پہلی اور دوسری پوزیشن پر ریڈ بُل کے ڈرائیورس کا قبضہ۔ ۳۷؍ویں مرتبہ ڈچ ڈرائیور نے پول پوزیشن حاصل کرنے میں کامیابی حاصل کی۔

 ریڈ بُل ٹیم کے میکس ورسٹاپین نے سیزن کا پہلا فارمولا وَن اسپرنٹ جیتنے کے چند گھنٹے بعد ہی چائنیز گراں پری میں سنیچر کو پول پوزیشن حاصل کرلی۔ ان کی ٹیم کے ساتھی سرجیو پیریز اتوار کو ورسٹاپین کیساتھ مین ریس میں پہلی قطار میں ایسٹن مارٹن کے فرنانڈو الونسو اور دوسری قطار میں میکلارن کے لینڈو نورس کے ساتھ ریس شروع کریں گے۔ 
۳؍ بار کے دفاعی چمپئن کوالیفائنگ میں ناقابل تسخیر رہے۔ وہ تیز ترین کار میں بہترین ڈرائیور ہیں۔ ڈچ ڈرائیور نے گزشتہ ۲۶؍ میں سے ۲۲؍گراں پری ( جی پی) اور اس سیزن میں پہلی ۴؍ میں سے ۳؍ جیتی ہیں۔ آسٹریلیا میں صرف بریک کی ناکامی نے انہیں چاروں ریس میں کلین سویپ کرنے سے روک دیا۔ اس سیزن میں انہوں نے ہر پول پوزیشن جیت لی ہے اور اتوار کو اس جگہ سے ریس کا آغاز ان کے کریئر کا ۳۷؍ واں موقع ہوگا۔ یہ ریڈ بل کا بطور ٹیم۱۰۰؍ واں پول ہے جب وہ اپنی ۵۸؍ ویں فتح کا تعاقب کر رہی ہے۔ کوالیفائنگ ریس اتوار کیلئے متوقع موسم کیساتھ خشک حالات میں شروع ہوگی۔ 
 ۸۵؍پوائنٹس کے ساتھ میکس ورسٹاپین فارمولا وَن کے اس سیزن کی اسٹینڈنگ میں سرفہرست ہیں، ٹیم کے ساتھی پیریز ان سے ۱۵؍ اور فیراری ٹیم کے چارلس لیکرک ۲۱؍ پوائنٹس پیچھے ہیں۔ مرسڈیز کے ۷؍ بار کے چمپئن لیوس ہملٹن، جنہوں نے ورسٹاپین سے پہلے ریس پر غلبہ حاصل کیا، ۴۹؍ ریس میں کامیابی حاصل نہیں کر سکے ہیں۔ آخری بار انہوں نے ۲۰۲۱ء میں ریس جیتی تھی۔ وہ اسپرنٹ میں دوسرے نمبر پر آنے کے بعد اتوار کو گرڈ پر ۱۸؍ ویں سے آغاز کریں گے۔ مرکزی شنگھائی کے شمال مغرب میں تقریباً ۴۰؍ کلومیٹر (۲۵؍ میل) کے فاصلے پر واقع یہ ٹریک ٹیموں کیلئے ایک معمہ ہے۔ یہ چین میں ۵؍برسوں میں پہلی فارمولاوَن ریس ہے، جسے کووڈ ۱۹؍ وبائی مرض نے کیلنڈر سے ہٹا دیا تھا۔ یہ سب سے بڑی نامعلوم ریسنگ سطح ہے، جس پر ایک پتلی ’سیل کوٹنگ‘ لگائی گئی ہے جسے مائع اسفالٹ کہا گیا ہے۔ ٹائر فراہم کرنے والی کمپنی پیریلی نے کہا کہ وہ ان تبدیلیوں سے پوری طرح آگاہ نہیں تھی اور نہ ہی باخبر تھی۔