فٹبال ورلڈ کپ کے آغاز سے ہی گولڈن بوٹ کی دوڑ غیرمعمولی حد تک دلچسپ ہوتی جا رہی ہے جہاں لیونل میسی، کائیلیان ایمباپے اور ارلنگ ہالینڈ شاندار فارم میں نظر آ رہے ہیں۔

 فٹبال ورلڈ کپ کے آغاز سے ہی گولڈن بوٹ کی دوڑ غیرمعمولی حد تک دلچسپ ہوتی جا رہی ہے جہاں لیونل میسی، کائیلیان ایمباپے اور ارلنگ ہالینڈ شاندار فارم میں نظر آ رہے ہیں۔دو میچوں کے بعد ارجنٹائن کے کپتان میسی پانچ گولز کے ساتھ سرفہرست ہیں جبکہ فرانس کے ایمباپے اور ناروے کے ہالینڈ چار، چار گولز کے ساتھ ان کے تعاقب میں ہیں۔

Erling Haaland follows in his father`s footsteps and features in a #FIFAWorldCup game in New York New Jersey 🤝 pic.twitter.com/8u1OLPz7fx

— FIFA World Cup (@FIFAWorldCup) June 23, 2026

ورلڈ کپ کی تاریخ میں یہ صرف دوسرا موقع ہے جب تین کھلاڑی ابتدائی دو میچوں کے بعد چار یا اس سے زیادہ گول اسکور کرنے میں کامیاب ہوئے ہیں۔ اس سے قبل ایسا۱۹۵۴ء کے عالمی کپ میں ہوا تھا۔ میسی نے آسٹریا کے خلاف دو گول کرکے ورلڈ کپ کی تاریخ کے سب سے زیادہ گول کرنے والے کھلاڑی کا اعزاز حاصل کیا جبکہ ایمباپے نے عراق کے خلاف دو گول داغ کر جرمنی کے میروسلاو کلوزے کے ۱۶؍ ورلڈ کپ گولز کے ریکارڈ کی برابری کرلی۔دوسری جانب ارلنگ ہالینڈ نے سینیگال کے خلاف دو گول کرکے اپنے پہلے ہی ورلڈ کپ میں زبردست آغاز کیا ہے۔

یہ بھی پڑھئے:ٹرمپ کی ملک بدری مہم تیز، ۱۸؍ ماہ میں ۹؍ لاکھ تارکینِ وطن امریکہ بدر

ماہرین کے مطابق تینوں اسٹارس نہ صرف گولڈن بوٹ بلکہ ورلڈکپ کے ہمہ وقت گول اسکورنگ ریکارڈز پر بھی نظریں جمائے ہوئے ہیں۔انگلینڈ کے ہیری کین بھی اس دوڑ میں شامل ہو سکتے ہیں جنہوں نے افتتاحی میچ میں دو گول کیے تھے۔۴۸؍ٹیموں پر مشتمل نئے ورلڈ کپ فارمیٹ نے بھی گولز کی تعداد میں اضافہ کیا ہے جس سے دنیا کے بہترین فارورڈز کو اپنی صلاحیتیں دکھانے کے مزید مواقع مل رہے ہیں۔

یہ بھی پڑھئے:ورلڈ بینک نے ہندوستان کی معاشی ترقی کیلئے ۱ء۵؍ بلین دالر کے قرض کو منظوری دی

فیفا ورلڈ کپ: الجیریا نے اُردن کو ۱۔۲؍سے شکست دے کر ناک آؤٹ کی امیدوں کو زندہ رکھا
الجیریا نے پہلے ہاف میں پیچھے رہنے کے بعد شاندار کارکردگی کا مظاہرہ کرتے ہوئے پہلی بار کھیل رہی اُردن کو۱۔۲؍ سے ہرا کر فیفا ورلڈ کپ ۲۰۲۶ء کے ناک آؤٹ مرحلے میں پہنچنے کی اپنی امیدوں کو زندہ رکھا۔ میچ کے آغاز سے پہلا ہاف اُردن کے نام رہا۔ ۳۶؍ ویں منٹ میں نزار الراشدان کے گول نے اردن کو ۰۔۱؍گول کی برتری دلائی اور الجیریا پر غلبہ برقرار رکھا۔ تاہم دوسرے ہاف میں الجیریا نے زبردست واپسی کی۔ نادر بینبولی نے ۶۹؍ویں منٹ میں ہیڈر کے ذریعے گول کرکے  اسکور۱۔۱؍گول سے برابر کردیا۔ اس کے بعد ۸۲؍ویں منٹ میں امین گیری نے شاندار گول کر کے الجیریا کو ۱۔۲؍گول کی برتری دلا دی، جو بالآخر فیصلہ کن گول ثابت ہوا۔اس جیت کے ساتھ ہی الجیریا نے ٹورنامنٹ میں تین پوائنٹس سے اپنا کھاتہ کھول لیا ہے اور وہ پوائنٹس ٹیبل میں تیسرے نمبر پر ہے۔ دوسری جانب اردن کو مسلسل دوسری شکست کا سامنا کرنا پڑا اور وہ گروپ جے میں سب سے نیچے پہنچ گیا ہے۔