انڈین پریمیئر لیگ (آئی پی ایل) ۲۰۲۶ء کے لیے گجرات ٹائٹنز نے اپنی مہم کا باقاعدہ آغاز احمد آباد میں ایک تاریخی اور رنگا رنگ تقریب شبھ آرمبھ ۲۰۲۶ءسے کیا۔ اس تقریب میں ٹیم کے کھلاڑیوں، فرنچائز مالکان، پارٹنرز اور مداحوں کی بڑی تعداد نے شرکت کی۔

انڈین پریمیئر لیگ (آئی پی ایل) ۲۰۲۶ء کے لیے گجرات ٹائٹنز نے اپنی مہم کا باقاعدہ آغاز احمد آباد میں ایک تاریخی اور رنگا رنگ تقریب شبھ آرمبھ ۲۰۲۶ءسے کیا۔ اس تقریب میں ٹیم کے کھلاڑیوں، فرنچائز مالکان، پارٹنرز اور مداحوں کی بڑی تعداد نے شرکت کی، جہاں فرنچائز کے پانچ سالہ سفر کو یاد کرنے کے ساتھ ساتھ مستقبل کے لیے ایک واضح سمت کا تعین کیا گیا۔
تقریب کا بنیادی محور اتحاد، بلند حوصلہ اور گجرات فرسٹ کی سوچ رہی۔ اس شام نے ثابت کیا کہ کس طرح ایک نئی ٹیم محض چند برسوں میں لیگ کی سب سے متحرک اور مداحوں کے قریب رہنے والی فرنچائز بن چکی ہے۔ٹورنٹ گروپ کے ڈائریکٹرز جنال مہتا اور شان مہتا نے اپنی موجودگی سے فرنچائز کے وژن اور اقدار کے ساتھ اپنی وابستگی کا اعادہ کیا۔ اس موقع پر چیف آپریٹنگ آفیسر کرنل اروندر سنگھ، ہیڈ کوچ اشیش نہرا اور ڈائریکٹر کرکٹ وکرم سولنکی نے ٹیم کے مربوط ڈھانچے اور مضبوط قیادت کو اجاگر کیا۔
 تقریب کا مرکزِ نگاہ ٹیم کے کپتان شبھ من گل رہے، جنہیں ٹیم کے مسلسل ارتقاء اور کامیابیوں کے تناظر میں خصوصی طور پر خراجِ تحسین پیش کیا گیا۔ مشہور میزبان مندیرا بیدی نے اس شام کی نظامت کی  جبکہ گجرات کی ثقافتی روح کو اجاگر کرنے کے لیے بھومی ترویدی اور کنجل دوے نے اپنی آواز کا جادو جگایا۔ تقریب کے اختتام پر ایک ڈرامائی انداز میں پوری ٹیم کو اسٹیج پر متعارف کرایا گیا، جس نے مداحوں کے جوش و خروش کو دوبالا کر دیا۔

یہ بھی پڑھئے:کائلیان ایمباپے کی فٹنیس اور ورلڈ کپ ۲۰۲۶ء میں شرکت ؟

 ہم یہاں صرف شرکت کرنے نہیں، جیتنے آئے ہیں: آشیش نہرا
انڈین پریمیئر لیگ (آئی پی ایل) ۲۰۲۶ء کے باقاعدہ آغاز سے قبل گجرات ٹائٹنز کے ہیڈ کوچ آشیش نہرا نے ٹیم کے عزائم کو واضح کر دیا ہے۔ انہوں نے دو ٹوک الفاظ میں کہا کہ ٹیم کا واحد مقصد میدان میں مقابلہ کرنا اور ٹرافی جیتنا ہے۔ شبھ آرمبھ  ۲۰۲۶ءکی تقریب سے خطاب کرتے ہوئے، جہاں فرنچائز کے مالکان، کھلاڑی اور مداح ایک بڑی تعداد میں موجود تھے، نہرا نے ٹیم کی حکمتِ عملی پر روشنی ڈالی۔

یہ بھی پڑھئے:کے کے آر آکاش دیپ کی جگہ ودربھ کے تیز گیند باز سوربھ دوبے کو شامل کرے گی

 نہرا کا کہنا تھا کہ اس سیزن میں کچھ مختلف سوچنے کی ضرورت نہیں ہے۔ انہوں نے مسکراتے ہوئے کہا، ’’اصل میں مجھے نہیں بلکہ کھلاڑیوں کو سوچنا ہے، کیونکہ میدان میں انہوں نے کھیلنا ہے، میں تو باہر بیٹھتا ہوں۔‘‘ کوچ نے اس بات پر زور دیا کہ ایک نئی ٹیم ہونے کے ناطے لوگ سمجھ سکتے تھے کہ ہمیں سیٹ ہونے میں وقت لگے گا، لیکن ہمارا نظریہ پہلے دن سے صاف تھا کہ ہم یہاں جیتنے کے لیے آئے ہیں۔