سعودی پرو لیگ کے ایک اہم مقابلے میں الاتحاد نے دمک کے خلاف ۱۔۲؍گول سے ڈرامائی انداز میں کامیابی حاصل کر کے ۲۷۔۲۰۲۶ء کے سیزن کے لیے کانٹیننٹل فٹ بال میں جگہ بنانے کی اپنی امیدیں زندہ رکھی ہیں۔

سعودی پرو لیگ کے ایک اہم مقابلے میں الاتحاد نے دمک کے خلاف ۱۔۲؍گول  سے ڈرامائی انداز میں کامیابی حاصل کر کے ۲۷۔۲۰۲۶ء کے سیزن کے لیے کانٹیننٹل فٹ بال میں جگہ بنانے کی اپنی امیدیں زندہ رکھی ہیں۔پرنس عبداللہ الفیصل اسپورٹس سٹی اسٹیڈیم میں کھیلے جانےوالے اس میچ میں حسام عوار اور عبدالعزیز البیشی کے گولز نے ٹائیگرز کو اہم تین پوائنٹس دلائے، جس کے بعد وہ پانچویں نمبر پر موجود التعاون کے برابر (۵۲؍ پوائنٹس) پہنچ گئے ہیں۔

🏆| #RSL
⚽️| #Alittihad_Damac
🏁| Round 32
• Congratulations to our fans 👏 pic.twitter.com/YiP1yUTFGT

— Al-Ittihad Club (@ittihad_en) May 10, 2026

میچ کا آغاز الاتحاد کے حق میں ہوا جب ۲۴؍ویں منٹ میں موسیٰ دیابی کے بہترین پاس پر حسام عوار نے گیند کو جال کی راہ دکھا کر اپنی ٹیم کو۰۔۱؍گول  کی برتری دلا دی۔ پہلا ہاف الاتحاد کے غلبے میں رہا، لیکن دوسرے ہاف میں دمک نے جارحانہ انداز اپنایا۔  متبادل کھلاڑی یاکو میتے کی آمد نے الاتحاد کے دفاع کے لیے خطرے کی گھنٹی بجا دی۔ ۷۳؍ویں منٹ میں عبدالرحمن العبید کے کراس پر یاکو میتے نے شاندار ہیڈر کے ذریعے گول کر کے مقابلہ ۱۔۱؍سے برابر کر دیا۔

یہ بھی پڑھئے:وجے کی ’’جنا نا ئیگن‘‘ جلد ہی ریلیز ہوگی: پروڈیوسر کی تصدیق

جب ایسا لگ رہا تھا کہ میچ برابری پر ختم ہوگا اور دمک ایک قیمتی پوائنٹ حاصل کرنے میں کامیاب ہو جائے گی، تو اسٹاپج ٹائم کے آخری لمحات میں حسام عوار نے گیند چھین کر باکس میں بھیجی، جہاں متبادل کھلاڑی عبدالعزیز البیشی نے پھرتی کا مظاہرہ کرتے ہوئے گول کر کے اسٹیڈیم میں موجود شائقین کو خوشی سے نہال کر دیا۔

یہ بھی پڑھئے:مودی کی اپیل کے بعد حکومت کی وضاحت، ایندھن اور توانائی کا وافر ذخیرہ ہے

اس شکست نے دمک کے لیے مشکلات بڑھا دی ہیں کیونکہ وہ اب بھی ریلگیشن زون کے قریب ہیں۔ دوسری جانب، الریاض نے الفتح کے خلاف ۰۔۱؍گول  سے کامیابی حاصل کر کے اپنے پوائنٹس دمک کے برابر (۲۶؍  پوائنٹس) کر لیے ہیں، حالانکہ گول ڈفرنس کی بنیاد پر وہ اب بھی دمک سے پیچھے ہیں۔