ہندوستانی خاتون ہاکی ٹیم کی کپتان رانی رامپال نے نوجوانوں کو ہاکی کھیلنے کی ترغیب دیتے ہوئے کہا ہے کہ ہاکی نے انہیں اور ٹیم کی دیگر کھلاڑیوں کو بہت چھوٹی عمر میں معاشی طور پرخود مختار کردیا ہے اور اب وہ کنبہ کی ضروریات کو سنبھالنے کے لئے بہتر پوزیشن میں ہیں

ہندوستانی خاتون ہاکی ٹیم کی کپتان رانی رامپال نے نوجوانوں کو ہاکی کھیلنے کی ترغیب دیتے ہوئے کہا  ہے کہ ہاکی نے انہیں اور ٹیم کی دیگر کھلاڑیوں کو بہت چھوٹی عمر میں معاشی طور پرخود مختار کردیا ہے اور اب وہ کنبہ کی ضروریات کو سنبھالنے کے لئے بہتر پوزیشن میں ہیں۔رانی نے کہا کہ میرے خیال میں ۱۰۔۱۵؍ سال پہلے جب کوئی کہتا تھا کہ وہ ہاکی میں اپنا کریئر بنانا چاہتا ہے تو لوگ یا تو ہنستے یا کہتے کہ وہ اپنی زندگی کیسے گزاریں گے لیکن اب صورتحال بہت بہتر ہے۔ بڑی تبدیلیاں آچکی ہیں۔ 
 اس سال ملک کے اعلیٰ ترین کھیل ایوارڈ راجیو گاندھی کھیل رتن سے نوازے جانے والی کھلاڑی نے کہا کہ ہاکی انڈیا اب مسلسل قومی چمپئن  شپ کا انعقاد کرتا ہے جس سے ہاکی کھیلنے کے خواہشمند کھلاڑی اپنی صلاحیتوں کو ثابت کرنے اور اعلیٰ سطح پر مستقل کارکردگی کا مظاہرہ کرنے کا موقع فراہم کرتے ہیں۔ کھلاڑیوں کو ملازمت حاصل کرنے اور قومی ٹیم میں جگہ بنانے کے مواقع بھی ملتے ہیں۔
 انہوں نے کہا کہ خواتین ٹیم نے پچھلے کچھ سالوں کے دوران متعدد ٹورنامنٹ جیتے ہیں اور ٹیم نے ایشین گیمز میں چاندی کا تمغہ بھی جیتا تھا۔ اس ٹیم نے مسلسل دوسری بار اولمپکس کے لئے کوالیفائی کیا ہے جس نے انہیں وقت کے ساتھ ساتھ انعامات بھی حاصل کئے ہیں۔
 کپتان نے کہا کہ مجھے یقین ہے کہ ہماری بہتر کارکردگی میں فیڈریشن کے تیار کردہ پیشہ ورانہ نظام کا بہت بڑا ہاتھ ہے۔ ہمارے پاس بھی ایک اچھا جونیئر پروگرام ہے جو باصلاحیت کھلاڑیوں کی شناخت کرتا ہے۔
 انہوں نے کہا کہ یوتھ اولمپکس گیمز ۲۰۱۸ء میں چاندی کے تمغے جیتنے والی نوجوان کھلاڑی لالریمسیامی اور سلیما ٹیٹے نے سینئر ٹیم میں بہت اچھے طریقے سے  داخلہ لیا ہے اور قومی ویمن ٹیم کو بھی بین الاقوامی ٹورنامنٹ کی اچھی خاصی تعداد ملتی ہے۔ مینزہاکی ٹیم بھی ہماری اچھی رہنمائی کرتی ہے جس سے نوجوان کھلاڑیوں کا اعتماد بڑھ جاتا ہے۔
 رانی کو دھرو بترا پلیئر آف دی ایئر ایوارڈ (فیملی) جیتنے پر۲۵؍ لاکھ روپے کا نقد انعام ملا جبکہ انہیں ۲۰۱۹ء کا باوقار ورلڈ گیمز ایتھلیٹ بننے پر ۱۰؍ لاکھ روپے کی انعامی رقم دی گئی جس نے کہا کہ مجھے لگتا ہے کہ کوئی دوسری فیڈریشن اس طرح نقد انعام نہیں دیتی ہے۔
 رانی نے مزید کہا کہ وہ اولمپک کھیلوں کے لئے مستقل تیاری کررہی ہیں اور کھیلوں کے مہا کمبھ میں اچھی کارکردگی کا مظاہرہ کرنا زندگی بدل سکتا ہے۔ انہوں نے کہا کہ اولمپک کھیلوں میں تمغے جیتنے کے بعد بیڈمنٹن کھلاڑیوں پی وی سندھو اور سائنا نہوال کی زندگی بھی انتہائی حیرت انگیز انداز میں بدل گئی۔ یہ دونوں ہی نہ صرف ملک میں کھیلوں کی آئکن ہیں بلکہ وہ کھیلوں میں کامیابیوں کی وجہ سے خود انحصاری اور آزاد خواتین بھی ہیں۔