ہندوستان کی جونیئر مردوں کی ہاکی ٹیم نے شاندار کھیل کا مظاہرہ کرتے ہوئے جونیئر ایشیا کپ ۲۰۲۶ء کا خطاب ریکارڈ چھٹی بار اپنے نام کرلیا۔ موکی ٹریننگ بیس پر اتوار کو کھیلے گئے فائنل میں ہندوستان نے جنوبی کوریا کو ۱۔۴؍گول سے شکست دے کر نہ صرف براعظمی چیمپئن شپ پر قبضہ برقرار رکھا بلکہ ایف آئی ایچ جونیئر ہاکی ورلڈ کپ کے لیے بھی کوالیفائی کرلیا۔

ہندوستان کی جونیئر مردوں کی ہاکی ٹیم نے شاندار کھیل کا مظاہرہ کرتے ہوئے جونیئر ایشیا کپ ۲۰۲۶ء کا خطاب ریکارڈ چھٹی بار اپنے نام کرلیا۔ موکی ٹریننگ بیس پر اتوار کو کھیلے گئے فائنل میں ہندوستان نے  جنوبی کوریا کو ۱۔۴؍گول سے شکست دے کر نہ صرف براعظمی چیمپئن شپ پر قبضہ برقرار رکھا بلکہ  ایف آئی ایچ جونیئر ہاکی ورلڈ کپ  کے لیے بھی کوالیفائی کرلیا۔ فائنل میں ہندوستانی ٹیم نے ابتدا ہی سے میچ پر اپنی گرفت مضبوط رکھی۔ ہندوستان کی جانب سے  اجیت یادو، انمول ایکا، پربھ دیپ سنگھ اور آشو موریہ  نے گول کیے، جبکہ جنوبی کوریا کی جانب سے واحد گول لی من ہیوک  نے کیا۔

𝗪𝗘 𝗗𝗜𝗗 𝗜𝗧! 🇮🇳🏆

The Indian Junior Men’s Team have conquered the continent once again, beating South Korea 4–1 in the AHF Junior Asia Cup 2026 final to successfully defend their crown! 🏑🥇

The title win also seals India’s spot at the FIH Junior World Cup! 🌏🏆… pic.twitter.com/SreJosuZin

— Hockey India (@TheHockeyIndia) September 13, 2026

ہندوستان نے میچ کا آغاز جارحانہ انداز میں کیا اور  نویں منٹ میں اجیت یادو  نے ٹیم کے لیے پہلا گول داغ کر برتری حاصل کی۔ صرف چار منٹ بعد ۱۳؍ویں منٹ میں انمول ایکا  نے دوسرا گول کرکے ہندوستان کی برتری ۰۔۲؍گول کردی۔ پہلے کوارٹر کے اختتام تک ہندوستان نے دو گول کی سبقت برقرار رکھی۔ دوسرے کوارٹر کے آغاز میں بھی ہندوستان نے دباؤ برقرار رکھا۔ ۲۱؍ویں منٹ میں پربھ دیپ سنگھ  نے ہندوستان کے لیے تیسرا گول کیا، جس کے بعد جنوبی کوریا کی مشکلات مزید بڑھ گئیں۔ ہندوستان نے ہاف ٹائم تک  ۰۔۳؍گول  کی مضبوط برتری حاصل کرلی۔

یہ بھی پڑھئے:وزیراعلیٰ وجے کی سلوراسٹون میں اداکار اورریسنگ ڈرائیور اجیت کمار سے ملاقات

۲۰۰۰ء کی چیمپئن جنوبی کوریا کو دوسرے ہاف میں واپسی کے لیے غیر معمولی کارکردگی دکھانے کی ضرورت تھی، لیکن ہندوستانی دفاع اور حملہ دونوں نے اسے ایسا موقع نہیں دیا۔ ۵۰؍ویں منٹ میں آشو موریہ  نے ہندوستان کے لیے چوتھا گول کرکے اسکور۰۔۴؍گول کردیا۔ جنوبی کوریا نے ۵۴؍ویں منٹ میں لی من ہیوک  کے ذریعے ایک گول ضرور کیا، لیکن یہ کوشش میچ کا رخ تبدیل کرنے کے لیے کافی ثابت نہ ہوئی۔ ہندوستانی ٹیم نے آخری سیٹی تک اپنی برتری برقرار رکھی اور فائنل ۱۔۴؍گول  سے جیت کر چھٹی مرتبہ جونیئر ایشیا کپ کی ٹرافی اپنے نام کرلی۔

یہ بھی پڑھئے:ڈسکارٹ اور موتی نے سنسنی خیز فتح کے ساتھ ٹرائیڈنٹس کے لیے پلے آف میں جگہ پکی کی

اس فتح کے ساتھ ہندوستان نے  مسلسل چوتھی مرتبہ جونیئر ہاکی ایشیا کپ  جیتنے کا اعزاز بھی حاصل کیا۔ ہندوستان اس سے قبل۲۰۱۵ء، ۲۰۲۳ء؍ اور۲۰۲۴ء میں یہ ٹائٹل جیت چکا ہے۔ تازہ کامیابی کے ساتھ ہندوستان نے مسلسل تین مرتبہ خطاب جیتنے کے حوالے سے پاکستان کے ریکارڈ کو بھی پیچھے چھوڑ دیا ہے۔ ہندوستان پہلے ہی جونیئر ایشیا کپ کی تاریخ کی سب سے کامیاب ٹیم ہے۔ پاکستان نے۱۹۸۸ء سے۱۹۹۶ء کے درمیان تین مرتبہ  یہ ٹائٹل جیتا، جبکہ جنوبی کوریا نے ۲۰۰۰ء اور ملائیشیا نے ۲۰۱۲ء میں ایک، ایک بار چیمپئن شپ حاصل کی تھی۔
ہندوستان کی اس شاندار کامیابی نے ایک بار پھر ایشیائی جونیئر ہاکی میں اس کی مضبوط پوزیشن ثابت کردی ہے۔ فائنل میں جنوبی کوریا کے خلاف ۱۔۴؍ کی یکطرفہ فتح اور مسلسل چوتھا ایشیا کپ ٹائٹل نوجوان ہندوستانی کھلاڑیوں کے لیے  ایف آئی ایچ جونیئر ہاکی ورلڈ کپ  سے قبل اعتماد میں بڑے اضافے کے طور پر دیکھی جا رہی ہے۔