پریمیر لیگ کی ٹاپ پوزیشن ٹیم کا آج ناٹنگھم سے مقابلہ۔ سٹی کی ٹیم لیگ میں اب تک ناقابل شکست رہی ہے۔ ارلنگ ہالینڈ سے گول کی امید

مانچسٹر سٹی فٹبال کلب کی ٹیم انگلش پریمیر لیگ (ای پی ایل  )میں سنیچر کو اتحاد اسٹیڈیم میں ناٹنگھم فاریسٹ فٹبال کلب سے کھیلنے کیلئے تیار ہے۔دفاعی چمپئن مانچسٹر سٹی کا ہدف کامیابی حاصل کرتے ہوئے لیگ میں اپنی ٹاپ پوزیشن برقرار رکھنا ہوگا۔ اس پریمیر لیگ کے ٹیبل پر سٹی کی ٹیم ٹاپ پوزیشن پر ہے اور اس کے ۵؍ میچوں میں ۱۵؍ پوائنٹس ہیں۔ یہ ٹیم اس وقت ناقابل شکست ہے۔مانچسٹر سٹی چمپئن لیگ کے گروپ مرحلے میں کروینا زویزڈا کے خلاف۱۔۳؍گول  سے جیت کے بعد اس میچ کو کھیلنے والی ہے۔ ارجنٹائنا کے اسٹرائیکر جولین الواریز کے ۲؍ اور ہسپانوی مڈفیلڈر روڈری کے ایک گول نے مانچسٹر سٹی کی جیت کو یقینی بنایا۔ گھانا کے ونگر عثمان بخاری نے کروینا زویزڈا کے لئے گول کیا۔
دوسری طرف، ناٹنگھم فاریسٹ نے اپنے حالیہ لیگ کھیل میں برنلے فٹبال کلب کے خلاف ۱۔۱؍گول  سے ڈرا کر دیا۔ سوئس فارورڈ زیکی امڈونی کا برنلے فٹبال کلب کیلئے پہلے ہاف کا گول دوسرے ہاف میں ناٹنگھم فاریسٹ کے ونگر ہڈسن اوڈوئی کے گول سے منسوخ ہوگیا۔مانچسٹر سٹی ہمیشہ کی طرح لیگ جیتنے کیلئے  فیورٹ ہے اور ہمیشہ کی طرح لیگ ٹیبل میں سرفہرست ہے۔ مطابقت ایک ایسا لفظ نہیں ہے جو پیپ گارڈیالا  کی لغت میں موجود ہو اور مانچسٹر سٹی کی مسلسل چمک اب تقریباًمستحکم ہوچکی ہے۔ کلب نے سینٹر بیک جوسکو گیوارڈیول، مڈفیلڈر میتھیس نونس اور میٹیو کوواکک اور ونگر جیریمی ڈوکو کو فاتح اسکواڈ میں شامل کرنے کا فیصلہ کیا۔ پیپ گارڈیالا نے اپنی ٹیم بہتر انداز میں ترتیب دیا ہے او ر وہ اس میں ماہر قرار دیئے جاتے ہیں۔ دوسری جانب ناٹنگھم فاریسٹ لیگ میں ۸؍ویں نمبر پرہے۔ اسٹیو کوپر نے کلب کے ساتھ اچھی کارکردگی کا مظاہرہ کیا ہے اور وہ اب تک لیگ میں اپنے پہلے ۵؍ میں سے دو جیت چکے ہیں۔ انہوں نے اس موسم گرما میں اتنے کھلاڑیوں سے معاہدہ نہیں کیا جتنے انہوں نے پچھلی بار کیا تھا، لیکن پھر بھی وہ بہت متحرک ہیں۔ان کا سب سے مہنگا کھلاڑی آئیورین مڈفیلڈر ابراہیم سنگرے تھے۔ ۲۵؍ سالہ نوجوان کچھ عرصے سے رڈار پر تھا اور ناٹنگھم فاریسٹ نے اسے۳۵؍ ملین یورو  میں اپنی ٹیم میں شامل کیاہے۔ سنیچر کی شام ہونے والے میچ میں مانچسٹر سٹی کی ٹیم اچھی شروعات کرتے ہوئے کامیابی کے ساتھ میچ کا اختتام کرنا چاہے گی۔ اس ٹیم کے پاس ارلنگ ہالینڈ جیسا بہتر ین کھلاڑی ہے جو ہر میچ میں گول کرنے کی طاقت رکھتاہے۔ ارلنگ ہالینڈ اس میچ کیلئے بھی تیار ہوں گے۔