پرتگال کے لیجنڈری فٹ بالر کرسٹیانو رونالڈو نے قومی ٹیم کے حالیہ اسکواڈ میں شامل نہ ہونے کے باوجود اپنی فٹنیس پر کام تیز کر دیا ہے۔ ۴۱؍سالہ اسٹار فارورڈ نے سوشل میڈیا پر اپنی ٹریننگ کی تصاویر شیئر کی ہیں، جس سے ان کی جلد میدان میں واپسی کے اشارے مل رہے ہیں۔

پرتگال کے لیجنڈری فٹ بالر کرسٹیانو رونالڈو نے قومی ٹیم کے حالیہ اسکواڈ میں شامل نہ ہونے کے باوجود اپنی فٹنیس پر کام تیز کر دیا ہے۔ ۴۱؍سالہ اسٹار فارورڈ نے سوشل میڈیا پر اپنی ٹریننگ کی تصاویر شیئر کی ہیں، جس سے ان کی جلد میدان میں واپسی کے اشارے مل رہے ہیں۔
رونالڈو کو ہیمسٹرنگ  انجری کے باعث میکسیکو اور امریکہ کے خلاف شیڈول دوستانہ میچوں کے لیے پرتگالی اسکواڈ میں شامل نہیں کیا گیا ہے۔  رونالڈو ۲۸؍ فروری کو سعودی پرو لیگ میں النصر کی الفیحا کے خلاف جیت کے دوران زخمی ہوئے تھے۔ وہ گزشتہ دو ہفتوں سے میڈرڈ میں زیرِ علاج تھے اور اب انہوں نے جم میں اپنی انفرادی ٹریننگ شروع کر دی ہے۔
پرتگال کے ہیڈ کوچ روبرٹو مارٹنیز نے رونالڈو کے مداحوں کو اطمینان دلاتے ہوئے کہا ہے کہ ان کی ورلڈ کپ ۲۰۲۶ء میں شرکت کو کوئی خطرہ نہیں ہے۔ انہوں نے واضح کیا کہ’’کرسٹیانو کی انجری معمولی نوعیت کی ہے اور ہمیں امید ہے کہ وہ ایک ہفتے کے اندر مکمل فٹ ہو جائیں گے۔ اس سیزن میں ان کی جسمانی حالت بہترین رہی ہے، اس لیے وہ ورلڈ کپ کے لیے ہمارے پلان کا لازمی حصہ ہیں۔‘‘

Getting better every day 💪🏽 pic.twitter.com/6z0WCE8yMg

— Cristiano Ronaldo (@Cristiano) March 23, 2026

رونالڈو کی عدم موجودگی میں ریئل سوسیڈاڈ کے اسٹرائیکر گونزالو گیڈیس کو ۲۰۲۲ء کے بعد پہلی بار ٹیم میں واپس بلایا گیا ہے۔ کوچ مارٹنیز کے مطابق گیڈیس کی حالیہ فارم شاندار ہے اور وہ ٹیم کو ایک مختلف جارحانہ انداز فراہم کر سکتے ہیں۔پرتگال اپنی ورلڈ کپ مہم کا آغاز ۱۷؍ جون کو ہیوسٹن میں کرے گا۔ اگر رونالڈو اس میگا ایونٹ میں شرکت کرتے ہیں تو یہ ان کا ریکارڈ چھٹا ورلڈ کپ ہوگا۔

یہ بھی پڑھئے:ہارر فلموں میں مسلسل کام کرنا اعصابی نظام کے لیے چیلنج: کالکی کوچلن

سانیا ایشیائی بیچ گیمز ۲۰۲۶ء: ۱۷۹۰؍ کھلاڑیوں کی شرکت کی تصدیق
۲۳؍مارچ چین کے خوبصورت ساحلی شہر سانیا میں منعقد ہونے والے ایشیائی بیچ گیمز ۲۰۲۶ء کے آغاز میں اب محض ایک ماہ کا وقت رہ گیا ہے۔ آرگنائزنگ کمیٹی نے پیر کے روز باضابطہ اعلان کیا ہے کہ اس میگا ایونٹ میں ایشیا کے ۴۵؍ ممالک اور خطوں سے تعلق رکھنے والے۱۷۹۰؍ کھلاڑی اپنی مہارت کے جوہر دکھائیں گے۔

یہ بھی پڑھئے:۱۸؍سالہ طویل جدوجہد آنکھوں کے سامنے گھوم گئی:کوہلی

منتظمین کے مطابق،۲۰؍ مارچ تک کی رجسٹریشن کے بعد کھلاڑیوں کی حتمی فہرست تیار کر لی گئی ہے۔ ان گیمز میں۱۴؍ کھیلوں کے ۱۵؍ ڈسپلن اور مجموعی طور پر۶۲؍ ایونٹس منعقد ہوں گے۔ خواتین کا بیچ فٹ بال  ایونٹ ٹیموں کی کم تعداد کی وجہ سے منسوخ کر دیا گیا ہے، تاہم بقیہ تمام مقابلے شیڈول کے مطابق ہوں گے۔ کھلاڑیوں کی تعداد کے لحاظ سے بیچ ہینڈ بال  (۲۳۷؍ کھلاڑیوں کے ساتھ) سرفہرست ہے، جس کے بعد ڈریگن بوٹ، بیچ ایتھلیٹکس، جو جِتسو اور بیچ والی بال کا نمبر آتا ہے۔