ویسٹ انڈیز نے بنگلہ دیش کے خلاف دو ٹیسٹ میچوں کی سیریز ۰۔۱؍ سے اپنے نام کرلی۔ سلہٹ میں کھیلا گیا دوسرا اور آخری ٹیسٹ میچ پانچویں دن خراب روشنی کے باعث ڈرا ہوگیا۔ آخری دن بنگلہ دیش کی ٹیم ۳۶۹؍ رن کے ہدف کے تعاقب میں ۵۹؍ اوور میں ۴؍ وکٹ کے نقصان پر ۱۸۴؍ رن بناسکی تھی۔

ویسٹ انڈیز نے بنگلہ دیش کے خلاف دو ٹیسٹ میچوں کی سیریز  ۰۔۱؍ سے اپنے نام کرلی۔ سلہٹ میں کھیلا گیا دوسرا اور آخری ٹیسٹ میچ پانچویں دن خراب روشنی کے باعث ڈرا ہوگیا۔ آخری دن بنگلہ دیش کی ٹیم ۳۶۹؍ رن کے ہدف کے تعاقب میں ۵۹؍ اوور میں ۴؍ وکٹ کے نقصان پر ۱۸۴؍ رن بناسکی تھی کہ خراب روشنی کے سبب کھیل روکنا پڑا۔ اس وقت میزبان ٹیم کو جیت کے لیے مزید ۱۸۵؍ رن درکار تھے، جبکہ ویسٹ انڈیز کو ۶؍ وکٹ حاصل کرنی تھیں۔ امپائرس اور دونوں ٹیموں کے کپتانوں نے حالات کا جائزہ لینے کے بعد میچ ڈرا کرنے پر اتفاق کیا۔ ویسٹ انڈیز نے اس سے قبل میرپور میں کھیلا گیا پہلا ٹیسٹ ۸؍ وکٹ سے جیتا تھا، اس طرح مہمان ٹیم نے سیریز پر قبضہ کرلیا۔ 

Nothing to separate the two teams after a hard-fought second Test as West Indies take the series 1-0 👊 #WTC27 | 📝: https://t.co/WDgQ8sdgNU https://t.co/OuRq7x3hX5

— ICC (@ICC) November 9, 2026

دوسرے ٹیسٹ میں بنگلہ دیش کے بلے باز توحید ہردوئے نے غیر معمولی کارکردگی کا مظاہرہ کرتے ہوئے دونوں اننگز میں مجموعی طور پر ۳۲۴؍ رن بنائے۔ انہوں نے پہلی اننگز میں ناٹ آؤٹ  ۲۴۲؍ رن کی شاندار اننگز کھیلی، جبکہ دوسری اننگز میں ۸۲؍ رن بناکر ٹیم کو شکست سے بچانے میں اہم کردار ادا کیا۔ اس طرح وہ ایک ٹیسٹ میچ میں ڈبل سنچری اور نصف سنچری بنانے والے پہلے بنگلہ دیشی بلے باز بن گئے۔ ہردوئے نے پہلی اننگز میں ۳۵۹؍ گیندوں کا سامنا کرتے ہوئے ۲۲؍ چوکے اور ۱۱؍ چھکے لگائے۔ ان کی اس طویل اور ذمہ دارانہ اننگز نے بنگلہ دیش کو ابتدائی مشکلات سے نکالا۔ دوسری اننگز میں بھی انہوں نے ۱۴۰؍ گیندوں پر ۸۲؍ رن بنائے۔ ان کی مجموعی ۳۲۴؍ رن کی کارکردگی نے بنگلہ دیشی ٹیسٹ کرکٹ میں نیا ریکارڈ قائم کیا اور انہیں میچ کا بہترین کھلاڑی قرار دیا گیا۔ 
 میچ میں پہلے بلے بازی کرتے ہوئے ویسٹ انڈیز نے اپنی پہلی اننگز میں ۱۰۶ء۴؍ اوور میں ۳۵۶؍ رن بنائے۔ امیر جانگو نے شاندار بلے بازی کرتے ہوئے ۲۱۲؍ گیندوں پر ۱۳۳؍ رن بنائے، جبکہ جسٹن گریوز نے ۵۱؍ رن کی اہم اننگز کھیلی۔ جانگو نے ابتدائی وکٹیں جلد گرنے کے بعد اننگز کو سنبھالا اور ٹیم کو مستحکم مجموعے تک پہنچایا۔بنگلہ دیش کی جانب سے حسن محمود نے بہترین بولنگ کا مظاہرہ کرتے ہوئے ۹۰؍ رن دے کر ۶؍ وکٹ حاصل کیے۔ ان کی اس کارکردگی کے باوجود ویسٹ انڈیز نے پہلی اننگز میں ۳۵۶؍ رن بنائے۔ جواب میں بنگلہ دیش نے توحید ہردوئے کی ناقابلِ شکست ڈبل سنچری کی بدولت ۳۸۶؍ رن بنائے اور پہلی اننگز میں ۳۰؍ رن کی برتری حاصل کرلی۔ 

یہ بھی پڑھئے:’’گوڈزیلا مائنس زیرو‘‘ عالمی باکس آفس پر پہلے نمبر پر، ’’رامائن‘‘ دوسرے مقام پر

