کافی عرصے تک ٹیم سے باہر رہنے والے سنجو سیمسن ایک بار پھر اپنی قابلیت ثابت کرتےہوئے ۱۰۸؍رنوں کی شانداراننگز کھیلی جس کی مدد سے ہندوستان نے جنوبی افریقہ کے خلاف تیسرے اور فیصلہ کن یک روزہ میچ میں پہلے بلےبازی کرتے ہوئے مقررہ ۵۰؍اوور میں ۸؍وکٹ پر ۲۹۶؍رن بنالئے۔

کافی عرصے تک ٹیم سے باہر رہنے والے سنجو سیمسن ایک بار پھر اپنی قابلیت ثابت کرتےہوئے ۱۰۸؍رنوں کی شانداراننگز کھیلی جس کی مدد سے ہندوستان نے جنوبی افریقہ کے خلاف تیسرے اور فیصلہ کن یک روزہ میچ میں پہلے بلےبازی کرتے ہوئے مقررہ ۵۰؍ اوور میں ۸؍وکٹ پر ۲۹۶؍رن بنالئے۔
ٹیم انڈیا سے اندر ہونے والے سنجو سیمسن کو جب بھی موقع ملتا ہے، وہ خود کو ثابت کرنے میں کوئی کسر نہیں چھوڑتے۔ سنجو سیمسن (۱۰۸) نے جمعرات کو جنوبی افریقہ کے خلاف تیسرے ون ڈے میں سنچری بنا کر دکھایا کہ سلیکٹرز انہیں آسانی سے نظر انداز نہیں کر سکتے۔
بولینڈ پارک میں جنوبی افریقہ نے ٹاس جیت کر پہلے گیند بازی کافیصلہ لیا۔ ہندوستان کی جانب سےاپنا پہلا میچ کھیلنے والے رجت پاٹیدار (۲۲) اور گزشتہ ۲؍ میچوں میں نصف سنچری اسکور کرنے والے سائی سدرشن کی اوپننگ جوڑی پہلے وکٹ کیلئے صرف ۳۴؍رن جوڑ سکی۔ ایسے میں نمبر ۳؍ پر بلے بازی کیلئے میدان پر آنےوالے سنجو نےاپنی صلاحیت کیاتھ انصاف کرتے ہوئے ایک سرےکو سنبھائے رکھا اور کپتان کےایل راہل(۲۱) کے ساتھ تیسرے وکٹ کیلئے ۵۲؍ رن جوڑے۔ راہل کے آؤٹ ہونے کے بعد انہوں نے نوجوان بلے باز تلک ورما(۵۲) کے ساتھ چوتھے وکٹ کیلئے۱۱۶؍رنوں کی شراکت نبھاکر ٹیم کے مضبوط اسکور کی بنیاد رکھ دی۔ تلک ۷۷؍گیندو ں پر ۲؍چوکوں کی مدد سے ۵۲؍رن بنا کر کیشو مہاراج کاشکار بنے۔ ولیمز کی گیند پر آؤٹ ہونے سے قبل سنجو نے اپنی پہلی بین الاقوامی ون ڈے سنچری لگائی۔ انہوں نے ۱۱۴؍ گیندوں کا سامنا کرتےہوئے ۶؍چوکےاور ۳؍ شاندار چھکوں کی مدد سے ۱۰۸؍رن بنائے۔ رنکو سنگھ (۳۸) نے ۳؍چوکےاور ۲؍چھکے مارے۔