اب ہم ۲۰۲۶ء کے نصف سفر پر پہنچ چکے ہیں اور یہ سال ہندی سنیما کے لیے ملا جلا ثابت ہوا ہے، جہاں چند اچھی فلمیں ریلیز ہوئیں جبکہ باکس آفس پر کامیاب فلموں کی تعداد اس سے بھی کم رہی۔

اب ہم ۲۰۲۶ء کے نصف سفر پر پہنچ چکے ہیں  اور یہ سال ہندی سنیما کے لیے ملا جلا ثابت ہوا ہے، جہاں چند اچھی فلمیں ریلیز ہوئیں جبکہ باکس آفس پر کامیاب فلموں کی تعداد اس سے بھی کم رہی۔ تاہم، ۲۰۲۶ء میں ہندی سنیما کا باکس آفس کاروبار شاندار رہا، جس کا بڑا سہرا رنویر سنگھ کی فلم ’’دُھرندھر: دی ریونج‘‘ کے سر جاتا ہے، جس نے تمام ریکارڈ توڑ دیے، جبکہ سنی دیول کی ’’بارڈر ۲‘‘ بھی بڑی تعداد میں ناظرین کو سنیما گھروں تک لانے میں کامیاب رہی۔
۲۰۲۶ء کی پہلی ششماہی کی سب سے زیادہ کمائی کرنے والی ہندی فلمیں
’’دُھرندھر: دی ریونج‘‘، ’’بارڈر ۲‘‘ اور ’’بھوت بنگلہ‘‘‘ سمیت ۲۰۲۶ء کی اب تک کی ٹاپ ۵؍ سب سے زیادہ کمائی کرنے والی ہندی فلمیں درج ذیل ہیں:
 دُھرندھر: دی ریونج:۱۶۵۶؍ کروڑ روپے
 بارڈر۲:۴۲۲؍ کروڑ روپے
 بھوت بنگلہ: ۲۵۹؍ کروڑ روپے
 کاک ٹیل ۲:۱۲۰؍ کروڑ روپے (۹؍دن کی کمائی)
او رومیو :۹۳؍ کروڑ روپے
ویلکم ٹو دی جنگل ، جو ۲۶؍ جون کو ریلیز ہوئی، سے توقع کی جا رہی ہے کہ اپنی نمائش مکمل ہونے تک ٹاپ۵؍ بلکہ ممکنہ طور پر ٹاپ۳؍ فلموں میں شامل ہو جائے گی۔ اکشے کمار اور سنیل شیٹی کی اس فلم کے باکس آفس سفر کے اختتام پر فہرست کو اپ ڈیٹ کیا جائے گا۔
 ۲۰۲۶ء کی پہلی ششماہی کی ۵؍ بہترین ہندی فلمیں
اگرچہ مذکورہ فلمیں سال کی سب سے زیادہ کمائی کرنے والی فلمیں ہیں، لیکن ان میں سے صرف پہلی تین ہی حقیقی معنوں میں باکس آفس پر کامیاب قرار دی جا سکتی ہیں۔دلچسپ بات یہ ہے کہ ان میں سے کوئی بھی فلم ہماری اب تک کی ۲۰۲۶ء کی بہترین ہندی فلموں  کی فہرست میں شامل نہیں ہے۔
 اکیس  
دھرمیندر کی اپنے کریئر کی آخری فلم سمجھی جانے والی اکیس میں اگستیہ نندا اور جے دیپ اہلاوت بھی مرکزی کرداروں میں ہیں۔ سری رام راگھون کی ہدایت کاری میں بننے والی یہ فلم ہندوستان کے سب سے کم عمر پرم ویر چکر حاصل کرنے والے شہید ارون کھیتراپال کی زندگی پر مبنی ہے۔ فلم میں سمر بھاٹیہ، سکندرکھیر اور اسرانی بھی شامل ہیں۔ ’’اکیس‘‘ اس وقت پرائم ویڈیو پر دستیاب ہے۔

یہ بھی پڑھئے:یوٹیوب انڈیا: کیری میناٹی سب سے آگے، عالمی دوڑ میں ہندوستانی کریئیٹرز کہاں ہیں؟

دی گریٹ گرینڈ سپر ہیرو 
منیش سائنی کی ہدایت کاری میں بننے والی اس فلم میں جیکی شروف نے بچوں کے پسندیدہ سپر ہیرو کا کردار ادا کیا ہے، جسے دیکھنا ایک خوشگوار تجربہ ہے۔ دیگر اداکاروں میں مہیر گوڈبولے، شیوانش چورگھے، درگیش کمار، شرت سکسینہ، بھاگیہ شری اور پرتیک سمیتا پاٹل شامل ہیں۔
بندر 
انوراگ کشیپ کی ہدایت کاری میں بننے والی ’’بندر‘‘ میں بوبی دیول نے اپنے کریئر کی بہترین پرفارمنس پیش کی ہے۔یہ فلم ایک ایسے شخص کی کہانی بیان کرتی ہے جس پر زیادتی اور جنسی ہراسانی کا جھوٹا الزام لگایا جاتا ہے اور وہ کس طرح ایک بدعنوان عدالتی نظام کا شکار بن جاتا ہے۔فلم میں ثانیہ ملہوترہ، سپنا پبی، صبا آزاد، اندراجیت سکھومارن، راج بی شیٹی اور جتیندر جوشی بھی شامل ہیں۔
میں واپس آؤں گا 
امتیاز علی کی ہدایت کاری میں بننے والا یہ تقسیمِ ہند پر مبنی ڈراما ایک دل دہلا دینے والی کہانی ہے، جس میں ایک مرتا ہوا شخص اپنے گھر واپس جانے اور اپنی برسوں پرانی محبت سے دوبارہ ملنے کی خواہش رکھتا ہے۔فلم میں نصیر الدین شاہ، دلجیت دوسانجھ، شروری اور ویدانگ رائنا بھی اہم کردار ادا کر رہے ہیں۔

یہ بھی پڑھئے:دل تو پاگل ہے: کرشمہ والا کردار جوہی، کاجول، اُرمیلا، منیشا مسترد کرچکی تھیں

 ایوری باڈی لوز سوہراب ہانڈا 
رجت کپور کی ہدایت کاری میں بننے والی یہ سنسنی خیز  وُوڈنٹ (Whodunit) فلم ایک قتل کے معمہ پر مبنی ہے۔ رجت کپور خود بھی فلم میں اداکاری کرتے ہیں، جبکہ ان کے ساتھ ونے پاٹھک، رنویر شوری، والوشا ڈی سوزا، سوربھ شکلا، کوئل پوری، سعدیہ صدیقی اور چندرچوڑ رائے بھی شامل ہیں۔فلم کی کہانی  سہراب ہانڈا  کے قتل اور اس معمہ کو سلجھانے کی تفتیش کے گرد گھومتی ہے کہ آخر اس کا قاتل کون ہے۔ یہ فلم  زی فائیو   پر اسٹریمنگ کے لیے دستیاب ہے۔