ہندوستانی کشتی فیڈریشن (WFI) کے سابق صدر برج بھوشن شرن سنگھ کو دہلی کی راؤز ایونیو عدالت نے خواتین پہلوانوں کے جنسی ہراسانی کے مقدمے میں ثبوتوں کی کمی کی بنیاد پر بری کر دیا۔ عدالت کے اس فیصلے پر ہندوستانی پہلوان بجرنگ پونیا نے شدید افسوس کا اظہار کرتے ہوئے کہا ہے کہ متاثرہ خواتین اپنی قانونی لڑائی جاری رکھیں گی۔

ہندوستانی کشتی فیڈریشن (WFI) کے سابق صدر برج بھوشن شرن سنگھ کو دہلی کی راؤز ایونیو عدالت نے خواتین پہلوانوں کے جنسی ہراسانی کے مقدمے میں ثبوتوں کی کمی کی بنیاد پر بری کر دیا۔ عدالت کے اس فیصلے پر ہندوستانی پہلوان بجرنگ پونیا نے شدید افسوس کا اظہار کرتے ہوئے کہا ہے کہ متاثرہ خواتین اپنی قانونی لڑائی جاری رکھیں گی۔

یہ بھی پڑھئے:غزہ: تباہ شدہ گھروں کے ملبے سے مزید ۱۱۲؍ لاشیں برآمد ، بچے بھی شامل

بجرنگ پونیا نے سوشل میڈیا پلیٹ فارم ایکس  پر لکھا کہ طاقتور سیاسی لیڈر کے خلاف ایف آئی آر درج کرانے کے لیے پہلوانوں کو سڑکوں پر آنا پڑا اور بے حد ہمت کا مظاہرہ کرنا پڑا۔ ان کا الزام تھا کہ برج بھوشن نے اپنے سیاسی اثر و رسوخ اور طاقت کے ذریعے کئی خواتین پہلوانوں کو ڈرا دھمکا کر شکایات واپس لینے پر مجبور کیا، تاہم متعدد خواتین آخر تک عدالت میں ڈٹی رہیں۔
انہوں نے کہا کہ انہیں اس بات کا گہرا دکھ ہے کہ عدالت نے خواتین پہلوانوں کی جانب سے لگائے گئے جنسی ہراسانی کے الزامات کو ثابت شدہ نہیں مانا۔ بجرنگ پونیا نے مزید الزام عائد کیا کہ مقدمے کے آغاز سے ہی پورا نظام اور حکومت برج بھوشن شرن سنگھ کو بچانے کی کوشش کرتی رہی۔ ان کے مطابق متاثرہ خواتین نے اپنے وکلا کو عدالت کے فیصلے کے خلاف اپیل دائر کرنے کی ہدایت دے دی ہے، جو جلد دائر کی جائے گی۔ انہوں نے کہا’’ہم نے امید نہیں چھوڑی، پہلوان اپنی انصاف کی لڑائی جاری رکھیں گے۔‘‘

یہ بھی پڑھئے:رتیش سدھوانی اور فرحان اختر نے ایکسل میوزک کا آغاز کر دیا، موسیقی کی دنیا میں نیا قدم

واضح رہے کہ اضافی چیف جوڈیشل مجسٹریٹ اشونی پوار نے اس مقدمے میں برج بھوشن شرن سنگھ اور شریک ملزم ونود تومر دونوں کو بری کرنے کا فیصلہ سنایا۔ عدالت نے ۲؍ جولائی کو فیصلہ محفوظ کر لیا تھا، جسے اب سنایا گیا ہے۔ یہ مقدمہ اس وقت سامنے آیا تھا جب متعدد خواتین پہلوانوں نے الزام لگایا تھا کہ برج بھوشن شرن سنگھ نے ہندوستانی کشتی فیڈریشن کے صدر رہتے ہوئے ان کے ساتھ جنسی ہراسانی کی۔ اس معاملے پر معروف پہلوانوں، جن میں ونیش پھوگاٹ، ساکشی ملک اور بجرنگ پونیا شامل تھے، نے دہلی کے جنتر منتر پر طویل احتجاج بھی کیا تھا۔ بعد ازاں جون ۲۰۲۳ء میں دہلی پولیس نے برج بھوشن کے خلاف مختلف دفعات کے تحت ایف آئی آر درج کی تھی۔