پارلیمنٹ کے سرمائی اجلاس کے آغاز سے پہلے، حکومت نے اتوارکو آل پارٹی میٹنگ بلائی، جس میں اپوزیشن کی جماعتوں نے ایس آئی آر، قومی سلامتی، سماجی تحفظ، اور آلودگی سے تحفظ سمیت متعدد مسائل اٹھائے اور مطالبہ کیا کہ ان مسائل پر پارلیمنٹ میں بحث کی جائے۔

پارلیمنٹ کے سرمائی اجلاس کے آغاز سے پہلے، حکومت نے اتوارکو آل پارٹی میٹنگ بلائی، جس میں اپوزیشن کی جماعتوں نے ایس آئی آر، قومی سلامتی، سماجی تحفظ، اور آلودگی سے تحفظ سمیت متعدد مسائل اٹھائے اور مطالبہ کیا کہ ان مسائل پر پارلیمنٹ میں بحث کی جائے۔ 

یہ بھی پڑھئے: کرناٹک محفوظ ، کانگریس متحد،سدارمیا اور شیو کمارساتھ ساتھ

کل جماعتی میٹنگ کے بعد، لوک سبھا میں کانگریس کے وہپ، گورو گوگوئی نے کہا کہ یہ پہلا موقع ہے کہ پارلیمنٹ کا صرف ۱۹؍ روزہ سیشن ہونے جارہا ہے، جس میں صرف ۱۵؍ نشستیں بحث کے لیے وقف ہیں۔ انہوں نے کہا کہ ان کی پارٹی نے دہلی کار دھماکہ کے تناظر میں شہریوں کی حفاظت کا مسئلہ اٹھایا اور اس پر بات کرنے کا مطالبہ کیا۔ انہوں نے دہلی میں فضائی آلودگی کے بحران، جمہوریت کی حفاظت کا مسئلہ بھی پرزور طور پر اٹھاتے ہوئے کہا کہ ایس آئی آر (ووٹر لسٹ کی جامع نظرثانی) سنجیدہ معاملہ ہے اور اس پر بحث ہونی چاہیے۔ انہوں نے کہا کہ حکومت کا طرز عمل پارلیمنٹ کے کام کاج کی حوصلہ افزائی نہیں کر رہا ہے۔ اتنا مختصر سیشن بلا کر حکومت خود یہ پیغام دے رہی ہے کہ وہ پارلیمنٹ کے کام کاج کے تئیں سنجیدہ نہیں ہے۔ 
ڈی ایم کے کے تروچی سیوا نے کہا کہ ایس آئی آر اور قومی سلامتی اس وقت اہم مسائل ہیں۔ منریگا کو مسلسل کمزور کیا جا رہا ہے  اور حکومت ہر معاملے میں من مانی کر رہی ہے۔ پارلیمنٹ کا مختصر ترین سرمائی اجلاس بلایا جا رہا ہے۔ در حقیقت یہ ہے کہ یہ ۱۵؍ دن کا سیشن ہے اور اس میں ۱۴؍ بل پاس ہونے ہیں۔ تمل ناڈو حکومت ان کے کسی بھی مطالبے پر توجہ نہیں دے رہی ہے۔ انہوں نے کہا کہ ان تمام مسائل کو انہوں نے آل پارٹی میٹنگ میں اٹھایا۔ 

یہ بھی پڑھئے: ایس آئی آر کے دوران بیمار یا فوت ہونےوالے بی ایل اوز کیلئے معاوضہ کی مانگ

کانگریس لیڈر پرمود تیواری نے کہا کہ آل پارٹی میٹنگ میں ایس آئی آر کلیدی مسئلہ تھا  اور تمام پارٹیوں کے لیڈروں نے کہا کہ ووٹ کا حق نہیں چھیننا چاہئے اور اس پر پارلیمنٹ میں بحث ہونی چاہئے۔  واضح رہے کہ حکومت نے پارلیمنٹ کے سرمائی اجلاس سے قبل اتوارکو آل پارٹی میٹنگ بلائی تھی، جس میں اپوزیشن نے مطالبہ کیا کہ ووٹر لسٹ کی خصوصی جامع نظر ثانی، دہلی کام دھماکہ اور خارجہ پالیسی جیسے مسائل کو پارلیمنٹ میں زیر غور لایا جائے۔