مشہور کرائم ڈراما سیریز ’’سی آئی ڈی ‘‘ کے مداحوں کے لیے ایک بار پھر پرانی یادیں تازہ ہونے والی ہیں۔ دو دہائیوں سے زائد عرصے تک ناظرین کے دلوں پر راج کرنے والی اس سیریز کے مقبول فنکار شیواجی ساٹم، دیانند شیٹی اور آدتیہ سریواستو ایک نئے کرائم شو ’’پاپ ناشم: وئیر کرائم اینڈز‘‘کے ساتھ دوبارہ ایک ساتھ نظر آنے والے ہیں ۔

مشہور کرائم ڈراما سیریز  ’’سی آئی ڈی ‘‘ کے مداحوں کے لیے ایک بار پھر پرانی یادیں تازہ ہونے والی ہیں۔ دو دہائیوں سے زائد عرصے تک ناظرین کے دلوں پر راج کرنے والی اس سیریز کے مقبول فنکار  شیواجی ساٹم، دیانند شیٹی اور آدتیہ سریواستو  ایک نئے کرائم شو ’’پاپ ناشم: وئیر کرائم اینڈز‘‘ (Paapanasham: Where Crime Ends)  کے ساتھ دوبارہ ایک ساتھ نظر آنے والے ہیں  تاہم اس واپسی میں ایک بڑا موڑ یہ ہے کہ اس بار یہ فنکار’’سی آئی ڈی ‘‘ کے اپنے مشہور کرداروں میں نہیں بلکہ بالکل نئے روپ اور کرداروں میں دکھائی دیں گے۔ 

یہ بھی پڑھئے:اللو ارجن اور ایٹلی کی ’’راکا‘‘نے ۳۷؍ فنکاروں کے موشن کیپچر کے ساتھ گنیز ورلڈ ریکارڈ بنا لیا

’’سی آئی ڈی ‘‘ میں  شیواجی ساٹم  نے اے سی پی پردیومن،  دیانند شیٹی نے سینئر انسپکٹر دیا اور  آدتیہ سریواستو  نے انسپکٹر ابھیجیت کا کردار ادا کرکے زبردست مقبولیت حاصل کی تھی۔ ان تینوں کی اسکرین کیمسٹری کرائم شو کی سب سے نمایاں خصوصیات میں شمار ہوتی رہی ہے۔ اب ’’پاپ ناشم‘‘ میں تینوں اداکار دوبارہ ایک ساتھ تو ہوں گے، لیکن وہ اپنے پرانے پولیس افسر والے کردار ادا نہیں کریں گے۔ آدتیہ سریواستو نے بھی واضح کیا ہے کہ یہ ایک کرائم شو ضرور ہے، لیکن اس کا انداز’’سی آئی ڈی ‘‘ سے مختلف ہوگا اور تمام فنکار نئے اوتار میں دکھائی دیں گے۔ 
’’پاپ ناشم‘‘ کی شوٹنگ شروع ہو چکی ہے۔ ۲۲؍ ستمبر کو جاری کیے گئے اعلان میں شیواجی ساٹم نے بتایا کہ ٹیم نے  منگلور اور اڈوپی  میں نئے شو کی شوٹنگ شروع کردی ہے۔ اس اعلان کے بعد ’’سی آئی ڈی ‘‘  کے مداحوں میں خاصا جوش دیکھا جا رہا ہے، کیونکہ ایک ہی پروجیکٹ میں کئی پرانے پسندیدہ چہرے دوبارہ ساتھ نظر آ رہے ہیں۔  دیانند شیٹی اس پروجیکٹ کو اپنے پروڈکشن بینردی دیا شیٹی پروڈکشنزکے تحت تیار کر رہے ہیں۔ انہوں نے ’’پاپ ناشم‘‘ کو اپنے لیے ایک خاص اور نئی شروعات قرار دیا ہے۔ 

یہ بھی پڑھئے:معیشت میں نجی سرمایہ کاری رفتار پکڑ رہی ہے : سیتا رمن

اس نئے کرائم شو میں صرف دیا، ابھیجیت اور اے سی پی پردیومن سے وابستہ اداکار ہی نہیں بلکہ ’’سی آئی ڈی ‘‘ کے مزید چہرے بھی شامل ہیں۔  انشا سید ، جنہوں نے ’’سی آئی ڈی ‘‘ میں انسپکٹر پروی کا کردار ادا کیا تھا، بھی ’’پاپ ناشم‘‘ کا حصہ ہیں۔ اس کے علاوہ   رشی کیش پانڈے  اور **اجے ناگرتھ  بھی نئے شو میں نظر آئیں گے۔ دونوں فنکار’’سی آئی ڈی ‘‘  میں بالترتیب انسپکٹر سچن اور پنکج کے کرداروں کے لیے جانے جاتے تھے۔ انشا سید نے مداحوں سے اپیل کی ہے کہ وہ’ ’پاپ ناشم‘‘ کو بھی وہی محبت اور حمایت دیں جو انہوں نے ’’سی آئی ڈی ‘‘ کو دی تھی۔ 
 ’’پاپ ناشم‘‘ کی ایک اور اہم بات اس کا ڈجیٹل پلیٹ فارم ہے۔ دستیاب اطلاعات کے مطابق یہ شو روایتی ٹی وی پر نشر ہونے کے بجائے  دیانند شیٹی کے یوٹیوب چینل  پر پیش کیا جائے گا۔ دیانند نے دسمبر ۲۰۲۵ء میں اپنا ڈجیٹل بینر شروع کیا تھا، جہاں’’سی آئی ڈی ‘‘  ٹیم کے دوبارہ ملنے سے متعلق وی لاگز اور دیگر مواد بھی پیش کیا جا رہا ہے۔