ارلنگ ہالینڈ کی جانب سے آخری لمحات میں کیے گئے دو گولز کی بدولت ناروے نے پانچ بار کی چیمپئن برازیل کو ۱۔۲؍گول سے ہرا کر فیفا ورلڈ کپ ۲۰۲۶ء سے باہر کر دیا ہے۔

ارلنگ ہالینڈ کی جانب سے آخری لمحات میں کیے گئے دو گولز کی بدولت ناروے نے پانچ بار کی چیمپئن برازیل کو ۱۔۲؍گول  سے ہرا کر فیفا ورلڈ کپ ۲۰۲۶ء سے باہر کر دیا ہے۔ اس جیت کے ساتھ ہی ناروے نے ٹورنامنٹ کے کوارٹر فائنل میں اپنی جگہ پکی کر لی ہے۔ اس سنسنی خیز مقابلے کے ہیرو ارلنگ ہالینڈ نے میچ کے آخری لمحات (۷۹؍ویں اور  ۹۰؍ویں منٹ) میں دو شاندار گول داغ کر ناروے کو جیت دلائی۔ انجری ٹائم میں برازیل کے لیے نیمار نے پینالٹی کے ذریعے ایک گول کیا، لیکن یہ ہار ٹالنے کے لیے کافی نہیں تھا۔

Difference maker 😮‍💨#FIFAWorldCup pic.twitter.com/p8d51nrZkx

— FIFA World Cup (@FIFAWorldCup) July 5, 2026

یہ بھی پڑھئے:مراکش اب چونکانے والی ٹیم نہیں، ورلڈ کپ کی دعویدار ہے: ہیڈ کوچ اوہبی

پہلے ہاف میں کھیل کا رخ بالکل الگ ہو سکتا تھا، جب برازیل کے فارورڈ میتھیاس کونہا نے پینالٹی حاصل کی، لیکن ناروے کے اورجان نائلینڈ نے برونو گوئیماریش کی کمزور کوشش کو ناکام بنا دیا۔ کئی مواقع کے باوجود پہلا ہاف بغیر کسی گول کے ختم ہوا۔ مقابلے کے تینوں گول میچ کے دوسرے ہاف میں آئے۔ وقفے کے بعد ناروے نے جارحانہ کھیل کا مظاہرہ کیا، جس کا سہرا سولبیکن کی جانب سے کی گئی دو بڑی اور شاید غیر متوقع تبدیلیوں کے سر جاتا ہے۔ انہوں نے الیگزینڈر سورلوتھ اور انتونیو نوسا کی جگہ اینڈریاس شیلڈروپ اور آسکر باب کو میدان میں اتارا۔

یہ بھی پڑھئے:’’میکس، من اور میاؤزاکی‘‘ دلوں کو جوڑنے آرہے ہیں، فلم کا ٹیزر جاری

دوسری طرف برازیل کے کوچ کارلو اینچلوٹی کی تبدیلیاں جن میں اینڈرک اور نیمار جیسے کھلاڑی شامل تھے، نے شاید شائقین کو خوش کیا ہو، لیکن کھیل پر اس کا کوئی خاص اثر نہیں پڑا۔ ناروے کا کوارٹر فائنل میں مقابلہ میامی میں انگلینڈ سے ہوگا۔ برازیل کے لئے یہ انتہائی بدقسمتی کی بات ہے کہ وہ ۳۶؍ برسوں میں عالمی کپ میں پہلی مرتبہ اتنے جلدی گیم سے باہر ہوا ہے۔