دوسری اننگز میں ویسٹ انڈیز نے جارحانہ انداز اختیار کرتے ہوئے ۹۳؍ اوور میں ۶؍ وکٹ کے نقصان پر ۳۹۸؍ رن بناکر اننگز ڈکلیئر کردی۔ کیوم ہاج نے شاندار بلے بازی کرتے ہوئے ۱۹۴؍ گیندوں پر ۱۴۲؍ رن بنائے، جس میں ان کے تیسرے ٹیسٹ سنچری بھی شامل تھی۔ کیون وِکہم نے ۱۰۷؍ گیندوں پر ۷۸؍ رن اور برینڈن کنگ نے ۶۱؍ رن کی اننگز کھیلی۔ اس طرح ویسٹ انڈیز نے بنگلہ دیش کے سامنے جیت کے لیے ۳۶۹؍ رن کا ہدف رکھا۔ بنگلہ دیش کی جانب سے مہدی حسن میراز، نعیم حسن اور تعج الاسلام نے ۲، ۲ وکٹ حاصل کیے۔ ویسٹ انڈیز نے دوسری اننگز میں مضبوط بیٹنگ کے ذریعے میچ پر اپنی گرفت مستحکم کرلی تھی، تاہم آخری دن بنگلہ دیش کے بلے بازوں نے مزاحمت کرکے میچ کو ڈرا کرادیا۔ 
 ۳۶۹؍ رن کے ہدف کا تعاقب کرتے ہوئے بنگلہ دیش کی شروعات اچھی نہیں رہی اور ٹیم نے ابتدائی دو وکٹیں صرف ۴۰؍ رن پر گنوادیں۔ اس کے بعد توحید ہردوئے اور تجربہ کار مشفق الرحیم نے ذمہ دارانہ بلے بازی کرتے ہوئے اننگز کو سنبھالا۔ دونوں نے تیسری وکٹ کے لیے ۱۳۵؍ رن کی اہم شراکت قائم کی اور ویسٹ انڈیز کے بولرس کو طویل وقت تک وکٹ حاصل کرنے سے روکے رکھا۔

یہ بھی پرھئے:لینڈو نورس کی شاندار جیت، میکس ورسٹاپن کی ناقابلِ یقین واپسی

مشفق الرحیم نے اس اننگز کے دوران ٹیسٹ کرکٹ میں اپنے ۷؍ ہزار رن مکمل کیے۔ وہ یہ سنگ میل عبور کرنے والے بنگلہ دیش کے پہلے بلے باز بن گئے۔ انہوں نے ۱۲۳؍ گیندوں پر ۴۹؍ رن بنائے۔ دوسری جانب ہردوئے نے ۱۴۰؍ گیندوں کا سامنا کرتے ہوئے ۸؍ چوکوں کی مدد سے ۸۲؍ رن اسکور کیے۔ انہیں جومیل واریکن نے بولڈ کیا، جنہوں نے اسی وکٹ کے ساتھ ٹیسٹ کرکٹ میں اپنی ۱۰۰؍ وکٹیں بھی مکمل کرلیں۔ بعد ازاں شمر جوزف نے مشفق الرحیم کو آؤٹ کیا۔ 
ویسٹ انڈیز کے اسپنر جومیل واریکن کو پوری سیریز میں شاندار بولنگ کے لیے بہترین کھلاڑی قرار دیا گیا۔ انہوں نے دو ٹیسٹ میچوں میں مجموعی طور پر ۱۶؍ وکٹ حاصل کیے، جن میں پہلے ٹیسٹ میں ۹؍ اور دوسرے ٹیسٹ میں ۷؍ وکٹ شامل ہیں۔ ان کی اسپن بولنگ نے بنگلہ دیشی بلے بازوں کو مسلسل مشکلات میں رکھا اور سیریز میں ویسٹ انڈیز کی کامیابی میں اہم کردار ادا کیا۔دوسرے ٹیسٹ میں توحید ہردوئے کو میچ کا بہترین کھلاڑی منتخب کیا گیا۔ ان کی ۲۴۲؍ رن کی ناقابلِ شکست اننگز اور دوسری اننگز میں ۸۲؍ رن کی مزاحمت نے بنگلہ دیش کو ممکنہ شکست سے بچانے میں بنیادی کردار ادا کیا۔ واضح رہے کہ ویسٹ انڈیز نے سیریز کے پہلے ٹیسٹ میں بنگلہ دیش کو ۸؍ وکٹ سے شکست دی تھی۔ دوسرے ٹیسٹ میں میزبان ٹیم نے بھرپور مزاحمت کی، لیکن مہمان ٹیم کی پہلی اننگز کی برتری اور دوسری اننگز میں بڑے مجموعے کے باعث بنگلہ دیش کے لیے ہدف حاصل کرنا مشکل ہوگیا۔ پانچویں دن خراب روشنی نے کھیل کا اختتام کردیا اور دوسرا ٹیسٹ ڈرا ہونے کے ساتھ ویسٹ انڈیز نے دو میچوں کی سیریز ۱-۰ سے جیت لی۔