بنگلہ دیش نے شاندار کارکردگی کا مظاہرہ کرتے ہوئے آئی سی سی خواتین ٹی۲۰؍ ورلڈ کپ کے ایک میچ میں اتوار کو نیدرلینڈز کو چھ وکٹوں سے شکست دے دی۔

بنگلہ دیش نے شاندار کارکردگی کا مظاہرہ کرتے ہوئے آئی سی سی خواتین ٹی۲۰؍ ورلڈ کپ کے ایک میچ میں اتوار کو نیدرلینڈز کو چھ وکٹوں سے شکست دے دی۔ نیدرلینڈز نے مقررہ ۲۰؍ اوورز میں آٹھ وکٹوں کے نقصان پر ۱۳۹؍ رنز بنائے، جس کے جواب میں بنگلہ دیش نے۱ء۱۹؍ اوورز میں چار وکٹوں پر ۱۴۱؍ رنز بنا کر ہدف حاصل کر لیا۔

Victory in the opener! 🇧🇩🏆 Bangladesh Women begin their ICC Women’s T20 World Cup England and Wales 2026 campaign in style with a 6-wicket victory over Netherlands Women. 💪🏏

ICC Women’s T20 World Cup England and Wales 2026

Photo credit: ICC/Getty Images#BCB #ICC #Tigresses… pic.twitter.com/zDPJ4ntazm

— Bangladesh Cricket (@BCBtigers) June 14, 2026

یہ بھی پڑھئے:فیفا ورلڈکپ :مانوئل نوئر کیورا ساؤ کے خلاف میچ کھیلنے کے لیے فِٹ

بنگلہ دیش کو اپنی ٹی ۲۰؍ تاریخ کے سب سے بڑے ہدف کا تعاقب کرنے کے لیے سخت محنت کرنا پڑی۔ پلیئر آف دی میچ  فردوس نے ۵۰؍ رنز کی عمدہ اننگز کھیل کر ٹیم کو جارحانہ آغاز فراہم کیا اور ملنے والے ابتدائی مواقع سے بھرپور فائدہ اٹھاتے ہوئے نصف سنچری مکمل کی۔تاہم ان کے آؤٹ ہوتے ہی میچ کا نقشہ یکسر بدل گیا۔ کیرولین ڈی لینگ نے پہلے  فردوس اور پھر کپتان نگار سلطانہ کو مسلسل گیندوں پر آؤٹ کر کے نیدرلینڈز کو مقابلے میں واپس لا کھڑا کیا۔ اس کے بعد سلور سیجرز نے دلارا اختر کو خوبصورت لیگ بریک گیند پر بولڈ کر دیا۔

یہ بھی پڑھئے:’’کالا ہرن‘‘ تنازع: گووند نام دیو کا دعویٰ، انہیں ’اندھیرے میں رکھا گیا‘

جب فریڈرک اوورڈائک نے اپنی ہی گیند پر شاندار رن آؤٹ کیا تو بنگلہ دیش کی ٹیم مطلوبہ رفتار سے چار رنز پیچھے ہو چکی تھی اور بڑھتے ہوئے رن ریٹ کا دباؤ محسوس کر رہی تھی۔ تاہم بنگلہ دیشی بلے بازوں نے گھبراہٹ کے بجائے تحمل کا مظاہرہ کیا۔۲۹؍ گیندوں تک کوئی باؤنڈری نہ لگنے کے بعد انہوں نے دوبارہ میچ پر اپنی گرفت مضبوط کر لی۔شرمین اختر نے ایک کنارہ سنبھالے رکھا جبکہ شورنا اختر نے ان کا بھرپور ساتھ دیا۔ دونوں کھلاڑیوں نے پانچویں وکٹ کے لیے ۵۰؍ رنز کی فیصلہ کن شراکت قائم کی، جس نے بنگلہ دیش کی جیت کی بنیاد رکھی۔ نیدرلینڈز کے گیند بازوں نے نظم و ضبط کے ساتھ بولنگ کرتے ہوئے مقابلے کو آخری اوور تک کھینچ لیا، لیکن وہ بنگلہ دیش کو فتح حاصل کرنے سے نہ روک سکے۔ شرمین اختر ۳۷؍ رنز بنا کر ناٹ آؤٹ رہیں جبکہ شورنا اختر نے ناٹ آؤٹ ۱۸؍ رنز اسکور کیے اور فاتحانہ چوکا لگا کر اپنی ٹیم کو یادگار کامیابی دلائی۔