Inquilab Logo

لیونل میسی فیفا ورلڈکپ۲۰۲۲ء کے بہترین کھلاڑی قرار دیئے گئے

Updated: December 20, 2022, 2:08 PM IST | Doha

مارٹینیزکو بہترین گول کیپر قرار دیا گیا۔ اینزو فرنانڈیز نوجوان کھلاڑی رہے جبکہ کائلیان ایمباپے نے گولڈن بوٹ جیتا

Argentina`s goalkeeper Martinez who stopped the penalty
ارجنٹائنا کے گول کیپر مارٹینیزجنہو ںنے پنالٹی روکی

قطر میں کھیلے جانے والے فیفا ورلڈکپ۲۰۲۲ء کے بہترین فٹبالر کا ایوارڈ لیونل میسی نے اپنے نام کرلیا۔فیفا ورلڈکپ کے فائنل کے بعد تقریب تقسیم انعامات میں لیونل میسی کو پلیئر آف دی ٹورنامنٹ کا ایوارڈ دیاگیا جبکہ  ارجنٹائنا کے گول کیپر مارٹینیزکو ایونٹ کا بہترین گول کیپر قرار دیا گیا۔ارجنٹائنا  کے اینزو فرنانڈیز نوجوان کھلاڑی برائے ٹورنامنٹ رہے جبکہ فائنل میں ہیٹ ٹرک کرنے والے دنیائے فٹبال کے دوسرے کھلاڑی فرانس کے کائلیان ایمباپے گولڈن بوٹ کا ایوارڈ لے اڑے۔واضح رہے کہ فیفا ورلڈکپ۲۰۲۲ء کے فائنل کا فیصلہ پنالٹی شوٹ پر ہوا، جس میں ارجنٹائنا نے۲؍کے مقابلے میں ۴؍ گول سے فتح اپنے نام کی۔
 ارجنٹائنا کے فٹبالر لیونل میسی کا خواب تھا کہ وہ اپنی ٹیم کو فاتح بنائیں اور ارجنٹائنا نے فرانس کو شکست دے کر تیسری بار عالمی چمپئن بننے کا اعزاز اپنے نام کیا اور لیونل میسی کا خواب شرمندہ تعبیر ہو گیا۔ارجنٹائنا کی جیت پر قطر کے دارالحکومت دوحہ کے لوسیل اسٹیڈیم میں شاندار آتش بازی کا مظاہرہ کیا گیا جبکہ فرانس کے کھلاڑی اور تماشائی شکست پر جذباتی بھی نظر آئے جن کو حوصلہ دینے کیلئے  فرانسیسی صدر میکرون میدان میں آئے اور کھلاڑیوں کو گلے لگایا۔ میسی کو ٹرافی سے قبل عرب روایت کا بشت پہنایا گیا جس کے بعد انہیں ٹرافی دی گئی جبکہ اسٹار فٹبالر میچ کے بعد اسٹیڈیم میں اپنی والدہ سے گلے مل کر جذباتی بھی ہوئی۔

متعلقہ خبریں

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK