چمپئن لیگ کے کوارٹر فائنل میں بارسلونا کا مقابلہ جرمنی کے فٹبال کلب بوروسیا ڈورٹمنڈ سے۔ جرمن کلب کے مقابلے بارسلونا کا پلڑا بھاری۔

بارسلونا فٹبال کلب کی ٹیم اس سیزن کے چمپئن  لیگ ٹائٹل کی مضبوط دعویدار ہے۔ کوارٹر فائنل کے پہلے مرحلے میں اس کا مقابلہ جرمنی کے فٹبال کلب بوروسیا ڈورٹمنڈ سے ہوگا۔ بارسلونا نے بینفیکا پر۱۔۴؍گول  کے مجموعی اسکور سے کامیابی حاصل کی، جو کہ اس کا۲۰؍ واں کوارٹر فائنل تھا۔ بارسلونا فٹبال کلب  نے یورپ کی ٹاپ ۵؍ لیگز میں سب سے زیادہ گول(۱۴۱؍گول) کئے ہیں۔ دریں اثنا، نیکو کوواچ کی قیادت میں ڈورٹمنڈ نے بنڈس لیگا کے ٹاپ ۴؍ میں جگہ بنانے کی اپنی امیدوں کو زندہ کر دیا ہے۔
 اس سال کے مقابلے میں بارسلونا اور ڈورٹمنڈ پہلے ہی ٹکرا چکے ہیں۔ بارسلونا نے لیگ مرحلے کے دوران۲۔۳؍گول  کے کم  فرق  سے کامیابی حاصل کی تھی۔ اب جب وہ ایسٹیڈی اولمپک لوئس کمپنیز میں دوبارہ ملنے کی تیاری کر رہے ہیںتو توقع ہے کہ بارسلوناپہلے مرحلے میں برتری حاصل کر لے گا۔ میچ سے پہلے  ہونے والے سروے کے مطابق  بارسلونا۶۵ء۷؍ فیصد  جیتتاہوا نظر آرہا ہے ، جب کہ ڈورٹمنڈ کے پاس پہلی لیگ کے بعد برتری حاصل کرنے کا۱۶ء۱؍  فیصد امکان ہے۔

یہ بھی پڑھئے: لکھنؤ سپرجائنٹس کی ۴؍ رن سے قریبی فتح

بارسلونا ڈورٹمنڈ کے ساتھ ۵؍ یورپی مقابلوں میں ناقابل شکست رہا ہے۔صرف لیون، نیپولی اور ویرڈر بریمن کے خلاف اس نے بغیر ہارے زیادہ میچ کھیلے ہیں۔بارسلونا کے کھلاڑی  فلک نے بوروسیا ڈورٹمنڈ کے خلاف  شاندار کارکردگی کا مظاہرہ کیاہے۔  بارسلونا کے   چمپئن  لیگ کی تاریخ میں فی گیم اوسط (۳ء۲ ) سب سے زیادہ گول کرنے پر فخر کرتے ہیں۔ اس سیزن میں، انہوں نے مقابلے میں ۳۲؍گول اسکور کئے ہیں، جو  ۱۲۔۲۰۱۱ءکے بعد سے ان کا بہترین گول ہے جب انہوں نے ۳۵؍ گول کئے تھے۔ ان کا ریکارڈ۰۰۔۱۹۹۹ء میں۴۵؍ گول  کے ساتھ قائم کیا گیا تھا۔