خواتین کے زمرے میں کالڈینٹی کو ایوارڈ دیا گیا۔ انگلینڈ میں کھیلنے والے ساتھی پیشہ ور کھلاڑی اس ایوارڈ کے لیے ووٹ دیتے ہیں۔ صلاح نے یہ اعزاز ریکارڈ تیسری بار جیتا ہے۔

لیورپول فٹبال کلب کے فارورڈ محمد صلاح کو منگل کو پروفیشنل فٹبالرس اسوسی ایشن  (پی ایف اے)کے ایوارڈس میں گزشتہ سیزن کے لیے انگلش فٹبال میں سال کا بہترین کھلاڑی منتخب کیا گیا۔ اس کے ساتھ ہی آرسنل کی مڈفیلڈر ماریونہ کالڈینٹی نے خواتین کے زمرے میں یہ اعزاز حاصل کیا۔

A massive honour to win this award. Thank you to my peers for voting for me. Pfa Young Player Of The Year🏆 pic.twitter.com/inH390UIBY

— Morgan Rogers (@morgz_10) August 19, 2025

انگلینڈ میں کھیلنے والے ساتھی پیشہ ور فٹبال کھلاڑی اس ایوارڈ کے لیے ووٹ دیتے ہیں۔ صلاح نے یہ اعزاز ریکارڈ تیسری بار جیتا ہے۔  ۳۳؍ سالہ مصری انٹرنیشنل  کھلاڑی نے انگلش پریمیر لیگ میں۲۹؍ گول کیے جس کی بدولت لیور پول نے ریکارڈ۲۰؍ ویں مرتبہ  چمپئن  شپ جیتی۔ صلاح نے اس سال کے شروع میں تیسری بار فٹبال رائٹرس اسوسی ایشن کا فٹبالر آف دی ایئر کا ایوارڈ بھی جیتا تھا۔ خواتین کے زمرے میں ۲۹؍ سالہ کالڈینٹی  نے آرسنل کے ساتھ اپنے پہلے سیزن میں شاندار کارکردگی کا مظاہرہ کیا اور تمام مقابلوں میں۱۹؍ گول اسکور کیے۔ ایسٹن ولا کے مڈفیلڈر مورگن راجرس کو سال کا بہترین مرد نوجوان کھلاڑی قرار دیا گیا  جبکہ سب سے زیادہ قیمت پر آرسنل میں شامل ہونے والی کینیڈین اسٹرائیکر اولیویا اسمتھ نے خواتین کی کیٹیگری میں یہ ایوارڈ حاصل کیا۔

Magic Mariona. 🇪🇸

Caldentey reacts to her 2025 PFA Players` Player of the Year award success. 🏆 pic.twitter.com/mGLCeHl9Wm

— PFA (@PFA) August 19, 2025

۳۳؍سالہ محمد صلاح گزشتہ سیزن میں لیور پول کی خطابی  کامیابی میں اہم کردار ادا کرنے کے بعد تین بار یہ اعزاز حاصل کرنے والے پہلے کھلاڑی ہیں۔

"It`s something I will never forget."

🏆 @MoSalah reacts to his third PFA Players` Player of the Year award. pic.twitter.com/m2cSzAMlQR

— PFA (@PFA) August 19, 2025

 یہ پوچھے جانے پر کہ کیا وہ مصر میں  رہتے  ہوئے ایوارڈ جیتنے کے عزائم رکھتے ہیں، انہوں نے کہا کہ ’’یقیناً میں ایک فٹبالر بننا چاہتا تھا اور میں مشہور ہونا چاہتا تھا اور اپنے خاندان کو پالنا چاہتا تھا، لیکن جب آپ مصر میں رہتے ہیں تو بڑی چیزوں کے بارے میں نہیں سوچتے۔انہوں نے مزید کہا کہ جب آپ بڑے ہو جاتے ہیں تو آپ چیزوں کو مختلف طریقے سے دیکھنا شروع کر دیتے ہیں اور آپ میں خواہش پیدا ہوتی ہے اور آپ بڑی تصویر کو دیکھنا شروع کر دیتے ہیں۔‘‘ مصری کھلاڑی نے ۲۵۔۲۰۲۴ء میں پریمیر لیگ  کے  سب سے زیادہ اسکورر تھے، جس میں انہوں نے ۲۹؍ گول کئے اور ۱۸؍ گول کرنے میں  مدد کی۔