انڈیا اےنے پہلی اننگز میں ۵۵۷؍ رن بنائے۔ کرون نائر نے ۲۰۴؍ رن بنائے ۔جوریل نے ۹۴؍ رن کا تعاون کیا

کرون نائر(۲۰۴؍ رن) کی ڈبل سنچری کی بدولت ہندوستان اے نے انگلینڈ لائنز کے خلاف ۴؍ روزہ غیر سرکاری  ٹیسٹ کے دوسرے دن سنیچر کو۵۵۷؍ رن بنائے جس کے جواب میں انگلینڈ نے چائے کے وقت ایک وکٹ پر ۷۵؍رن بنائے۔
نائر نے۲۸۱؍ گیندوں کا سامنا کیا اور۲۶؍ چوکوں اور ایک چھکے کی مدد سے۲۰۴؍ رن بنائے۔ انڈیا اے نے  ۴۰۹؍ رن پر دوبارہ آغاز کیا۔ نائر نے ۱۸۶؍ پر دوبارہ آغاز کیا اور تیز گیندباز ایڈی جیک کے اوور پر باؤنڈری کے ذریعے۲۷۲؍ گیندوں پر ۲۰۰؍رن  تک پہنچ گئے۔
نائر نے دھرو جوریل (۹۴؍رن) کے ساتھ چوتھے  وکٹ کیلئے ۱۹۵؍ رن جوڑے۔ اس سے قبل انہوں نے سرفراز خان (۹۲؍رن) کے ساتھ۱۳۱؍ رن کی شراکت کی تھی۔ نائر اپنی ڈبل سنچری مکمل کرنے کے بعد زیادہ دیر تک نہیں کھیل سکے اور  تیز گیندباز زمان اختر کی ان سوئنگ گیند کو دور کرنے کی کوشش میں جیمس ریو کے ہاتھوں کیچ ہو گئے۔ شاردُل ٹھاکر نے۲۷؍رن  اور ہرش دوبے نے ۳۲؍  رن بنائے۔
کھیل کے دوسرے سیشن میں ہندوستان اے کی اننگز۱۲۵ء۱؍  اوور میں۵۵۷؍ رن پر سمٹ گئی۔ جواب میں انگلینڈ لائنس نے بین میک کینی(۱۶؍ رن) کو جلد ہی گنوا دیا لیکن ٹام ہینس اور ایمیلیو گی نے نہ صرف اننگز کو بچایا بلکہ اسکور کو بڑے ٹوٹل تک لے جانے کا عزم بھی ظاہر کیا۔