بالی ووڈ اداکار سہیل خان نے انکشاف کیا ہے کہ وہ اپنے بڑے بیٹے کا نام ’رام خان‘ رکھنا چاہتے تھے، لیکن سابق اہلیہ سیما سجدیہہ نے بچے کی پیدائش کے بعد اس کا نام نروان رکھ دیا، جسے انہوں نے خوشی سے قبول کر لیا۔

ریئلیٹی شو  ’’الائنز‘‘ میں اداکار  علی گونی کے ساتھ گفتگو کے دوران سہیل نے بتایا کہ جب سیما پہلی بار حاملہ تھیں تو دونوں نے مذاق میں ایک معاہدہ کیا تھا کہ اگر بیٹا ہوا تو نام وہ رکھیں گے جبکہ بیٹی ہونے کی صورت میں نام سیما منتخب کریں گی۔ سہیل نے کہا’’میں اپنے بیٹے کا نام رام رکھنا چاہتا تھا، یعنی رام خان ۔ ہم مذہبی ہم آہنگی پر یقین رکھتے ہیں، اس لیے مجھے یہ نام پسند تھا۔ 

Salman Khan`s brother,Sohial Khan wanted to keep his son`s name Ram because of His gentle and very caml behaviour. pic.twitter.com/Ps9fNusPjy

— Gagan Choudhary (@trigguuuu) July 15, 2026

انہوں نے بتایا کہ بچے کی پیدائش کے بعد جب سیما کو ہوش آیا تو ڈاکٹر نے انہیں بتایا کہ بیٹا ہوا ہے۔ کمرے میں داخل ہونے پر سیما نے نیم بے ہوشی کی حالت میں پوچھا نروان کیسا ہے؟  سہیل کے مطابق، سیما نے اتنے اعتماد اور محبت سے یہ نام لیا کہ وہ اسے تبدیل نہ کر سکے۔ انہوں نے مسکراتے ہوئے کہا کہ نروان آج بھی اپنے نام کی طرح پرسکون اور سنجیدہ مزاج کا حامل ہے۔

یہ بھی پڑھئے:رابرٹ پیٹنسن کی’’دی بیٹ مین ۲‘‘ایک بار پھر مؤخر، ریلیز کی نئی تاریخ کا اعلان

علیحدگی کے باوجود خوشگوار تعلقات 
شو کے دوران اداکار علی گونی نے سہیل اور سیما کے بیٹوں  نروان  اور  یوہان  کی اچھی تربیت کی تعریف کرتے ہوئے کہا کہ دونوں نہایت بااخلاق ہیں۔سیما سجدیہہ کی شو میں آمد پر سہیل نے کہا’’میں نے اس خوبصورت خاتون کے ساتھ ۲۵؍ سال گزارے ہیں۔ اگر ہماری زندگی میں کوئی غلطیاں ہوئیں تو میں ان کی پوری ذمہ داری قبول کرتا ہوں۔  بعد ازاں سہیل نے سیما کی جانب محبت بھرے انداز میں بوسہ اچھالا، جس پر سیما نے مسکراتے ہوئے جواب دیا’’سہیل، آپ سے دوبارہ مل کر اچھا لگا۔‘‘

یہ بھی پڑھئے:روبوٹ امپائرز: انسانی ریفری اسٹار کھلاڑیوں کے حق میں لاشعوری طور پر جھکاؤ رکھتے ہیں

شو کے میزبان کنال کھیمو نے جب سیما سے پوچھا کہ کھیل میں ان کا سب سے بڑا ساتھی کون ہے تو انہوں نے جواب دیا’’اس وقت میرا واحد ساتھی سہیل ہی ہے۔‘‘سہیل نے بھی اعتراف کیا کہ شو میں سیما کو دیکھ کر انہیں بے حد خوشی ہوئی اور ایسا محسوس ہوا جیسے خاندان کا کوئی فرد ان کے ساتھ موجود ہو۔