ہندوستانی ہاکی ٹیم نے پول بی کے مقابلے میں چلی کے خلاف ۰۔۷؍گول سے شاندار جیت کے ساتھ ایف آئی ایچ ہاکی مردوں کے جونیئر ورلڈ کپ تمل ناڈو ۲۰۲۵ء میں اپنی مہم کا آغاز کیا۔

ہندوستانی ہاکی ٹیم نے پول بی کے مقابلے میں چلی کے خلاف ۰۔۷؍گول سے شاندار جیت کے ساتھ ایف آئی ایچ  ہاکی مردوں کے جونیئر ورلڈ کپ تمل ناڈو ۲۰۲۵ء میں اپنی مہم کا آغاز کیا۔ 
ٹورنامنٹ کی افتتاحی تقریب جمعہ کو ایگمور، چنئی کے میئر رادھا کرشنن ہاکی اسٹیڈیم میں منعقد ہوئی۔ ٹورنامنٹ کے اپنے پہلے میچ میں روزن کجور (۱۶ویں، ۲۱؍ویں)، دلراج سنگھ (۲۵؍ویں، ۳۴؍ویں)، اجیت یادو (۳۵؍ویں)، انمول ایکا (۴۸؍ویں) اور روہت (۵۹؍ویں) نے گول کئے۔ دریں اثنا، ہندوستانی گول کیپر وکرم جیت سنگھ اور پرنس دیپ سنگھ نے کلین سلیٹ برقرار رکھنے کے لیے غیر معمولی کارکردگی کا مظاہرہ کیا۔ 

یہ بھی پڑھئے:خام تیل ۲؍ برسوں میں ماہانہ بنیاد پر اپنی سب سے کم قیمت کی سطح پر

پہلے کوارٹر کا آغاز اعصاب شکن انداز میں ہوا، مہمانوں نے کافی عزم دکھایا اور زیادہ تجربہ کار ہندوستانی ٹیم کے خلاف اپنی پوزیشن برقرار رکھی۔ انہوں نے ہندوستان کو آسان مواقع نہیں ملنے دیئے، حالانکہ ہوم ٹیم کے اسٹائلش اسٹرائیکر دلراج سنگھ نے سرکل میں کچھ اچھے مواقع پیدا کئے۔ اگرچہ پہلا کوارٹر غیر معمولی تھا، ۱۵؍ ویں منٹ میں پنالٹی کارنر ملنے کے باوجود ہندوستان نے دوسرے کوارٹر کا آغاز۱۶؍ ویں منٹ میں تیز گول کے ساتھ کیا۔ روشن کجور نے گول کر کے ہندوستان کو۰۔۱؍ گول کی برتری دلا دی۔ 

یہ بھی پڑھئے:روہت کو ورلڈکپ ۲۰۲۷ء میں کھیلنا ہے تو بی سی سی آئی کی شرطیں ماننی ہوں گی

روزن نے۲۱؍ویں منٹ میں ایک اور گول کر کے اپنی برتری کو تقریباً دُگنا کر دیا۔ اس کے بعد دلراج سنگھ نے ۲۵؍ویں منٹ میں گول کر کے ہندوستان کو تیسرے کوارٹر میں ۰۔۳؍گول  کی برتری دلائی۔ ہندوستان کا چوتھا گول۳۴؍ ویں منٹ میں ہوا جب انکت پال نے شاندار کھیلتے ہوئے چلی کے تین ڈیفنڈروں کو چھکاتے ہوئے دلراج کو سرکل میں پہنچایا۔ اگلے ہی منٹ میں اجیت یادو نے شاندار گول کر کے اسے  ۰۔۵؍گول  کر دیا۔  آخری کوارٹر میں انمول ایکا نے ۴۸؍ویں اور ۵۹؍ویں منٹ میں ہندوستان کا ساتواں گول کیا۔ کپتان روہت نے پنالٹی اسٹروک سے گول کیا، اس طرح ٹیم  نے ۰۔۷؍ سے بڑی جیت درج کی۔