فرانسیسی فٹبال کے اسٹار اسٹرائیکر کائلیان ایمباپے نے اپنی انجری اور آئندہ ہونے والے فیفا ورلڈ کپ ۲۰۲۶ء میں شرکت کے حوالے سے تمام خدشات کو دور کرتے ہوئے اہم بیان جاری کر دیا ہے۔

 فرانسیسی فٹبال کے اسٹار اسٹرائیکر کائلیان ایمباپے نے اپنی انجری اور آئندہ ہونے والے فیفا ورلڈ کپ ۲۰۲۶ء میں شرکت کے حوالے سے تمام خدشات کو دور کرتے ہوئے اہم بیان جاری کر دیا ہے۔ ۲۷؍سالہ فٹبالر، جو گزشتہ سیزن میں گھٹنے کی تکلیف کے باعث  ریئل  میڈرڈ کی جانب سے چار اہم میچز نہیں کھیل سکے تھے، اب مکمل طور پر صحت یاب ہو چکے ہیں۔ 
ایمباپے کی فٹنیس کے حوالے سے شکوک و شبہات اس وقت ختم ہوئے جب اتوار کو ایٹلیٹیکو میڈرڈ کے خلاف ہونے والے سنسنی خیز مقابلے میں وہ ۶۴؍ ویں منٹ میں متبادل کھلاڑی کے طور پر میدان میں اترے۔ ریال میڈرڈ نے یہ میچ ۲۔۳؍گولسے اپنے نام کیا، جس سے ایمباپے کے اعتماد میں مزید اضافہ ہوا۔ ایک حالیہ انٹرویو میں انہوں نے واضح کیا کہ وہ اب ۱۰۰؍ فیصد فٹ ہیں اور سیزن کے بقیہ میچز کھیل کر ورلڈ کپ کے لیے خود کو بہترین فارم میں لانا چاہتے ہیں۔ 
فرانسیسی ٹیم نے ورلڈ کپ کی تیاریوں کے سلسلے میں ایمباپے کو امریکہ میں شیڈول دو اہم دوستانہ میچوں کے لیے منتخب کر لیا ہے۔،بمقابلہ برازیل:۲۶؍ مارچ  بمقابلہ کولمبیا: ۲۹؍ مارچ ۲۰۲۶ء۔

یہ بھی پڑھئے:کے کے آر آکاش دیپ کی جگہ ودربھ کے تیز گیند باز سوربھ دوبے کو شامل کرے گی

یہ مقابلے اس لیے بھی اہمیت کے حامل ہیں کیونکہ۲۰۲۶ء  کے ورلڈ کپ کی میزبانی امریکہ، کنیڈا اور میکسیکو مشترکہ طور پر کر رہے ہیں۔ ایمباپے کا کہنا ہے کہ وہ گزشتہ دو ورلڈ کپ کی طرح اس بار بھی اپنی ٹیم کے لیے فیصلہ کن کردار ادا کرنے کے خواہشمند ہیں۔ 

یہ بھی پڑھئے:ہندوستان اور چین، ٹرمپ کی سخت ویزا پالیسیوں سے سب سے زیادہ متاثر، ویزا کی تعداد میں بڑی کمی: رپورٹ

واضح رہے کہ فیفا ورلڈ کپ ۲۰۲۶ء کے لیے فرانس کو گروپ آئی  میں رکھا گیا ہے۔ اس گروپ میں فرانس کے ساتھ ناروے،سینیگال اورانٹرنیشنل پلے آف کا فاتح شامل ہیں۔کائلیان ایمباپے کی مکمل فٹنیس کے ساتھ واپسی نے نہ صرف فرانسیسی ٹیم بلکہ دنیا بھر میں موجود ان کے مداحوں کے لیے اطمینان کی لہر دوڑا دی ہے، جو انہیں ایک بار پھر عالمی اسٹیج پر جادو بکھیرتے دیکھنے کے منتظر ہیں۔