شریس ایّر نے آئی پی ایل ۲۰۲۶ء میں اپنی گزشتہ تین اننگز میں ۵۰، ناٹ آؤٹ ۶۹؍رن اور ۶۶؍رنز بنائے ہیں۔ یہی وہ وجوہات ہیں جن کی بنا پر پنجاب کنگز اس وقت چار جیت اور ایک واش آؤٹ کے ساتھ پوائنٹس ٹیبل میں سرفہرست ہے۔

شریاس ایّر نے آئی پی ایل ۲۰۲۶ء میں اپنی گزشتہ تین اننگز میں ۵۰، ناٹ آؤٹ ۶۹؍رن اور ۶۶؍رنز بنائے ہیں۔ یہی وہ وجوہات ہیں جن کی بنا پر پنجاب کنگز اس وقت چار جیت اور ایک واش آؤٹ کے ساتھ پوائنٹس ٹیبل میں سرفہرست ہے۔ ان کی حالیہ شاندار کارکردگی کے بعد ایرون فنچ کے پاس ان کی تعریف کے لیے الفاظ کم پڑ گئے۔
پنجاب کی ممبئی انڈینز پر جیت کے بعد فنچ نے ای ایس پی این کرک انفو  کے ٹائم آؤٹ شو میں کہاکہ ’’انہیں کھیلتے دیکھ کر حیرانی ہوتی ہے کہ وہ کتنے باصلاحیت ہیں۔ انہوں نے گزشتہ اور موجودہ آئی پی ایل کے درمیان کوئی ٹی۲۰؍ میچ نہیں کھیلا اور اس کے باوجود شروع سے ہی دھماکہ خیز کارکردگی کا مظاہرہ کیا ہے۔ ان کی کپتانی شاندار ہے۔ یہ دیکھ کر حیرت ہوتی ہے کہ وہ ہندوستان کے لیے مزید کرکٹ کیوں نہیں کھیلتے۔‘‘

The whole cricketing world is patting your back for that catch, Sarpanch! 🫡❤️ pic.twitter.com/zcZ2QC4h3w

— Punjab Kings (@PunjabKingsIPL) April 17, 2026

انہوں نے مزید کہاکہ ’’وہ بہترین کھلاڑی ہیں اور ان کا کھیل دیکھنے میں بہت اچھا لگتا ہے۔ وہ گیند کو زور سے مارنے کی کوشش نہیں کرتے، بلکہ وکٹ کے دونوں طرف کھیلتے ہیں۔ فرنٹ فٹ اور بیک فٹ دونوں پر ان کا کھیل شاندار ہے۔ اب انہوں نے شارٹ پچ گیندوں کے خلاف اپنی کمزوری کو بھی دور کر لیا ہے اور اسے مکمل کنٹرول کے ساتھ کھیلتے ہیں۔‘‘

یہ بھی پڑھئے:’’سپر ماریو گلیکسی مووی‘‘ کا ۱۲؍ دن میں ۶۲۹؍ ملین ڈالر کا بزنس

فنچ کے ساتھ موجود پیوش چاؤلہ کا بھی ماننا ہے کہ ایئر کو ٹیم میں ہونا چاہیے۔ چاؤلہ نے کہاکہ ’’میرے خیال میں اگر میں سلیکٹر ہوتا تو وہ براہ راست ٹیم میں جگہ پاتے۔ وہ مڈل آرڈر کے بہترین کھلاڑیوں میں سے ایک ہیں۔ ان کے پاس کرکٹ کا بہترین دماغ ہے اور وہ ٹیم کی قیادت بھی کر سکتے ہیں۔‘‘
۲۰۲۵ء کے آغاز سے اب تک آئی پی ایل میں ۵۰۰؍ سے زیادہ رنز بنانے والے ۲۲؍ بلے بازوں میں ان کا اسٹرائیک ریٹ تیسرا سب سے زیادہ ہے۔ ابھیشیک شرما اور ان کے ساتھی کھلاڑی پرینش آریہ ہی ان سے اوپر ہیں۔ اس دوران ان کی اوسط بھی تیسری بہترین ہے، جس میں صرف وراٹ کوہلی اور جوس بٹلر ان سے آگے ہیں۔ پنجاب کے اسپن گیند بازی کوچ سائی راج  نے کہا کہ وقت کے ساتھ ایّر نے اپنے کھیل کو بہت اچھی طرح سمجھ لیا ہے۔ وہ جانتے ہیں کہ کس گیند باز کو نشانہ بنانا ہے اور شارٹ گیند کی حکمتِ عملی کا مقابلہ کیسے کرنا ہے۔

یہ بھی پڑھئے:ٹرمپ نے ایران جنگ کو ’’چھوٹا سا رخ بدلنا‘‘ قرار دیا، جلد خاتمے کا دعویٰ

پنجاب کی حالیہ کامیابی کی ایک بڑی وجہ ہدف کا تعاقب   کرنے کی صلاحیت بھی ہے۔ تمام ٹی۲۰؍ کرکٹ میں ان کے نام ۲۰۰؍سے زیادہ رنز کے ہدف کا سب سے زیادہ ۱۰؍ بار کامیابی سے پیچھا کرنے کا ریکارڈ ہے۔ ان میں سے تین کامیابیوں کے وقت ایّر ٹیم کے کپتان تھے۔ جمعرات کو پنجاب نے ۱۹۶؍ رنز کا ہدف ۲۱؍ گیندیں باقی رہتے حاصل کر لیا۔
قومی ٹیم میں واپسی کے حوالے سے فنچ نے کہا کہ ہندوستان کی بینچ اسٹرینتھ بہت مضبوط ہے، جو کسی بھی ٹیم کو ہرا سکتی ہے۔ تاہم، انہوں نے یہ بھی کہا کہ آسٹریلیا میں ہونے والے اگلے ٹی۲۰؍ ورلڈ کپ کے لیے شریس ایّر جیسے کھلاڑیوں کی ضرورت ہوگی جو اچھال والی پچوں پر اچھا کھیل سکیں۔