ہندوستانی جونیئر خواتین ہاکی ٹیم نے شاندار کارکردگی کا مظاہرہ کرتے ہوئے جونیئر ویمنز ایشیا کپ ۲۰۲۶ء کا خطاب اپنے نام کرلیا۔ فائنل میں ہندوستان نے میزبان چین کو سخت مقابلے کے بعد ۰۔۱؍گول سے شکست دے کر مسلسل تیسری مرتبہ اے ایچ ایف ویمنز جونیئر ایشیا کپ کی ٹرافی جیتنے کا اعزاز حاصل کیا۔

ہندوستانی جونیئر خواتین ہاکی ٹیم نے شاندار کارکردگی کا مظاہرہ کرتے ہوئے  جونیئر ویمنز ایشیا کپ  ۲۰۲۶ء کا خطاب اپنے نام کرلیا۔ فائنل میں ہندوستان نے میزبان چین کو سخت مقابلے کے بعد ۰۔۱؍گول  سے شکست دے کر مسلسل تیسری مرتبہ  اے ایچ ایف ویمنز جونیئر ایشیا کپ  کی ٹرافی جیتنے کا اعزاز حاصل کیا۔ اس کامیابی کے ساتھ ہندوستان نے  ایف آئی ایچ جونیئر ورلڈ کپ  میں بھی اپنی جگہ پکی کرلی ہے۔

𝗔𝗡𝗗 𝗔𝗚𝗔𝗜𝗡, 𝗪𝗘 𝗥𝗨𝗟𝗘 𝗔𝗦𝗜𝗔! 🇮🇳🏆

INDIAN WOMEN"S TEAM ARE THE AHF JUNIOR ASIA CUP 2026 CHAMPIONS FOR THE THIRD TIME IN A ROW! 🥇🔥

The golden legacy continues with a 1-0 win over China in the final. 🇮🇳✨

The title win confirms a spot in the FIH Junior World Cup… pic.twitter.com/gk811zNSTX

— Hockey India (@TheHockeyIndia) September 13, 2026

فائنل کا واحد اور فیصلہ کن گول  سانیکا چندرکانت مانے  نے میچ کے ۱۷؍ویں منٹ میں کیا۔ ابتدائی کوارٹر میں دونوں ٹیموں کے درمیان زبردست مقابلہ دیکھنے کو ملا اور کوئی بھی ٹیم گول کرنے میں کامیاب نہیں ہوسکی۔ دوسرے کوارٹر کے آغاز میں ہندوستان نے حملہ تیز کیا اور سانیکا نے موقع سے فائدہ اٹھاتے ہوئے گیند کو جال میں پہنچا کر ٹیم کو۰۔۱؍ کی برتری دلا دی۔ برتری حاصل کرنے کے بعد ہندوستانی کھلاڑیوں نے دفاع میں انتہائی نظم و ضبط کا مظاہرہ کیا۔ ٹیم نے ہاف ٹائم تک اپنی ایک گول کی برتری برقرار رکھی۔ تیسرے کوارٹر میں چین نے واپسی کی کوشش کی، لیکن ہندوستانی دفاع نے میزبان ٹیم کے حملوں کو مؤثر انداز میں ناکام بنادیا۔ آخری کوارٹر میں بھی ہندوستان نے دباؤ کو برداشت کیا اور چین کو گول کرنے کا کوئی موقع نہیں دیا۔ آخرکار آخری سیٹی بجنے کے ساتھ ہی ہندوستان نے ۰۔۱؍گول  کی تاریخی فتح حاصل کرلی۔

یہ بھی پڑھئے:’’حیوان‘‘نے پریہ درشن کی غیرمزاحیہ فلموں کے کمزورباکس آفس ریکارڈکو دراز کردیا

یہ ہندوستان کی  اے ایچ ایف ویمنز جونیئر ایشیا کپ میں مسلسل تیسری کامیابی  ہے۔ ٹیم نے اس سال کے آغاز میں مقرر کیے گئے کوچ  ٹم وہائٹ  کی نگرانی میں منظم تربیتی پروگرام کے تحت تیاری کی تھی، جس کا نتیجہ ٹورنامنٹ میں شاندار کارکردگی کی صورت میں سامنے آیا۔ہندوستان کا ٹورنامنٹ میں سفر بھی قابل ذکر رہا۔ کوارٹر فائنل میں ہندوستان نے روایتی حریف  پاکستان کو ۰۔۱۹؍ کے بڑے فرق سے شکست دی، جبکہ سیمی فائنل میں  جنوبی کوریا کو۱۔۵؍گول  سے مات دے کر فائنل میں جگہ بنائی۔ جنوبی کوریا کے خلاف کامیابی میں ہندوستان کی ڈریگ فلک اسپیشلسٹ  سپریا  نے بھی اہم کردار ادا کیا۔

یہ بھی پڑھئے:میسی کا شاندار گول بھی انٹر میامی کو نیش وِل کے خلاف فتح نہ دلا سکا، مقابلہ برابری پرختم

پول مرحلے میں ہندوستان نے تین میچوں میں کامیابی حاصل کی جبکہ ایک مقابلہ ڈرا رہا۔ ٹیم نے مجموعی طور پر  ۱۰؍ پوائنٹس  حاصل کیے اور پورے ٹورنامنٹ میں ناقابل شکست رہتے ہوئے گول فرق کی بنیاد پر ایلیٹ پول میں سرفہرست مقام حاصل کیا۔ہاکی انڈیا نے اس شاندار کامیابی پر جونیئر خواتین ٹیم کے لیے نقد انعامات کا بھی اعلان کیا ہے۔ خطاب جیتنے والی ٹیم کی  ہر کھلاڑی کو ۳؍ لاکھ روپے جبکہ سپورٹ اسٹاف کے ہر رکن کو  ۵ء۱؍ لاکھ روپے دیے جائیں گے۔ چین کے خلاف فائنل میں ایک گول کی برتری کو آخری لمحے تک برقرار رکھنا ہندوستانی ٹیم کے عزم، دفاعی مضبوطی اور دباؤ میں بہترین کھیل کا ثبوت ہے۔ مسلسل تیسری بار ایشیا کپ جیتنے کے بعد ہندوستانی جونیئر خواتین ٹیم نے نہ صرف براعظمی سطح پر اپنی برتری ثابت کی ہے بلکہ  ایف آئی ایچ جونیئر ورلڈ کپ  کے لیے بھی اعتماد کے ساتھ قدم بڑھا دیا ہے۔