اسٹار فٹبال کھلاڑی لیونل میسی کو ایکواڈور اور بولیویا کے خلاف ہونے والے عالمی کپ ۲۰۲۲ء کوالیفائنگ کے مقابلوں کیلئے ارجنٹائنا کی ۲۳؍ رکنی ٹیم میں شامل کیا گیا ہے۔

 اسٹار فٹبال کھلاڑی لیونل میسی کو ایکواڈور اور بولیویا کے خلاف ہونے والے  عالمی کپ ۲۰۲۲ء کوالیفائنگ کے مقابلوں کیلئے ارجنٹائنا کی ۲۳؍  رکنی  ٹیم میں شامل کیا گیا ہے۔ ارجنٹائنا کیلئے حملہ کی کمان سنبھالنے والے بارسلونا کے ۳۲؍ سالہ لیونل میسی کا ساتھ مانچسٹر سٹی کے سرجیو اگیورو، یووینٹس کے فارورڈ پاؤلو ڈیبالا اور انٹر میلان کے لٹارو مارٹنیز دیں گے۔جنوبی امریکی کوالیفائنگ ٹورنامنٹ میں ارجنٹائنا اور ایکواڈور کے درمیان پہلا مقابلہ بیونس آئرس میں ۲۶؍مارچ کو کھیلا جائے گا۔ وہیں اس کے ۵؍ دن بعد لا پاز میں ارجنٹائنا کا مقابلہ بولیویا سے ہوگا تاہم میسی پابندیوں کی وجہ سے اپنا پہلا میچ نہیں کھیل سکیں گے۔ خیال رہے کہ لیونل میسی  اپنے فٹبال کلب بارسلونا کی جانب سے بہت اچھا مظاہرہ کررہے ہیں اور وہ مسلسل گول کررہے ہیں اور ان کی یہی کارکردگی کو دیکھتے ہوئے انہیں ٹیم میں شامل کیا گیا ہے۔