امریکہ کی اسٹار ٹینس کھلاڑی کوکو گاف نے سخت مقابلے کے بعد اسپین کی سابق عالمی نمبر دو پاؤلا بڈوسا کو شکست دے کر یو ایس اوپن ۲۰۲۶ء کے تیسرے راؤنڈ میں جگہ بنا لی۔ عالمی نمبر ۴؍گافنے آرتھر ایش اسٹیڈیم میں کھیلے گئے دوسرے راؤنڈ کے مقابلے میں بڈوسا کو ۴۔۶، ۶۔۷؍ سے شکست دی۔

امریکہ کی اسٹار ٹ

Badosa leads the career head-to-head against Gauff 5-3, but the IBM Likelihood to Win puts today`s match in Coco`s favor. @IBM | #USOpen pic.twitter.com/z7A04meA10

— US Open Tennis (@usopen) September 3, 2026

ینس کھلاڑی  کوکو گاف نے سخت مقابلے کے بعد اسپین کی سابق عالمی نمبر دو پاؤلا بڈوسا  کو شکست دے کر یو ایس اوپن ۲۰۲۶ء کے تیسرے راؤنڈ میں جگہ بنا لی۔ عالمی نمبر ۴؍گافنے آرتھر ایش اسٹیڈیم میں کھیلے گئے دوسرے راؤنڈ کے مقابلے میں بڈوسا کو ۴۔۶، ۶۔۷؍ سے شکست دی۔ 

 مقابلے کے آغاز سے ہی دونوں کھلاڑیوں کے درمیان زبردست بیس لائن ریلیز دیکھنے کو ملیں۔ بڈوسا نے ابتدائی مرحلے میں گاف پر دباؤ ڈالا اور دو بریک پوائنٹس بھی حاصل کیے، لیکن امریکی کھلاڑی نے اہم لمحات میں تحمل کا مظاہرہ کیا۔ پہلے سیٹ میں فیصلہ کن موڑ اس وقت آیا جب بڈوسا ۳۔۳؍ پر سروس کر رہی تھیں۔ گاف نے ایک اہم موقع پر اسپینی کھلاڑی کی غلطی کا فائدہ اٹھاتے ہوئے بریک حاصل کیا اور پھر اپنی سروس برقرار رکھتے ہوئے پہلا سیٹ ۴۔۶؍ سے جیت لیا۔ دوسرے سیٹ میں بڈوسا نے شاندار واپسی کرتے ہوئے گوف کو سخت امتحان میں ڈال دیا۔ گوف نے ابتدائی برتری حاصل کی، لیکن بڈوسا نے اس کے بعد مقابلے میں واپسی کی اور دونوں کھلاڑیوں نے ایک دوسرے کی سروس توڑی۔ اسکور ۵۔۵؍ سے برابر ہونے کے بعد سیٹ ٹائی بریکر تک پہنچا۔ ٹائی بریک میں گاف نے دباؤ برداشت کرتے ہوئے اہم پوائنٹس اپنے نام کیے اور  ۵۔۷؍ سے ٹائی بریک جیت کر میچ بھی اپنے نام کرلیا۔ 

یہ بھی پڑھئے:بلجیم کے وزیراعظم کا نریندر مودی کیلئے انوکھا تحفہ سفر میں ہی پگھل گیا

 گاف کے لیے یہ کامیابی اس لیے بھی اہم رہی کیونکہ بڈوسا نے ان کے خلاف گزشتہ دو مقابلے جیتے تھے۔ ان میں ۲۰۲۵ء کے آسٹریلین اوپن کا مقابلہ اور رواں سال برلن میں کھیلا گیا میچ شامل تھا۔ گاف کی اس فتح کے بعد دونوں کھلاڑیوں کے درمیان باہمی مقابلوں کا ریکارڈ اب بھی بڈوسا کے حق میں ۴۔۵؍ ہے۔بڈوسا اگرچہ اس وقت عالمی درجہ بندی میں ۸۷؍ویں نمبر پر ہیں، لیکن وہ ۲۰۲۲ء میں عالمی نمبر دو رہ چکی ہیں۔ حالیہ برسوں میں متعدد انجریز نے ان کے کریئر کو متاثر کیا، جس کی وجہ سے ان کی عالمی رینکنگ میں بھی نمایاں گراوٹ آئی۔ 
 مقابلے کے بعد گاف نے کہا کہ بڈوسا جیسی مضبوط حریف کے خلاف اس طرح کی میچ جیتنا ان کے اعتماد میں اضافہ کرے گا۔۲۲؍ سالہ امریکی کھلاڑی نے اعتراف کیا کہ مقابلے کے دوران کچھ لمحات میں وہ دباؤ اور گھبراہٹ کا شکار بھی ہوئیں، لیکن وہ مجموعی طور پر اپنی کارکردگی سے مطمئن ہیں۔  گاف نے میچ میں ۲۱؍ ونرز اور ۲۱؍ اَن فورسڈ ایررز  کیے۔ ان کی سروس بھی مجموعی طور پر مؤثر رہی؛ انہوں نے پہلی سروس کے ۷۱؍ فیصد پوائنٹس جیتے جبکہ دوسری سروس پر بھی ۵۷؍ فیصد پوائنٹس اپنے نام کیے۔ 

یہ بھی پڑھئے:میری ناکامیوں نے والدین کو بے بس کر دیا تھا: میگھنا گلزار

یو ایس اوپن کے تیسرے راؤنڈ میں گوف کا سامنا ایک اور اسپینی کھلاڑی  کرسٹینا بوسا  سے ہوگا۔ بوسا نے اپنے دوسرے راؤنڈ کے مقابلے میں ہیمینو ساکاتسومے کو تین سیٹ کے طویل مقابلے میں شکست دے کر اگلے مرحلے میں جگہ بنائی ہے۔  گاف، جو ۲۰۲۳ء کی یو ایس اوپن چیمپئن  ہیں، اب نیویارک میں اپنا دوسرا یو ایس اوپن ٹائٹل جیتنے کے ہدف کے ساتھ آگے بڑھ رہی ہیں۔ بڈوسا جیسی مشکل حریف کو شکست دینے کے بعد گاف کا اعتماد مزید بلند ہوا ہے اور ان کی نظریں ٹورنامنٹ کے اگلے مراحل پر ہیں۔