برازیلین اسٹار وینیشیئس جونیئر کے سنسنی خیز گول کی بدولت رئیل میڈرڈ نے چیمپئنز لیگ پلے آف کے پہلے مرحلے میں بنفیکا کو ۰۔۱؍گول سے شکست دے دی۔ تاہم، اس تاریخی فتح پر اس وقت سیاہ بادل چھا گئے جب میچ کے دوران مبینہ طور پر وینیشیئس کو نسل پرستانہ جملوں کا نشانہ بنایا گیا، جس کے باعث کھیل ۱۰؍منٹ سے زائد دیر تک معطل رہا۔

برازیلین اسٹار وینیشیئس جونیئر کے سنسنی خیز گول کی بدولت رئیل میڈرڈ نے چیمپئنز لیگ پلے آف کے پہلے مرحلے میں بنفیکا کو ۰۔۱؍گول سے شکست دے دی۔ تاہم، اس تاریخی فتح پر اس وقت سیاہ بادل چھا گئے جب میچ کے دوران مبینہ طور پر وینیشیئس کو نسل پرستانہ جملوں کا نشانہ بنایا گیا، جس کے باعث کھیل ۱۰؍منٹ سے زائد دیر تک معطل رہا۔میچ کا فیصلہ کن لمحہ ۵۰؍ویں منٹ میں آیا جب وینیشیئس جونیئر نے ڈی ایریا کے بائیں جانب سے ایک ناقابل یقین شاٹ لگایا جو سیدھا گول کے اوپری کونے میں جا گرا۔ گول کے بعد وینیشیئس نے بنفیکا کے تماشائیوں کے سامنے ڈانس کر کے جشن منایا، جس پر انہیں یلو کارڈ دکھایا گیا۔ اسی دوران ان کا بنفیکا کے کھلاڑی گیانلوکا پریسٹانی سے جھگڑا ہوا۔ وینیشیئس نے ریفری سے شکایت کی کہ پریسٹانی نے انہیں ’’بندر‘‘  کہا ہے۔ فرانسیسی ریفری فرانکوئس لیٹیکسیئر نے فوری طور پر نسل پرستی کے خلاف پروٹوکول نافذ کر دیا اور میچ کو تقریباً۱۰؍ منٹ تک روک دیا گیا۔

🏁 FT: @slbenfica_en 0-1 @RealMadridEN
⚽️ 50` @vinijr pic.twitter.com/hCA2DvNqSE

— Real Madrid C.F. 🇬🇧🇺🇸 (@realmadriden) February 17, 2026

بنفیکا کے کوچ جوز موریہنو، جو ماضی میں رئیل میڈرڈ کے کامیاب کوچ رہ چکے ہیں، کے لیے یہ میچ تلخ رہا۔ میچ کے آخری لمحات میں موریہنو کو ریفری سے سخت احتجاج کرنے پر ریڈ کارڈ دکھا کر میدان سے باہر بھیج دیا گیا۔ اس ریڈ کارڈ کی وجہ سے وہ اگلے ہفتے سینٹیاگو برنابیو (رئیل میڈرڈ کا ہوم گراؤنڈ) میں ہونے والے دوسرے مرحلے کے میچ میں اپنی ٹیم کے ساتھ نہیں ہوں گے۔رئیل میڈرڈ کے مڈ فیلڈر اورلین چوآ مینی نے تصدیق کی کہ وینیشیئس نے ٹیم کو بتایا کہ حریف کھلاڑی نے اپنی شرٹ سے منہ ڈھانپ کر انہیں توہین آمیز لفظ کہے۔کوج الوارو اربیلوا نے کہاکہ ’’نسل پرستی ایک ایسی چیز ہے جسے فٹ بال کی دنیا سے ختم کرنا ہوگا۔ اگر کھلاڑی خود اسے ٹھیک نہیں کریں گے تو یہ بہت پیچیدہ ہو جائے گا۔

یہ بھی پڑھئے:ایران اختلافات کے خاتمے کے لیے امریکہ کو آئندہ ۱۴؍ روز میں ٹھوس فارمولہ پیش کرے گا

ریو اوپن ٹینس: ٹاپ سیڈڈ فرانسسکو سیرونڈولو کا شاندار آغاز، دوسرے راؤنڈ میں رسائی
برازیل کے خوبصورت شہر ریو ڈی جینیرو میں جاری ریو اوپن ٹینس ٹورنامنٹ میں ارجنٹائن کے اسٹار کھلاڑی اور ایونٹ کے ٹاپ سیڈڈ فرانسسکو سیرونڈولو نے اپنی برتری ثابت کر دی ہے۔ ٹورنامنٹ کے ابتدائی مرحلے میں انہوں نے روایتی جارحانہ کھیل کا مظاہرہ کرتے ہوئے اگلے مرحلے کے لیے کوالیفائی کر لیا ہے۔ کلے کورٹ پر کھیلے جانے والے اس اہم مقابلے میں سیرونڈولو کی فارم نے حریف کھلاڑیوں کے لیے خطرے کی گھنٹی بجا دی ہے۔

یہ بھی پڑھئے:ٹی ۲۰؍ورلڈ کپ: جنوبی افریقہ کی فتوحات کا سلسلہ برقرار، یو اے ای کو شکست

مینز سنگلز کے پہلے راؤنڈ میں شائقین کو دو ہم وطن کھلاڑیوں کے درمیان دلچسپ مقابلہ دیکھنے کو ملا۔فرانسسکو سیرونڈولو نے ماریانو نیوون کے خلاف مکمل گرفت برقرار رکھی اور یہ میچ ۳۔۶، ۴۔۶؍  کے اسکور سے اپنے نام کیا۔ ۲۷؍ سالہ سیرونڈولو نے کھیل کے اہم لمحات میں بہترین شاٹس اور بیس لائن گیم کے ذریعے نیوون کو بے بس کر دیا۔اے ٹی پی  ٹور کے زیرِ اہتمام یہ ایونٹ ریو ڈی  جینیرو کے مشہور جاکی ٹینس کلب میں کھیلا جا رہا ہے۔