غزہ پٹی کے جنوبی علاقے خان یونس میں گزشتہ روز اسرائیلی فوج کی فائرنگ سے بین الاقوامی  ایتھلیٹ علّام العمور شہید ہوگئے۔ یہ اطلاع فلسطینی ایتھلیٹکس فیڈریشن نے دی، جس کے مطابق العمور اس وقت ایک امدادی خوراک کا پیکٹ حاصل کرنے کی کوشش کر رہے تھے۔

غزہ پٹی کے جنوبی علاقے خان یونس میں گزشتہ روز اسرائیلی فوج کی فائرنگ سے بین الاقوامی  ایتھلیٹ علّام العمور شہید ہوگئے۔ یہ اطلاع فلسطینی ایتھلیٹکس فیڈریشن نے دی، جس کے مطابق العمور اس وقت ایک امدادی خوراک کا پیکٹ حاصل کرنے کی کوشش کر رہے تھے۔
 فلسطینی ایتھلیٹکس فیڈریشن نے غم اور افسوس کا اظہار کرتے ہوئے کہا’’فلسطینی ایتھلیٹکس فیڈریشن نوجوان  ایتھلیٹ علّام العمور کی شہادت پر گہرے دکھ اور رنج کا اظہار کرتی ہے۔‘‘ فیڈریشن نے مزید بتایا کہ العمور مغربی ایشیا چمپئن شپ میں ۵؍ہزار میٹر کی دوڑ میں کانسے کا تمغہ جیت چکے تھے۔ وہ اسرائیلی فوج کی گولی سے ایک امدادی پیکٹ حاصل کرنے کی کوشش کے وقت شہید ہوئے۔ ہم افسوس کا اظہار کرتے ہیں۔‘‘
 فیڈریشن کی جانب سے جاری بیان میں کہا گیا کہ’’انہوں نے یہ کبھی نہیں سوچا ہوگا کہ ان کا انجام گولی سے ہوگا، بجائے اس کے کہ ان کے ہاتھ میں اپنے کے خاندان کیلئے خوراک ہو۔ علّام کی آخری دوڑ ایسی ہی تھی جو دوڑ کے میدان میں نہیں تھی بلکہ آخرت کی طرف ایک دردناک دوڑ تھی، جو اپنے پیچھے ایک دل چھو لینے والی کہانی اور چاہنے والوں اور اپنی ثابت قدمی اور برتری کے بارے میں سننے والے ہر فرد کے دلوں میں ایک اچھی یاد چھوڑ گئے۔‘‘ واضح رہے کہ بدھ کےروز فلسطینی فٹ بال اسوسی ایشن کے سربراہ جبریل الرجوب نے بتایا  تھاکہ اسرائیلی نسل کشی کی جنگ کے نتیجے میں ۷۷۴؍ فلسطینی کھلاڑیوں کی جانیں جانے کے بعد فلسطینی کھیلوں پر ایک آفت آئی  ہوئی ہے۔‘‘ الرجوب نے مزید بتایا کہ ۱۵؍ اسپورٹس صحافی بھی شہید ہوئے ہیں اور مغربی کنارے اور غزہ پٹی میں ۲۸۸؍اسپورٹس سہولیات کو مکمل یا جزوی طور پر تباہ کر دیا گیا ہے۔