احمد آباد میں ویسٹ انڈیز کے خلاف آل راؤنڈ کارکردگی کے لیے پلیئر آف دی میچ قرار دیئے گئے ہندوستان کے رویندر جڈیجا۴؍ہزار رن اور ۳۰۰؍ وکٹ کے ڈبل کے قریب پہنچ گئے ہیں۔

احمد آباد میں ویسٹ انڈیز کے خلاف آل راؤنڈ کارکردگی کے لیے پلیئر آف دی میچ قرار دیئے گئے ہندوستان کے رویندر جڈیجا۴؍ہزار رن اور ۳۰۰؍ وکٹ کے ڈبل کے قریب پہنچ گئے ہیں۔ 

𝙒𝙖𝙧𝙧𝙞𝙤𝙧`𝙨 𝙀𝙛𝙛𝙤𝙧𝙩 ⚔

1️⃣0️⃣4️⃣* runs with the bat 👏
4️⃣/5️⃣4️⃣ with the ball in the second innings 👌

Ravindra Jadeja is the Player of the Match for his superb show in the first #INDvWI Test 🥇

Scorecard ▶ https://t.co/MNXdZceTab#TeamIndia | @IDFCFIRSTBank pic.twitter.com/xImlHNlKJk

— BCCI (@BCCI) October 4, 2025

جڈیجا کو یہ سنگ میل حاصل کرنے اور اس کلب کے چوتھے رکن بننے کے لیے صرف۱۰؍  رن درکار ہیں۔ وہ دہلی میں دوسرے ٹیسٹ میں یہ کارنامہ انجام دے سکتے ہیں۔ فی الحال صرف کپل دیو ۵؍ہزار رن اور ۴؍سو وکٹ کے کلب میں ہیں۔ اب جڈیجا بھی اس سنگ میل تک پہنچ سکتے ہیں۔ 
پہلے ٹیسٹ کے بعد جب جڈیجا سے اس کامیابی کے بارے میں پوچھا گیا تو انہوں نے ہنستے ہوئے کہا کہ اب آپ مجھ پر دباؤ ڈال رہے ہیں، مجھے یہ سوچنا ہوگا کہ کس طرح مزیدایک ہزار رن بنائے اور۶۰ ؍ سے ۷۰؍ مزید وکٹ کیسے لی جائیں۔ ان کے پاس  ۳۹۹۰؍ رن اور۳۳۴؍  وکٹ ہیں۔ 

یہ بھی پڑھئے:ویمنز ورلڈ کپ میں بھی ہندوستان اور پاکستان کی کپتانوں کا ہاتھ ملانے سے گریز

انہوں نے مزید کہاکہ ابھی میں اپنے کرکٹ سے لطف اندوز ہو رہا ہوں۔ میں ریکارڈز یا سنگ میل کے بارے میں نہیں سوچ رہا ہوں۔ میں صرف اپنی فٹنیس پر کام کر رہا ہوں اور جب بھی گھر میں ہوں کرکٹ سے لطف اندوز ہو رہا ہوں۔ میں ہمیشہ اپنی فٹنیس پر کام کر رہا ہوں تاکہ میں وہی کر سکوں جو میں اتنے سالوں سے کر رہا ہوں۔
۳۶؍ سال کی عمر میں رویندر جڈیجا اب بھی میدان میں سرگرم ہیں۔ انہوں نے پہلے ٹیسٹ میں ناٹ آؤٹ ۱۰۴؍رن  بنائے اور دوسری اننگز میں ۴؍ وکٹ حاصل کئے ۔ احمد آباد میں اس سنچری نے۲۰۲۵ء میں جڈیجا کے لیے ایک شاندار سال کا آغاز کیا۔ اس سال اب تک وہ ۷؍ ٹیسٹ میچوں میں۳۷ء۸۲؍ کے اوسط سے۶۵۹؍ رن بنا چکے ہیں، جس میں دو سنچریاں اور ۵؍نصف سنچریاں شامل ہیں۔ ان میں سے ۵۱۶؍رن انگلینڈ میں آئے جن میں ان کی ۸؍ اننگز میں ۶؍بار ۵۰؍رنز بھی شامل ہیں۔