لیام لیونگ اسٹون اور جیکب بیتھل نے۴۷؍ گیندوں پر۹۰؍ رن کی شراکت کرکے انگلینڈ کو دوسرے ٹی ۲۰؍ انٹرنیشنل میں آسٹریلیا کو ۳؍ وکٹ سے شکست دے دی۔

لیام لیونگ اسٹون اور جیکب بیتھل نے۴۷؍ گیندوں پر۹۰؍ رن کی شراکت کرکے انگلینڈ کو دوسرے ٹی ۲۰؍ انٹرنیشنل میں آسٹریلیا کو ۳؍ وکٹ سے شکست دے دی۔ اس طرح انگلینڈ نے ۳؍ میچوں کی سیریز۱۔ ۱؍ سے برابر کر دی۔ تیسرا اور فیصلہ کن میچ اتوار کو اولڈ ٹریفورڈ میں کھیلا جائے گا۔ آسٹریلیا نے پہلے بیٹنگ کرتے ہوئے۶؍ وکٹوں پر۱۹۳؍ رن بنائے۔ مشکل ہدف کے تعاقب میں اترنے والے انگلینڈ کا آغاز اچھا نہیں تھا اور ایک موقع پر اس کا سکور ۳؍ وکٹ پر۷۹؍ رن تھا۔ لیونگ اسٹون اور بیتھل نے یہاں سے چارج سنبھالا۔ بیتھل کے ۲۴؍ گیندوں پر ۴۴؍ رن بنانے کے بعد آؤٹ ہونے کے بعد انگلینڈ کی پوزیشن ایک بار پھر نازک ہوگئی تاہم لیونگ اسٹون نے ۴۷؍ گیندوں پر ۵؍ چھکوں اور ۶؍ چوکوں کی مدد سے۸۷؍ رن کی شاندار اننگز کھیل کر انہیں فتح کی دہلیز پر پہنچا دیا۔ جب اسکور برابر ہوا تو لیونگ اسٹون آؤٹ ہو چکے تھے۔ ایسے میں عادل رشید نے فاتحانہ رن بنایا اور انگلینڈ کے اسکور کو۱۹؍ اوورس میں ۷؍ وکٹ پر۱۹۴؍ رن تک پہنچا دیا۔ انگلینڈ کی جانب سے اوپننگ بلے باز فل سالٹ نے بھی۳۹؍ رن بنائے۔