ہندوستانی سینئر ویمنز ٹیم نے پی جے این اسٹیڈیم میں کھیلے گئے گروپ بی کے اپنے افتتاحی میچ میں مالدیپ کے خلاف ۰۔۱۱؍گول کی شاندار اور یکطرفہ جیت کے ساتھ سیف ویمنز چیمپئن شپ ۲۰۲۶ء کی مہم کا شاندار آغاز کیا۔

 ہندوستانی سینئر ویمنز ٹیم نے پی جے این اسٹیڈیم میں کھیلے گئے گروپ بی کے اپنے افتتاحی میچ میں مالدیپ کے خلاف ۰۔۱۱؍گول کی شاندار اور یکطرفہ جیت کے ساتھ سیف ویمنز چیمپئن شپ ۲۰۲۶ء کی مہم کا شاندار آغاز کیا۔گوا میں اپنا پہلا بین الاقوامی میچ کھیلنے والی بلیو ٹائیگریسز نے پیر کی رات شروع سے آخر تک حاوی رہ کر دونوں ٹیموں کے درمیان موجود بڑے فرق کو واضح کر دیا - فیفا ویمنز رینکنگ میں ہندوستان ۶۹؍ ویں اور مالدیپ ۱۶۷؍ ویں نمبر پر ہے۔ اس سے قبل دن میں کھیلے گئے گروپ اے کے ایک میچ میں نیپال نے بھوٹان کو ۰۔۱؍گول سے ہرا کر ٹورنامنٹ کا آغاز کیا تھا۔

یہ بھی پڑھئے : فیفا ورلڈکپ: امریکہ کے انکار کے بعد میکسیکو ایرانی ٹیم کی میزبانی کیلئے تیار

ہندوستان کی اس تاریخی جیت میں اویکا سنگھ نے شاندار کارکردگی کا مظاہرہ کرتے ہوئے چار گول داغے، جبکہ پریانکا دیوی ناوریم اور کرشمہ شیرووئیکر نے دو دو گول کیے۔ ان کے علاوہ پیاری زیکسا، گریس ڈانگمیئی اور سنگیتا باسفور نے بھی ایک ایک گول کر کے اسکور شیٹ میں اپنا نام درج کرایا۔ سیف ویمنز چیمپئن شپ میں ۲۰۲۴ء میں افغانستان کے خلاف ۰۔۱۲؍گول کی جیت کے بعد یہ ہندوستان کی سب سے بڑی فتح ہے۔
اس نتیجے کے ساتھ ہی ہندوستان اپنے پہلے ہی میچ سے تین پوائنٹس حاصل کر کے گروپ بی میں ٹاپ پر پہنچ گیا ہے۔ ہندوستان کا اگلا مقابلہ ۳۱؍مئی کو اسی میدان پر بنگلہ دیش سے ہوگا۔ اگر مالدیپ ۲۸؍مئی کو ہونے والے اپنے اگلے میچ میں بنگلہ دیش کو شکست دینے میں ناکام رہتا ہے، تو ہندوستان اتوار کے میچ سے پہلے ہی سیمی فائنل کے لیے کوالیفائی کر جائے گا۔

یہ بھی پڑھئے : فرینچ اوپن ۲۰۲۶ء میں ثانیہ مرزا کا دھماکہ دار کردار

میچ کے آغاز سے ہی ہندوستان نے مالدیپ کے دفاع (ڈیفنس) پر دباؤ بڑھانا شروع کر دیا اور دونوں کناروں (فلینکس) کا استعمال کرتے ہوئے حریف ٹیم کو پیچھے دھکیلا، جس میں سرتا یومنام نے دائیں جانب سے باکس میں بہترین پاسز دے کر اہم کردار ادا کیا۔ میزبان ٹیم نے پانچویں منٹ میں ہی برتری حاصل کر لی تھی جب گریس نے بائیں جانب سے گیند کو آگے بڑھایا اور پیاری نے اسے گول پوسٹ میں پہنچا دیا، لیکن اسسٹنٹ ریفری نے اسے آف سائیڈ قرار دے دیا۔
 کرسپن چھیتری کی کوچنگ والی ہندوستانی ٹیم نے اپنا جارحانہ کھیل جاری رکھا اور مالدیپ کو ان کے اپنے ہاف میں محصور کر دیا۔ میچ کا پہلا گول  ۱۱؍ویں اوور میں ایک شارٹ کارنر کی بدولت آیا۔ سنگیتا نے باکس کے اندر پریانکا کو تلاش کیا، اور اس مڈفیلڈر نے قریبی فاصلے سے گیند کو گول پوسٹ میں ڈال کر اے سی ایل  چوٹ سے واپسی کے بعد اپنے پہلے ہی میچ میں گول اسکور کیا۔

Winning start to our #SAFFWomensChampionship2026 campaign in Margao 🐾🇮🇳#INDMDV #BlueTigresses #IndianFootball pic.twitter.com/SkehEwUxfI

— Indian Football (@IndianFootball) May 25, 2026

ہندوستان کو مستقل بنیادوں پر مواقع ملتے رہے۔ ۱۴؍ویں منٹ میں مالدیپ کی گول کیپر فاطمت سوسن کی جانب سے گیند کو دور پھینکنے کی ناکام کوشش کے بعد جسودا منڈا کو باکس کے اندر موقع ملا، لیکن ان کا شاٹ اوپر سے نکل گیا۔ سات منٹ بعد، اویکا نے مالدیپ کے دفاع کو چیرتے ہوئے پریانکا کو ایک درست پاس دیا، جنہوں نے انتہائی سکون کے ساتھ سوسن کو چکمہ دے کر ہندوستان کا دوسرا گول کر دیا۔

یہ بھی پڑھئے : ہندوستان کی انڈر ۱۸؍ خواتین ہاکی ٹیم نے آسٹریلیا کو شکست دے دی

میچ کے ۲۸؍ویں منٹ میں پیاری نے پریانکا کے پاس کو حاصل کر کے باکس کے باہر سے ایک خوبصورت کرونگ شاٹ کھیلا، جس پر گول کیپر کا ہاتھ لگنے کے باوجود گیند نیٹ میں چلی گئی اور اسکور ۰۔۳؍گول   ہو گیا۔ اس کے بعد گریس کا ایک ہیڈر فاؤل ہوا، لیکن ۳۴؍ ویں منٹ میں ہندوستان نے فری کک پر چوتھا گول داغ دیا۔ اویکا نے طویل فاصلے سے براہِ راست فری کک لی جس نے گول کیپر سوسن کو دھوکہ دیا اور یہ اس فارورڈ کا لگاتار دوسرے میچ میں دوسرا بین الاقوامی گول تھا۔