انگلینڈ کی کرکٹ ٹیم کے سابق کپتان جو روٹ ٹیسٹ کرکٹ میں سب سے زیادہ رن بنانے کے معاملے میں۱۲؍ویں نمبر پر پہنچ گئے ہیں

 انگلینڈ کے بلے باز جو روٹ نے نیوزی لینڈ کے خلاف ٹرینٹ برج میں کھیلے جانے والے دوسرے ٹیسٹ کے چوتھے روز نیا ریکارڈ اپنے نام کر لیا۔ روٹ نے ٹیسٹ کرکٹ میں  ۱۰۱۹۱؍ رن بنائے ہیں اور انہوں نے سابق ہندوستانی بلے باز سنیل گاوسکر کے۱۰۱۲۲؍ رن کے ریکارڈ کو پیچھے چھوڑ دیا ہے۔ روٹ نے یہ کارنامہ نیوزی لینڈ کے خلاف ٹرینٹ برج میں جاری دوسرے ٹیسٹ کے چوتھے دن پیر کو انجام دیا جہاں انہوں نے انگلینڈ کی پہلی اننگز میں۱۷۶؍ رن بنائے۔اس ریکارڈ کے ساتھ انگلینڈ کے بلے باز گاوسکر اور پاکستان کے یونس خان کو پیچھے چھوڑ کر ٹیسٹ کرکٹ میں سب سے زیادہ رن بنانے کے معاملے میں۱۲؍ویں نمبر پر پہنچ گئے ہیں۔ ہندوستانی کرکٹ لیجنڈ سچن تینڈولکر اس فہرست میں پہلے نمبر پر ہیں جن کے ٹیسٹ کرکٹ میں کل۱۵۹۲۱؍ رن ہیں۔ دوسرے ٹیسٹ میں نیوزی لینڈ نے پہلے بیٹنگ کا فیصلہ کرتے ہوئے پہلی اننگز میں ۴۴۴؍رن  بنائے۔ ڈیرل مشیل اور ٹام بلنڈل نے بالترتیب ۱۹۰؍ اور۱۰۶؍ رن بنائے۔ انگلینڈ کی جانب سے جیمس اینڈرسن نے ۳؍ جبکہ اسٹورٹ براڈ، بین اسٹوکس اور جیک لیچ نے ۲۔۲؍ وکٹ لئے۔ اس کے بعد انگلینڈ کی ٹیم۵۳۹؍ رن پر ڈھیر ہوگئی جس میں ٹرینٹ بولٹ نے ۵؍وکٹ لئے۔