آسٹریلیا کی ٹیم نے دوسری اننگز میں ۲۰۷؍رن بنائے۔ مشیل اسٹارک نے بلے سے جوہر دکھاتے ہوئے ناٹ آؤٹ ۵۸؍رن بنائے۔

تیز گیندباز مشیل اسٹارک (ناٹ آؤٹ۵۸؍رن) اور جوش ہیزل ووڈ (۱۷؍رن) کے ساتھ۵۹؍ رن کی اہم شراکت کی مدد سے آسٹریلیا نے جمعہ کو آئی سی سی ورلڈ ٹیسٹ چمپئن شپ کے فائنل کے تیسرے روز اپنی دوسری اننگز۲۰۷رن  پر سمیٹ لی اور پہلی اننگز کی برتری جوڑنے کے بعد جنوبی افریقہ کو جیت کے  لئے ۲۸۲؍رن کا ہدف دےدیا۔
 اسٹارک اور ناتھن لاین ، جو جمعہ کو صبح لارڈس کی پچ پر ۸؍ وکٹوں پر۱۴۴؍  رن پر کھیلنے آئے تھے، جلد ہی کگیسو ربادا کے ہاتھوں ٹوٹ گئے جب لاین کو ۲؍ رن  کے ذاتی اسکور پر وکٹ سے پہلے وکٹ قرار دیا گیا۔ اس وقت ایسا لگ رہا تھا کہ آسٹریلیا کی دوسری اننگز جلد ختم ہو جائے گی لیکن اسٹارک نے نئے بلے باز ہیزل وڈ کے ساتھ مل کر میدان پر  اپنی جگہ بنائی اور دونوں نے صبر کے ساتھ جنوبی افریقی گیند بازوں کا سامنا کیا اور ٹیم کا اسکور ۲۰۰؍ سے آگے لے گئے۔کھانے کے وقفے سے عین قبل ہیزل ووڈ ایڈن مارکرم کا شکار بنے۔
 ناٹ آؤٹ پویلین لوٹنے والے اسٹارک نے اپنی ناٹ آؤٹ نصف سنچری اننگز میں۱۳۶؍ گیندوں کا سامنا کیا اور ۵؍ بار گیند کو باؤنڈری لائن کے پار پہنچایا۔ جنوبی افریقہ کی جانب سے ربادا نے سب سے زیادہ ۴؍ وکٹ حاصل کئے۔ پہلی بار ٹیسٹ چمپئن  بننے کیلئے جنوبی افریقہ کو   ۲۸۲؍ رن کا ہدف حاصل کرنا ہو گا۔ ٹیسٹ میچ میں ابھی دو دن اور کھیل کے دو سیشن باقی  تھے۔

بلے بازوں کی مدد سے جنوبی افریقہ جیت کے قریب 
بلے بازوں کی مدد سے جنوبی افریقہ کی ٹیم  آئی سی سی ورلڈ ٹیسٹ چمپئن  شپ فائنل میں جیت کے قریب پہنچ گئی ہے۔ کاپی پرنٹ میں جانے تک  جنوبی افریقہ نے اپنی دوسری اننگز میں تیسرے دن جمعہ کو۴۵؍ویں اوور میں ۲؍ وکٹ پر ۱۸۴؍ رن بنا لئے تھے۔ اسے جیت کیلئے ابھی ۹۸؍رن درکار تھے۔ جمعہ کو اس وقت کریز پر ایڈین مارکرم ۸۹؍رن اور کپتان ٹیماباؤما ۵۱؍رن بناکر کھیل رہے تھے۔ اس سے قبل چائے کے وقفے تک ۲؍ وکٹ  کے نقصان پراس نے ۹۴؍ رن بنا لئے تھے۔  آسٹریلیا کو ہرانے اور اپنا پہلا ورلڈ ٹیسٹ  چمپئن  شپ جیتنے کیلئے جنوبی افریقہ کے بلے باز پوری کوشش کررہے ہیں۔ میچ کا چوتھا دن اہم ہوگا۔ 
 آسٹریلیا کی طرف سے  دیئے جانے والے  ۲۸۲؍ رن کے ہدف کا تعاقب کرتے ہوئے، جنوبی افریقہ نے محتاط آغاز کیا، لیکن شروعات میں ہی مشیل اسٹارک نے ریان رکیلٹن کو جلد آؤٹ کر دیا، جنہوں نے نئی گیند سے ۶؍ رن بنائے۔ ابتدائی دھچکے کے باوجود، ایڈین مارکرم اور ویان مولڈر نے مثبت اسٹروک پلے کے ساتھ جواب دیا اور ایک شاندار نصف سنچری شراکت کی۔ تاہم، جیسے ہی یہ شراکت تیز رفتار ہو رہی تھی، اسٹارک نے دوبارہ مولڈر کو۲۷؍ رن پر آؤٹ کر دیا۔ جنوبی افریقی کپتان ٹیمبا باؤما نے مارکرم کا ساتھ دیا، حالانکہ ان کا آغاز اچھا نہیں رہا۔