فلسطینی واٹر اتھاریٹی (پی ڈبلیو اے) نے غزہ پٹی میں ’’فوری انسانی بحران‘‘ کے تعلق سے خبردار کیا ہے اور خطے میں پانی اور صاف صفائی کے نظام کے تقریباً تباہ ہوجانےکا اعلان کیا ہے۔

فلسطینی واٹر اتھاریٹی (پی ڈبلیو اے) نے سنیچر کو غزہ پٹی میں ’’فوری انسانی بحران‘‘ کے متعلق خبردار کیا ہے اور خطے میں پانی اور صاف صفائی کے نظام کےتقریباً تباہ ہوجانے کا اعلان کیا ہے۔ اتھاریٹی کے مطابق ’’مقبوضہ خطہ ’’پانی کی کمی کے سبب مر رہاہے۔ اتھاریٹی نے اسرائیل پر ’’پیاس اور بھکمری کو نسل کشی کے ہتھیار کے طور پر استعمال کر کے منظم طریقے سے جنگی جرائم کا ارتکاب کرنے کا الزام عائد کیا ہے۔‘‘

یہ بھی پڑھئے: ترکی: پی کے کے نے ملک میں ۴۰؍ سال سے جاری بغاوت ختم کردی

پی ڈبلیو اے کے مطابق ’’جنگ کی شروعات ہونے کی وجہ سے غزہ پٹی میں پانی کے استخراج کا عمل ۷۰؍ تا ۸۰؍ فیصد گر گیا ہے۔پانی کی کھپت روزانہ کی بنیاد پر ایک شخص کیلئے ۳؍ تا ۵؍ لیٹر تک گر گئی ہے جو بین الاقوامی ادارۂ صحت کی کم از کم ۱۵؍ لیٹر کی حد سے بہت زیادہ کم ہے۔ 

انٹریم ریپیڈ ڈیمیج اینڈ نیڈس اسسیسمنٹ (آئی آر ڈی این اے) کے مطابق ’’غزہ پٹی کے ۸۵؍ فیصد پانی اور صاف صفائی کے نظام کو جنگ  کے سبب شدید نقصان پہنچا ہے۔ پی ڈبلیواے کے مطابق ’’بجلی کی بندش، ایندھن کی کمی اور فوج کی پابندیوں نے انفراسٹرکچر کو بحال کرنے میں مشکلات پیش آرہی ہیں۔‘‘آئی آر ڈی این اے کے مطابق ’’پانی کا نظام غیر فعال ہےجس کے نتیجے میں سیوج رہائشی علاقوں میں خارج ہورہا ہے اور ’’اسٹورم واٹر بیسین‘‘کے چھلکنے سے لوگوں کی صحت کے تعلق سے خدشات بڑھ گئے ہیں۔‘‘ غزہ پٹی کے اطراف بہت سے شہریوں کو صاف پانی تک رسائی حاصل نہیں ہے جس وہ زرعی کنوؤں کا سہارا لے رہے ہیںجس سے پانی سے ہونے والی بیماریوں کا خطرہ بڑھ گیا ہے۔‘‘ پی ڈبلیو اے نے عالمی برداری پر زور دیا ہے کہ وہ ان تمام مشکلات کو ختم کرنے کیلئے فوری کارروائی کرے اور اسے ’’پیاس، بھوک اور بیماریوں کے ذریعے غزہ کے شہریوں کو جان بوجھ کر اور منظم طریقے سے ختم کرنے کی مہم قرار دیا۔‘‘