گجرات ٹائٹنس نے اپنے گیند بازوں کی شاندار کارکردگی کے بعد بارش سے متاثرہ مقابلے میں منگل کو انڈین پریمیر لیگ کے۵۶؍ویں میچ میں ممبئی انڈینس کو ۳؍وکٹ سے شکست دی۔

 گجرات ٹائٹنس نے اپنے گیند بازوں کی شاندار کارکردگی کے بعد بارش سے متاثرہ مقابلے میں منگل کو انڈین پریمیر لیگ کے۵۶؍ویں میچ میں ممبئی انڈینس کو ۳؍وکٹ سے شکست دی۔  وانکھیڈے اسٹیڈیم میں بارش کی وجہ سے کھیل دو بار روکا گیا، اس لیے گجرات کو نظرثانی شدہ ہدف  ملا تھا جسے گجرات نے آسانی سے پار کرلیا۔ 
گجرات، جو۱۵۶؍ رن کے ہدف کا تعاقب کر رہی تھی، نے دوسرے اوور میں وکٹ گنوا دیا۔ ٹرینٹ بولٹ نے سائی سدرشن (۵؍رن) کو وکٹ کیپر ریان رکیلٹن کے ہاتھوں کیچ کروایا۔۱۵۶؍ رن کے تعاقب میں گجرات نے سست شروعات کی۔ ٹیم نے ۶؍ اوورس میں ایک وکٹ کے نقصان پر صرف۲۹؍ رن بنائے۔ جوس بٹلر اور شبھمن گل کریز پر موجود ہیں۔ سائی سدرشن ۵؍ رن بنا کر آؤٹ ہوئے۔
 ۸؍ویں اوور میں شبھمن گل اور جوس بٹلر نے ۵۰؍ رن  کی شراکت مکمل کر لی۔ ٹیم نے ۶؍ رن کے اسکور پر سائی سدرشن کی وکٹ گنوائی تھی۔ اشونی کمار کو کوربن بوش کے کنکشن ریپلیسمنٹ کے طورپر شامل کیا گیا تھا۔ بوش کو اننگز کے آخری اوور میں پرسدھ کرشنا کی باؤنسر لگی تھی۔ ۱۲؍ویں اوور میں شبھمن گل کو زندگی  ملی۔ اشونی کمار کے اوور کی دوسری گیند پر تلک ورما سے ان کا کیچ چھوٹ گیا۔ اوور کی تیسری گیند پر اشونی نے جوس بٹلر کو وکٹ کیپر رکیلٹن کے ہاتھوں کیچ کروایا۔
 ۱۲؍ویں  اوور میں گجرات نے دوسرا وکٹ گنوایا۔ یہاں جوس بٹلر۳۰؍ رن بنا کر آؤٹ ہوئے۔ انہیں اشونی کمار نے وکٹ کیپر ریان   کے ہاتھوں کیچ کروایا۔  بارش کی وجہ سے کھیل روک دیا گیا  تھا ۔ اس وقت گل ۳۸؍اور رُدرفورڈ۲۶؍ رن پر ناٹ آؤٹ تھے۔پندرہویں اوور پھینکتے ہوئے جسپریت بمراہ نے شبھمن گل کو کلین بولڈ کر دیا۔ گل ۴۳؍رن بنا کر آؤٹ ہوئے۔  آخر میں گجرات کو    بارش کے سبب دو مرتبہ روکے گئے مقابلے میں ۶؍ گیندوں پر۱۵؍ رن کا ہدف دیا گیا۔
 اس سے قبل گجرات ٹائٹنس کے کپتان شبھمن گل نے ٹاس جیت کر پہلے گیند بازی کا فیصلہ کیا۔ بیٹنگ کیلئے  اتری ممبئی انڈینس کی شروعات خراب رہی اور اس نے اپنے دونوں اوپنرس ریان  (۲) اور روہت شرما (۷) کے وکٹ ۲۶؍کے اسکور تک گنوا  دیئے۔ اس کے بعد ول جیکس اور سوریہ کمار یادو کی جوڑی نے اننگز کو سنبھالا اور جدوجہد کرتے ہوئے تیسرے وکٹ  کیلئے ۷۱؍ رن  جوڑے۔ ول جیکس نے۳۵؍ گیندوں پر ۵؍ چوکوں اور ۳؍ چھکوں کی مدد سے۵۳؍ رن کی اننگز کھیلی۔ ممبئی انڈینس نے مقررہ۲۰؍ اوورس میں ۸؍ وکٹ ۱۵۵؍ رن کا اسکور بنایا۔