سنیچر کو ہندوستان نےدو بار کے چمپئن جاپان کو۲-۳؍سے شکست دی، جبکہ کوارٹر فائنل میں ہانگ کانگ کو۰-۳؍سے ہرایا تھا۔

ہندوستانی خواتین کی ٹیم ’بیڈمنٹن ایشیا ٹیم چمپئن شپ‘ کے فائنل میں پہنچ گئی ہے۔ ہندوستانی خواتین نے پہلی بار اس ٹورنامنٹ کے ٹائٹل راؤنڈ میں جگہ بنائی ہے جہاں اس کا مقابلہ اتوار کو تھائی لینڈ سے ہو گا۔ ملائیشیا میں جاری چمپئن شپ کے سیمی فائنل میں سنیچر کو ہندوستان نے دو بار کے چمپئن جاپان کو ۲-۳؍سے شکست دی۔ مقابلے کے دوسرے سیمی فائنل میں تھائی لینڈ نے انڈونیشیا کو ۱-۳؍ سے شکست دی۔ 
پہلے میچ میں پی وی سندھو کو آیا احوری کے ہاتھوں ۲۱-۱۷؍، ۲۲-۲؍ سے شکست کا سامنا کرنا پڑا۔ ٹریسا جولی اور گائتری گوپی چند کی عالمی نمبر۲۳؍ جوڑی نے ڈبلز میچ میں نمی ماتسویاما اور شیدا کو۱۷-۲۱؍، ۲۱-۱۶؍۲۰-۲۲؍سے شکست دی۔ جس کی وجہ سےا سکور ایک ایک سے برابر ہو گیا۔ اسمیتا چلیہا نےناؤمی اوکو ہارا کو ۱۷-۲۱؍، ۱۴-۲۱؍ سے ہرا کر ہندوستان کو۱-۲؍ کی برتری دلائی۔ اشونی اور پی وی سندھو کی جوڑی رینا اور آئیکو سے۲۱-۱۴؍، ۲۱-۱۱؍سے ہار گئی۔ اس شکست کے ساتھ ہی اسکور۲-۲؍ سے برابر ہو گیا۔ ۱۷؍ سالہ انمول کھرب نےناتسوکی ندائرا کو ۲۱-۱۴؍۲۱-۱۱؍سے ہرا کر ہندوستان کو۲-۳؍ سے سبقت دلائی۔ ہندوستانی خواتین ٹیم نے کوارٹر فائنل میں ہانگ کانگ کو۰-۳؍ سے شکست دی تھی۔ 
 اب ہندوستان کا مقابلہ جاپان سے ہوگا۔ ٹاپ سیڈ چین کو شکست دے کر گروپ مرحلے میں سرفہرست رہنے کے بعد پی وی سندھو، اسمیتا چلیہا اور اشونی پونپا اور تنیشا کراسٹو کی ڈبلز جوڑی کی جیت کے بل بوتے پر ہندوستان نے ہانگ کانگ کو شکست دی۔ اسٹار بیڈمنٹن کھلاڑی پی وی سندھو زخمی ہونے کے سبب کھیل سے دور رہنے کےچار ماہ بعد شاندار واپسی کی۔ کوارٹر فائنل کے پہلے میچ میں سندھو نے لو سین یان ہیپی کے خلاف مضبوط شروعات کی۔ انہوں نے ہیپی کے خلاف ۷-۲۱؍، ۲۱-۱۶؍ اور۱۲-۲۱؍سے جیت درج کر کے ہندوستان کو برتری دلائی۔