند پر مہاراج نے گل کو۲۳؍ رن پر پویلین بھیج کر ہندوستان کو دوسرا جھٹکا دیا۔ گل کے جانے کے بعد بیٹنگ کے لیے آئے شریاس ایّر نے وراٹ کے ساتھ تیسری وکٹ کے لئے۱۳۴؍ رن کی مضبوط شراکت کی۔ ایّر ۳۷؍ویں اوور میں مارکرم کے ہاتھوں اینگیڈی کے ہاتھوں کیچ آؤٹ ہوئے۔ ہندوستان کی چوتھی وکٹ۴۳؍ویں اوور میں ۸؍ رن کے ایل راہل کی صورت میں گرا۔ پانچویں آؤٹ ہونے والے بلے باز سوریہ کمار یادو۲۲؍ رن تھے انہیں شمسی نے ڈی کاک کے ہاتھوں کیچ آؤٹ کرایا۔ رویندر جڈیجا۲۹؍ رن بناکر ناٹ آؤٹ رہے۔