ممبئی انڈینس کے باقاعدہ کپتان ہاردک پانڈیا پر پچھلے سال انڈین پریمیر لیگ (آئی پی ایل) ۲۰۲۴ء کے آخری میچ میں سست اوور ریٹ کی وجہ سے ایک میچ کیلئے پابندی عائد کی گئی تھی۔

ممبئی انڈینس کے باقاعدہ کپتان ہاردک پانڈیا پر پچھلے سال انڈین پریمیر لیگ (آئی پی ایل) ۲۰۲۴ء کے آخری میچ میں سست اوور ریٹ کی وجہ سے ایک میچ کیلئے پابندی عائد کی گئی تھی، جس کے باعث آئی پی ایل کے اس سیزن میں ٹیم کی قیادت سوریہ کمار یادو کریں گے۔ ہاردک نے کہاکہ ’’یہ میرے کنٹرول سے باہر کی بات ہے۔ پچھلے سال آخری میچ میں ہم نے آخری اوور میں ۱ء۵؍ یا۲؍ منٹ کی تاخیر کی تھی۔ یہ بدقسمتی ہے، لیکن یہی ضابطہ ہے۔ ہمیں ضابطے کے مطابق عمل کرناہوگا۔ سوریہ ہندوستان کے کپتان ہیں اور جب میں موجود نہیں ہوں تو وہ بہترین متبادل ہیں۔ ‘‘ یاد رہے کہ ہاردک۲۹؍ مارچ کو گجرات ٹائٹنس (جی ٹی) کے ساتھ احمد آباد میں ہونے والے دوسرے میچ کیلئے دستیاب ہوں گے۔ ممبئی گھریلو میدان پر ۳۱؍ مارچ کو کولکاتا نائٹ رائیڈرس (کے کے آر) کے ساتھ میچ کی میزبانی کرے گا۔ اس کے بعد ممبئی انڈینس۴؍اپریل کو لکھنؤ میں لکھنؤ سپر جائنٹس (ایل ایس جی) کے ساتھ اور۷؍ اپریل کو رائل چیلنجرز بنگلور (آر سی بی) کے خلاف اپنے گھریلو میدان پر کھیلے گی۔