ڈاکٹروں کی جانب سے کینسر کے علاج کے لیے سرجری سے انکار کے بعد نفیسہ علی نے کیموتھیراپی دوبارہ شروع کر دی ہے۔ سابق مس انڈیا اور اداکارہ نے خاندانی تعلقات اور زندگی سے اپنی محبت کے بارے میں ایک پرجوش پیغام شیئر کیا ہے۔

ڈاکٹروں کی جانب سے کینسر کے علاج کے لیے سرجری سے انکار کے بعد نفیسہ علی نے کیموتھیراپی دوبارہ شروع کر دی ہے۔ سابق مس انڈیا اور اداکارہ نے خاندانی تعلقات اور زندگی سے اپنی محبت کے بارے میں ایک پرجوش پیغام شیئر کیا ہے۔

یہ بھی پڑھیئے:ٹاٹا پلے نے’’کارٹون نیٹ ورک فورایور‘‘ شروع کیا، مشہور کارٹون دوبارہ نشر ہوں گے

انسٹاگرام پر نفیسہ نے ایک پُرجوش اقتباس شیئر کیا جس میں لکھا تھا کہ ’’ایک دن میرے بچوں نے پوچھا، `آپ کے جانے کے بعد ہم کس  طرح رہیں گے ؟‘‘ میں نے ان سے کہا کہ  `یہ میرا سب سے بڑا تحفہ ہے ، بہن بھائی جو ایک دوسرے کی حفاظت کرتے ہیں اور یاد رکھیں: آپ کا رشتہ زندگی کی ہر چیز سے زیادہ مضبوط ہے۔ 
انہوں نے پوسٹ کے کیپشن میں لکھا کہ ’’آج میرے سفر کا ایک نیا باب ہے۔ کل میں نے پی ای ٹی اسکین کیا تھا، اس لیے اب کیموتھیراپی کی طرف واپسی کی کیوں کہ سرجری ممکن نہیں ہے۔ مجھ پر یقین کرو، مجھے زندگی سے پیار ہے۔ ‘‘
اداکاری کے علاوہ نفیسہ علی کا بھی ایک شاندار سفر رہا ہے۔ وہ۱۹۷۲ء سے۱۹۷۴ء تک ہندوستان کی قومی تیراکی کی چمپئن تھیں، ۱۹۷۶ء میں ایو ویکلی مس انڈیا کا ٹائٹل جیتا اور ہندوستان کی نمائندگی کرتے ہوئے مس انٹرنیشنل مقابلے میں دوسری رنر اپ تھیں۔ نفیسہ نے اپنے فلمی کریئر کا آغاز۱۹۷۹ء میں شیام بینیگل کی فلم `جنون  سے کیا تھا جس میں ششی کپور تھے۔ اگلے برسوں میں انہوں نے امیتابھ بچن کے ساتھ `میجر صاحب ،  بے وفا، `لائف ان اے میٹرو، `گزارش  اور `یملا پگلا دیوانہ  جیسی قابل ذکر فلموں میں کام کیا۔ انہوں نے علاقائی سنیما میں بھی کام کیا، جس میں ملیالم فلم بھی شامل ہے جیسے مموٹی کے مقابل `بگ بی ۔ ان کی  آخری ریلیز ہونے والی فلم سورج بڑجاتیا کی ۲۰۲۲ء  اونچائی تھی، جس میں امیتابھ بچن، انوپم کھیر، بومن ایرانی، پرینیتی چوپڑا، نینا گپتا، ساریکا، ڈینی ڈینزونگپا اور خود نفیسہ شامل تھیں۔