ٹاپ سیڈیڈ ایگا سواتیک نے خواتین کے سنگلز کے سیمی فائنل میں امریکہ کی کوکو گف کو شکست دی۔ جسمین نے روسی کھلاڑی میرا کو شکست دی۔

ٹاپ رینک والی  ایگا سواتیک کا مقصد پیرس میں ۵؍برسوں میں چوتھا فرنچ اوپن خطاب جیتنا ہے۔ وہ۰۹۔۲۰۰۷ء میں جسٹن ہینن کے بعد مسلسل ۴؍ بار فرنچ اوپن جیتنے والی پہلی خاتون بن سکتی ہیں۔ سنیچر کو فرنچ اوپن کے خواتین کے سنگلز فائنل میں سواتیک کا مقابلہ جسمین پاؤلینی کے درمیان ہوگا۔ 
 ایگا سواتیک  نے جمعرات کو فرنچ اوپن کے سیمی فائنل میں کوکو گف کو۲۔۶، ۴۔۶؍ سے شکست دے کر اپنے  رولا گیروس کی جیت کا سلسلہ ۲۰؍ تک بڑھا دیا ہے۔ ٹاپ رینک والی  سواتیک کا مقصد پیرس میں ۵؍برسوں میں چوتھا فرنچ اوپن خطاب حاصل کرنا ہے۔ وہ ۰۹۔۲۰۰۷ء  میں جسٹن ہینن کے بعد مسلسل ۳؍ بار فرنچ اوپن جیتنے والی پہلی خاتون بن سکتی ہیں۔
سواتیک  نے، جو فرنچ اوپن میں اپنا چوتھا خطاب جیتنے کی کوشش کر رہی ہیں، نے تیسری سیڈیڈ گف کوشکست دی۔سواتیک ، جنہوں  نے اب تک ۴؍ گرینڈ سلیم جیتے ہیں، نے فرنچ اوپن میں اپنی جیت کی مہم کو۲۰؍ میچوں تک بڑھا دیا ہے۔ سنیچر کو ہونے والے فائنل میں ان کا مقابلہ اٹلی کی۱۲؍ویں سیڈ جسمین  پاؤلینی سے ہوگا۔ پاؤلینی نے دوسرے سیمی فائنل میں روس کی۱۷؍ سالہ غیر سیڈیڈ میرا اینڈریوا کو۳۔۶، ۱۶؍ سے شکست دے دی۔
 سواتیک نے گف کے خلاف اپنا ریکارڈ ۱۔۱۱؍ سے بہتر کیا۔ انہوں نے اس کلے کورٹ ٹورنامنٹ میں امریکی کھلاڑی کو مسلسل تیسری بار شکست دی ہے۔ ان میں۲۰۲۲ء کے فائنل اور گزشتہ سال کے کوارٹر فائنل میں ریکارڈ کی گئی جیت بھی شامل ہے۔
 ایڈورڈ سیگمنڈ نےمکسڈ ڈبلز ٹائٹل جیت لیا 
 ایڈورڈ راجر ویسلن اور لورا سیگمنڈ نے جمعرات کو نیل اسکوپسکی اور ڈیزائر کرزانک کی جوڑی کو سیدھے سیٹوں میں شکست دے کر فرنچ اوپن ٹینس ٹورنامنٹ کا مکسڈ ڈبلز ٹائٹل جیت لیا۔ پہلی بار کسی ٹورنامنٹ میں کھیلنے والے فرانس کے راجر ویسلین اور جرمنی کے سیگمنڈ نے اسکوپسکی اور کرزانک کی جوڑی کو۴۔۶، ۵۔۷؍ سے شکست دی۔ سیگمنڈ اس سے قبل۲۰۱۶ء میں مختلف پارٹنر کے ساتھ یو ایس اوپن مکسڈ ڈبلز ٹائٹل اور ۲۰۲۰ء میں ویمنز ڈبلز ٹائٹل جیتا ہے۔
الیگزینڈر زیورر سیمی فائنل میں 
 جرمنی کے ۴؍ سیڈیڈ الیگزینڈر زیوریو مسلسل چوتھی بار فرنچ اوپن کے سیمی فائنل میں داخل ہو گئے ہیں۔ انہوں نے آسٹریلیا کے ایلکس ڈی مائنر کو۴۔۶، ۶۔۷، ۴۔۶؍ سے شکست دی۔ سیمی فائنل میں ان کا مقابلہ۲۰۲۲ء اور۲۰۲۳ء کے رنر اپ ناروے کے کیسپر رُوڈ سے ہوگا۔ جوکووچ کے زخمی ہونے کی وجہ سے ٹورنامنٹ سے دستبردار ہونے کی وجہ سے رُوڈ سیمی فائنل میں پہنچ گئے۔ دوسرے سیمی فائنل میں سیکنڈ سیڈیڈ اور آسٹریلین اوپن  چمپئن اٹلی کے یانک سنر کا مقابلہ تھرڈ سیڈیڈ اسپین کے کارلوس الکاراز سے ہوگا۔اس سال آسٹریلین اوپن کے سیمی فائنل میں پہنچنے والے زیوریو گزشتہ ۱۱؍ میچوں میں ناقابل شکست  رہے ہیں۔ وہ حال ہی میں اٹالین اوپن ٹائٹل جیتنے کے بعد آئے ہیں۔