فیفا ورلڈ کپ ۲۰۲۶ء جیتنے والی ٹیم کیلئے انعامی رقم کا اعلان کر دیا گیا جس نے فٹبال شائقین کو حیران کر دیا۔نیویارک ٹائمز کی رپورٹ کے مطابق فیفا کونسل نے ۲۰۲۶ء کے ورلڈ کپ کیلئے مجموعی طور پر ۶۵۵؍ ملین ڈالرس کی ریکارڈ انعامی رقم کی منظوری دے دی جو قطر میں منعقدہ ۲۰۲۲ء کے ٹورنامنٹ کے مقابلے میں۵۰؍ فیصد زیادہ ہے۔

 فیفا ورلڈ کپ ۲۰۲۶ء جیتنے والی ٹیم کیلئے انعامی رقم کا اعلان کر دیا گیا جس نے فٹبال شائقین کو حیران کر دیا۔نیویارک ٹائمز کی رپورٹ کے مطابق فیفا کونسل نے ۲۰۲۶ء کے ورلڈ کپ کیلئے مجموعی طور پر ۶۵۵؍ ملین ڈالرس کی ریکارڈ انعامی رقم کی منظوری دے دی جو قطر میں منعقدہ ۲۰۲۲ء کے ٹورنامنٹ کے مقابلے میں۵۰؍ فیصد زیادہ ہے۔ 
ٹورنامنٹ کی فاتح ٹیم کو ۵۰؍ ملین ڈالر ملیں گے جبکہ رنرز اپ کو۳۳؍  ملین ڈالر دیے جائیں گے۔ تیسری پوزیشن حاصل کرنے والی ٹیم کو۲۹؍ ملین ڈالر، چوتھی کو ۲۷؍ ملین ڈالر ملیں گے جبکہ کوارٹر فائنل میں ہارنے والی ہر ٹیم کو ۱۹؍ ملین ڈالر دیے جائیں گے۔راؤنڈ آف ۱۶؍ میں باہر ہونے والی ٹیموں کو ۱۵؍ ملین ڈالر اور راؤنڈ آف۳۲؍ سے باہر ہونے والی ٹیموں کو۱۱؍ ملین ڈالر دیے جائیں گے جو ممالک گروپ مرحلے سے آگے نہیں بڑھ سکیں گے انہیں ۹؍ ملین ڈالر ملیں گے جبکہ ورلڈ کپ کیلئے کوالیفائی کرنے والی ہر ٹیم کو تیاری کے اخراجات کے طور پر مزید ۵ء۱؍ ملین ڈالر دیے جائیں گے اس طرح ٹورنامنٹ میں شریک ہر ملک کو کم از کم۵ء۱۰؍ ملین ڈالر کی ضمانت ہوگی۔ 

یہ بھی پڑھئے:ٹول ٹیکس ادائیگی کے نظام کو آسان بنایا جا رہا ہے: گڈکری

فیفا کے صدر جیانی انفانٹینو نے اپنے بیان میں کہا کہ فیفا ورلڈ کپ ۲۰۲۶ء عالمی فٹبال برادری کیلئے مالی لحاظ سے بھی ایک انقلابی ایونٹ ثابت ہوگا۔واضح رہے کہ فیفا کی جانب سے شریک فیڈریشنز کیلئے انعامی رقم میں یہ اضافہ ورلڈ کپ کے بیشتر ٹکٹوں کی غیر معمولی حد تک بلند قیمتوں کے پس منظر میں سامنے آیا۔گزشتہ ہفتے۲۰۲۶ء کے ٹورنامنٹ کیلئے جاری کردہ ٹکٹوں کی قیمتیں اوسطاً ۱۷۴؍ فیصد زیادہ تھیں جو ۲۰۱۸ء میں امریکہ، کنیڈا اور میکسیکو کی جانب سے جمع کروائی گئی مشترکہ بڈ بُک میں اندازہ لگائی گئی قیمتوں سے کہیں زیادہ ہیں۔ 

یہ بھی پڑھئے:آسکر ایوارڈز اب ٹی وی پر نہیں یوٹیوب پر نشرہوگا

اس سے بھی زیادہ ڈرامائی اضافہ ورلڈ کپ فائنل کے ٹکٹوں کی قیمتوں میں دیکھا گیا ہے جو ۱۹؍ جولائی کو نیو جرسی کے میٹ لائف اسٹیڈیم میں کھیلا جائے گا۔سیمی فائنلز کیلئے قیمتوں میں۱۹۷؍ فیصد اضافہ ہوا ہے جو بڈ بُک کے ۷۳۳؍ ڈالر سے بڑھ کر۲۱۷۴؍ ڈالرس ہوگئی ہیں۔ کوارٹر فائنلز میں یہ اضافہ ۱۵۳؍ فیصد ہے جہاں قیمتیں ۴۱۲؍ ڈالر سے بڑھ کر۱۰۴۴؍ڈالر تک پہنچ گئی ہیں۔