۲۰۰۲ء کی مشہور ہارر فلم ’’راز‘‘ سے شہرت حاصل کرنے والی اداکارہ مالینی شرما نے فلمی دنیا سے دور ایک بالکل مختلف زندگی اختیار کرلی ہے۔ کبھی میوزک ویڈیوز، ٹیلی ویژن اور بالی ووڈ میں نظر آنے والی مالینی اب مہاراشٹر کےسہیادری پہاڑی علاقے میں فارم اسٹے چلاتی ہیں۔

۲۰۰۲ء کی مشہور ہارر فلم ’’راز‘‘ سے شہرت حاصل کرنے والی اداکارہ  مالینی شرما  نے فلمی دنیا سے دور ایک بالکل مختلف زندگی اختیار کرلی ہے۔ کبھی میوزک ویڈیوز، ٹیلی ویژن اور بالی ووڈ میں نظر آنے والی مالینی اب مہاراشٹر کےسہیادری پہاڑی علاقے میں فارم اسٹے چلاتی ہیں، جہاں وہ سبزیاں اگانے، کھانا تیار کرنے اور مہمانوں کی میزبانی میں مصروف ہیں۔  
مالینی شرما نے اپنے کریئر کا آغاز ماڈلنگ اور میوزک ویڈیوز سے کیا۔ وہ بامبے وائی کنگز کے مقبول گانے ’’کیا صورت ہے‘‘ میں نظر آئیں جبکہ بعد میں  میکا سنگھ  کے گانے ’’ساون میں لگ گئی آگ‘‘  میں بھی کام کیا۔ انہوں نے ٹیلی ویژن شوکیٹس  میں بھی اداکاری کی، جس کے بعد انہیں فلموں میں کام کرنے کے مواقع ملے۔ ۲۰۰۲ء میں وہ  وِکرم بھٹ  کی فلم ’’راز‘‘ میں  بپاشا باسو  اور  ڈینو موریا  کے ساتھ نظر آئیں۔ فلم کے مقبول گانے’’آپ کے پیار میں‘‘  میں ان کی موجودگی نے انہیں ناظرین کے درمیان خاصا مقبول بنا دیا۔ 
’’راز‘‘ کے بعد مالینی نے بالی ووڈ میں طویل کریئر جاری نہیں رکھا۔ رپورٹس کے مطابق انہوں نے فلمی دنیا سے کسی بڑے اعلان کے ذریعے کنارہ کشی اختیار نہیں کی بلکہ آہستہ آہستہ اسکرین سے دور ہوتی چلی گئیں۔ اسی دوران ان کی شادی اداکار پریانشو چٹرجی  سے ہوئی، جو فلم ’’تم بن‘‘ سے مشہور ہوئے تھے۔ بعد میں دونوں کی شادی ختم ہوگئی۔ مالینی نے بعد کے برسوں میں اپنی زندگی کو فلمی چمک دمک سے دور رکھنے کا فیصلہ کیا۔ 

 

 

 

 

 

View this post on Instagram

 

 

 

 

 

 

 

 

 

 

 

A post shared by The Slow Local (@theslowlocal)

فلموں سے دوری کے بعد مالینی نے’’دی سلو لوکل ‘‘  نام سے ایک منصوبہ شروع کیا، جس کا تعلق مقامی کھانے، دستکاری اور ورکشاپس سے تھا۔ ابتدا میں یہ سرگرمیاں ممبئی کے ورسوا  علاقے میں پاپ اَپس اور مختلف پروگراموں کی شکل میں شروع ہوئیں۔ بعد میں یہی سفر انہیں شہر سے دور فطرت کے قریب لے گیا۔ آج وہسہیادی  پہاڑیوں میں ایک فارم اسٹے چلا رہی ہیں، جو  پونے سے تقریباً دو گھنٹے کی دوری  پر واقع ہے۔  
مالینی کی موجودہ زندگی کا بڑا حصہ کھیتی باڑی اور مہمان نوازی کے گرد گھومتا ہے۔ وہ اپنے فارم پر مختلف سبزیاں اگاتی ہیں اور انہی تازہ پیداوار سے فارم اسٹے پر آنے والے مہمانوں کے لیے کھانا تیار کرتی ہیں۔ انہوں نے اپنے ایک ویڈیو میں بتایا کہ فارم پر مہمانوں کے لیے مسلسل کافی مقدار میں سبزیاں اگانا ان کے لیے ایک بڑا چیلنج ہے۔  فلمی دنیا سے تقریباً ۲۳؍ سال دور رہنے کے بعد  مالینی نے حال ہی میں ’’دی سلو لوکل ڈائریز‘‘  کے ذریعے دوبارہ کیمرے کا سامنا کیا ہے۔

یہ بھی پڑھئے:۷ء۸؍کروڑ نوجوانوں کے آگے سوالیہ نشان

 اپنی واپسی کے بارے میں انہوں نے واضح کیا کہ اس مرتبہ وہ کسی فلمی کردار میں نہیں بلکہ اپنی حقیقی زندگی دکھا رہی ہیں۔ انہوں نے اپنے پہلے ویڈیو میں بتایا کہ وہ طویل عرصے بعد کیمرے کے سامنے آئی ہیں اور اب اپنی زندگی، فارم اور تجربات کو لوگوں کے ساتھ شیئر کرنا چاہتی ہیں۔  مالینی شرما کی زندگی کا موجودہ مرحلہ ان کے ابتدائی فلمی دنوں سے بالکل مختلف ہے۔ کبھی میوزک ویڈیوز اور فلمی گانوں کے ذریعے شہرت حاصل کرنے والی اداکارہ اب کھیتی باڑی، مقامی کھانے، فطرت اور فارم اسٹے کی مہمان نوازی میں وقت گزار رہی ہیں۔