۲؍ بار کی اولمپک میڈلسٹ پی وی سندھو اور لکشیہ سین پیر سے فرانس میں شروع ہونے والی بی ڈبلیو ایف ورلڈ چمپئن شپ میں ہندوستانی ٹیم کی قیادت کریں گے۔

۲؍ بار کی اولمپک میڈلسٹ پی وی سندھو اور لکشیہ سین پیر سے فرانس میں شروع ہونے والی بی ڈبلیو ایف ورلڈ چمپئن شپ میں ہندوستانی ٹیم کی قیادت کریں گے۔ بیڈمنٹن ورلڈ فیڈریشن کے زیر اہتمام ہونے والے اس مقابلے کو بیڈمنٹن کی سب سے باوقار چمپئن شپ سمجھا جاتا ہے۔ یہ اولمپک سال کے علاوہ ہر برس منعقد ہوتا ہے۔ یہ ٹورنامنٹ سندھو کیلئے موجودہ سیزن کی ذمہ داری سنبھالنے کا ایک بڑا موقع ہے۔
 خواتین کے سنگلز کی عالمی درجہ بندی میں ۱۵؍ ویں نمبر پر موجود سندھو کا مقابلہ پہلے راؤنڈ میں بلغاریہ کی عالمی نمبر ۶۶؍ اور ۲؍ بار کی یورپی جونیئر چمپئن کالوانا نالبنتووا سے ہوگا۔ ہندوستانی بیڈمنٹن کھلاڑی پی وی سندھو سابق عالمی چمپئن بھی رہ چکی ہیں۔ انہوں نے ۲۰۱۹ء میں ویمنز سنگلز خطاب جیتا تھا۔ اس سے قبل وہ ۲۰۱۷ء اور ۲۰۱۸ء میں لگاتار ۲؍ سال رنر اپ رہی تھیں، جبکہ انہوں نے ۲۰۱۳ء اور ۲۰۱۴ءمیں کانسے کے تمغے جیتے تھے۔ پی وی۔
 ان کے علاوہ ہندوستانی مردوں کے سنگلز بیڈمنٹن رینکنگ میں ۲۱؍ویں نمبر پر موجود لکشیہ سین کو پہلے راؤنڈ میں ہی سخت چیلنج کا سامنا ہو گا۔ ان کا مقابلہ عالمی نمبر ایک چین کے شی یوکی سے ہوگا۔عالمی درجہ بندی میں ۳۴؍ ویں نمبر پر موجود ایچ ایس پرنئے بھی مردوں کے سنگلز ڈرا میں داخل ہوں گے۔  ہندوستان کی ٹاپ جوڑی ساتوک سائراج رینکیریڈی اور چراغ شیٹی کو پہلے راؤنڈ میں بائی مل گئی ہے۔اس جوڑی نے اس سال ہندوستان، سنگاپور، ملائیشیا اور چائنا اوپن میں سیمی فائنل میں پہنچ کر اچھی کارکردگی کا مظاہرہ کیا، لیکن کوئی ٹائٹل نہیں جیت سکی۔ہندوستان کی دوسری  جوڑی ہری ہرن امسکرونن اور روبن کمار اس بار پہلی بار اپنی عالمی چمپئن شپ میں حصہ لیں گے۔