دوسرے ہاف میں لیونل میسی کے فری کک کی بدولت عالمی چمپئن ارجنٹائنا نے جنوبی امریکن ورلڈ کپ کوالیفائنگ کے اپنے پہلے میچ میں ایکواڈور کو۰۔۱؍گول سے شکست دی۔

 دوسرے ہاف میں لیونل میسی کے فری کک کی بدولت عالمی چمپئن ارجنٹائنا نے جنوبی امریکن ورلڈ کپ کوالیفائنگ کے اپنے پہلے میچ میں ایکواڈور کو۰۔۱؍گول سے شکست دی۔ ۳۶؍ سالہ ارجنٹائنا کے کپتان نے۷۸؍ویں منٹ میں۸۳؍ہزار تماشائیوں کے سامنے اہم گول کر کے اپنی ٹیم کو جیت کے ساتھ مہم کا آغاز کرنے میں مدد دی۔ یہ میسی کا۱۷۶؍ بین الاقوامی میچوں میں۱۰۴؍ واں گول ہے۔ ورلڈ کپ کوالیفائنگ میچوں میں یہ ان کا۲۹؍ واں گول تھا، جس نے یوروگوئے کے لوئس سواریز کے ریکارڈ کی برابری کی۔ جنوبی امریکہ کے دیگر کوالیفائنگ میچوں میں، کولمبیا نے رافیل سانتوس بورے کے۴۶؍ویں منٹ کے ہیڈر کی بدولت وینزویلا کو۰۔۱؍گول سے شکست دی۔