ہندوستانی کرکٹ کنٹرول بورڈ (بی سی سی آئی) نے سابق ہندوستانی اسپنر پرگیان اوجھا کو سینئر مردوں کی کرکٹ ٹیم کا نیا چیف سلیکٹر مقرر کیا ہے، جبکہ سابق آف اسپنر رمیش پوار کو سینئر مردوں کی سلیکشن کمیٹی میں شامل کیا گیا ہے۔

ہندوستانی کرکٹ کنٹرول بورڈ (بی سی سی آئی) نے سابق ہندوستانی اسپنر پرگیان اوجھا کو سینئر مردوں کی کرکٹ ٹیم کا نیا چیف سلیکٹر مقرر کیا ہے، جبکہ سابق آف اسپنر رمیش پوار کو سینئر مردوں کی سلیکشن کمیٹی میں شامل کیا گیا ہے۔ بی سی سی آئی کے مطابق، پرگیان اوجھا کو ان کی ٹیسٹ کرکٹ میں سینئرٹی کی بنیاد پر سلیکشن پینل کا چیئرمین بنایا گیا ہے۔ پانچ رکنی سلیکشن کمیٹی میں اوجھا نے سب سے زیادہ ۲۴؍ ٹیسٹ میچ کھیلے ہیں۔ کمیٹی کے دیگر اراکین میں رمیش پوار، شیوشندر داس، آر پی سنگھ اور اجے راترا شامل ہیں۔

🚨 Announcement 🚨 Mr Ramesh Powar @imrameshpowar appointed to Men’s Selection Committee. Based on seniority (most Tests), Mr Pragyan Ojha @pragyanojha will chair the Committee. BCCI appreciates Mr Ajit Agarkar @imAagarkar for his commitment, conviction and contribution during his tenure as Chairman of the Committee. Details ▶️ https://t.co/z0jcyPWkr0 #TeamIndia

— BCCI (@BCCI) October 19, 2026

یہ بھی پڑھئے:ٹائیگر شروف فائرنگ: ہندی فلم انڈسٹری میں قانون و انتظام کی صورتِ حال پر تشویش

رمیش پوار کے نام کی سفارش کرکٹ ایڈوائزری کمیٹی نے متفقہ طور پر کی تھی۔ اس کمیٹی میں اشوک ملہوترا اور جتن پرانجپے شامل تھے، جنہوں نے گزشتہ ہفتے بی سی سی آئی کے صدر دفتر میں امیدواروں کے انٹرویو لیے تھے۔ اطلاعات کے مطابق، رمیش پوار کا انٹرویو جونیئر سلیکشن کمیٹی کے رکن کے عہدے کے لیے بھی کیا گیا تھا۔
۴۸؍ سالہ رمیش پوار نے ۲۰۰۴ء سے ۲۰۰۷ء کے درمیان ہندوستان کی نمائندگی کرتے ہوئے دو ٹیسٹ اور ۳۱؍ ون ڈے بین الاقوامی میچ کھیلے۔ اس عہدے کے لیے ان کا مقابلہ وسیم جعفر، سلیل انکولا، جیکب مارٹن اور کونر ولیمز جیسے سابق کرکٹرز سے تھا۔ ممبئی سے تعلق رکھنے والے پوار ہندوستانی خواتین کی کرکٹ ٹیم کے ہیڈ کوچ کے طور پر بھی دو مرتبہ خدمات انجام دے چکے ہیں۔ ان کے دور میں ہندوستانی خواتین کی ٹیم نے ایشیا کپ جیتا اور ۲۰۲۲ءکے کامن ویلتھ گیمز میں چاندی کا تمغہ حاصل کیا۔

یہ بھی پڑھئے:میک لارین کی پانچ تاریخی فارمولا ون کاریں فروخت کرنے کا اعلان

رمیش پوار نے کوچ کی حیثیت سے ممبئی کی ٹیم کو وجے ہزارے ٹرافی جتانے میں بھی اہم کردار ادا کیا۔ حال ہی میں عہدہ چھوڑنے سے پہلے وہ دو سیزن تک گجرات کی سینئر مردوں کی ٹیم کے ہیڈ کوچ رہے۔ اس کے علاوہ، ہندوستان کے خلاف حالیہ ون ڈے سیریز کے دوران انہوں نے آسٹریلیا کی انڈر ۱۹؍ٹیم کے مشاورتی کوچ کی ذمہ داری بھی نبھائی۔سینئر سلیکشن کمیٹی میں چیف سلیکٹر کی جگہ اس وقت خالی ہوئی تھی جب اجیت اگرکر نے یہ عہدہ چھوڑ دیا۔ اگرکر نے جولائی ۲۰۲۳ء میں ذمہ داری سنبھالی تھی۔ ان کی سربراہی میں ہندوستانی مردوں کی کرکٹ ٹیم نے تین آئی سی سی ٹرافیاں، دو ایشیا کپ خطاب اور ایشیائی کھیلوں میں مسلسل دو طلائی تمغے جیتے۔ پرگیان اوجھا کی بطور چیف سلیکٹر تقرری اور رمیش پوار کی سلیکشن کمیٹی میں شمولیت کے بعد اب ہندوستانی کرکٹ میں کھلاڑیوں کے انتخاب اور ٹیم کی مستقبل کی حکمت عملی پر اس پانچ رکنی پینل کی ذمہ داری ہوگی۔