ہندوستان کی اسٹار بیڈمنٹن کھلاڑی پی وی سندھو جاپان کی نوزومی اوکوہارا کے کوارٹر فائنل سے دستبردار ہونے کے بعد جاپان اوپن ۲۰۲۶ء کے خواتین کے سنگلز کے سیمی فائنل میں پہنچ گئی ہیں، جہاں ان کا مقابلہ چین کی سابق اولمپک چمپئن اور موجودہ عالمی نمبر چار چن یوفے سے ہوگا۔

ہندوستان کی اسٹار بیڈمنٹن کھلاڑی پی وی سندھو جاپان کی نوزومی اوکوہارا کے کوارٹر فائنل سے دستبردار ہونے کے بعد جاپان اوپن ۲۰۲۶ء کے خواتین کے سنگلز کے سیمی فائنل میں پہنچ گئی ہیں، جہاں ان کا مقابلہ چین کی سابق اولمپک چمپئن اور موجودہ عالمی نمبر چار چن یوفے سے ہوگا۔ ٹوکیو میٹروپولیٹن جمنازیم میں کھیلا جانے والا کوارٹر فائنل اوکوہارا کے ہٹنے کے باعث بغیر کسی بیڈمنٹن کھیلے  منسوخ کر دیا گیا، جس کے نتیجے میں سندھو کو واک اوور مل گیا۔ اس سے قبل سندھو نے عالمی نمبر پانچ چینی کھلاڑی ہان یو کو شکست دے کر آخری آٹھ میں جگہ بنائی تھی۔دو مرتبہ کی اولمپک تمغہ یافتہ سندھو کے لیے چن یوفے ایک سخت حریف ثابت ہوں گی۔ دونوں کے درمیان اب تک ۱۴؍ مقابلے ہو چکے ہیں جن میں چن یوفے کو ۶۔۸؍ کی برتری حاصل ہے جبکہ سندھو اپنے آخری چار مقابلوں میں ان سے شکست کھا چکی ہیں۔ سندھو نے چن یوفے کے خلاف آخری کامیابی ۲۰۱۹ء بی ڈبلیو ایف ورلڈ چیمپئن شپ میں حاصل کی تھی۔

SUPER SINDHU IS IN THE SEMIS! 🏸

​Two-time Olympic medalist PV Sindhu storms into the final four of the Japan Open. The lone Indian warrior left standing is ready for a massive semifinal showdown! 🇮🇳🔥

​📺 Watch her play LIVE tomorrow! Let’s back our champion as she hunts… pic.twitter.com/30J78PHPPX

— BAI Media (@BAI_Media) July 17, 2026

یہ بھی پڑھئے:ورلڈ کپ فائنل سے قبل نیویارک اور نیو جرسی میں فضائی آلودگی نے خدشات بڑھا دیے

چن یوفے اس سیزن میں شاندار فارم میں ہیں اور بی ڈبلیو ایف ورلڈ ٹور ۲۰۲۶ء کے تمام نو ٹورنامنٹس میں کم از کم سیمی فائنل تک رسائی کر چکی ہیں۔ انہوں نے جنوری میں انڈونیشیا ماسٹرز کا خطاب بھی جیتا تھا۔یہ رواں سال بی ڈبلیو ایف ورلڈ ٹور میں سندھو کا تیسرا سیمی فائنل ہوگا۔ اس سے قبل وہ ملائیشیا اوپن اور آسٹریلیا اوپن کے سیمی فائنل تک پہنچی تھیں، تاہم ابھی تک کسی فائنل میں جگہ نہیں بنا سکی ہیں۔ انہوں نے آخری مرتبہ ۲۰۲۴ء سید مودی انٹرنیشنل کا خطاب جیتا تھا۔

یہ بھی پڑھئے:فلم ’’بجرنگی بھائی جان‘‘ کو ۱۱؍سال مکمل، سلمان خان فلمز نے جشن منایاس

سندھو اس وقت جاپان اوپن میں باقی رہ جانے والی واحد ہندوستانی کھلاڑی ہیں۔ لکشیا سین اور آیوش شیٹی ابتدائی مرحلے میں باہر ہو گئے، جبکہ ساتوک سائی راج رنکی ریڈی اور چراغ شیٹی پہلے ہی میچ کے دوران انجری کے باعث دستبردار ہو گئے۔